KURDISTANPOST
بەڵێن رەواندوزیی
زمانی کوردی
Tuesday, 11/01/2022, 15:50
8284
بینراوە
حەیفە بۆ زمانی کوردی
کە نامەردی پێ ئاشنایە
هەر قابیل بە دەمی مەردە
لە خۆفرۆش و گەندەڵ نایە
لەسەر هەندێ دەم و لچ دا
بۆ ڕوخسارە یا سەودایە
لە ناواخنی هەندێکی تر
بە گوێی ئاغای وەکو بایە
لەسەر لێو و دەمی زاراش
مەشخەڵێکی چوار چرایە
لە پەروەردە و فێر کردنیش
لە نێو هەگبەی مامۆستایە
شان بە شانی ئازاو بوێر
لە سەنگەری شەڕەف دایە
بۆ گەلی کورد ژیان بەخشە
بۆ دوژمنیش وەكو تایە
تا خاوەنی زاراکان بین
سەرکەوتنیش لە ڕیگایە
قوڕ بەسەری ئەو دوژمنەی
هیوای بە بەندی زارایە
بەڵێن رەواندوزیی
© 2019- Kurdistanpost