ژەهرەکەى مەلا بەختیارتان بیرماوە

Friday, 28/01/2022, 2:50

6505 بینراوە


مەلا بەختیار (پیاو)ێکە لێوانلێو لەدرۆ و فیشاڵ، خۆهەڵکێشان و نامەرد و بێویژدان، بێئەخلاقى سیاسى و بێپرنسیپ. لەوانەیە تروسکاییەکى تێدا نەبێت کە ئینسان ئاماژەیەکى خێرى بۆبکات، ئەگەر ئەمجۆرە پێشهاتانە نەبێت ناوهێنانى ئەم زیندەوەرە شەرمهێنەرە.
ئەم سیاسییە لاکەوتەیە جاربە جار وەکو (کەڵەشێر)ێکى لەڕ و لە شەڕدا دۆڕاو قوقەیەکى ناوەخت ئەکات، هەتا بڵێت منیش هەم، کە  لەدوا نمایشیدا دەزگا پاراستنەکەى مەسعود، مەلایەکى بە (70) ساڵ تەمەنەوە، کردووە بەگاڵتەجاڕى زەمانە و ڕۆڵى ژەهرخواردویەکى پێدەبینێت، سیناریۆکە لە چوون و هاتنەوەى و ڕەنگ و ڕووى و دانیشتنى تیاترۆخانە گەڕۆکەى تورکیا و پاشەڵبادانى دوو نێرەکەر بەرامبەر خۆى و ژن و کچى ئەوەندەى تر پاشماوەى ئابڕوى هەڵوەراند ئەگەر لێرە و لەوێ تۆزێکى مابێت. 
 ئەوەى جێگەى تێڕامانە ئەم وشکە سیناریۆیە هەندێ کۆنە سیاسى و نووسەرى هێناوەتە گۆ ناکرێت هەروا بەسەرماندا تێبپەڕێت و قسەیەکى لەسەر نەکرێت، لێرەدا ئاماژە بە سێ کەسیان ئەکەم. ئەمانە غافڵن لەوەى کە: ژەهر دەرخوارددان، یان ژەهراویبون کێشەیەکە لایەنى زانستى – پزیشکى و لایەنی دادوەرى هەیە، لەلایەک ئەبێت بە ڕاپۆرتى پزیشکى متمانەپێکراو و لیژنەى پزیشکى بوونى ژەهراویبون، کە جۆرى ژەهرەکە بسەلمێنێى، دواتر بۆ بکەرەکەى دادگا یەکلای ئەکاتەوە و بە پرۆسەیەکى داوەریى دوور و درێژ، نەک وەکو هەندێک ڕەمڵ لێبدەن، یەکسەر بەیت و باڵۆرەى ژەهر بۆ مەلاى بەدبەخت بهۆننەوە.
ئەمەش ئەو نووسەرانەن : 

١- پشکۆ نەجمەدین :

وتارێکى بڵاوکردۆتەوە بەناونیشانى (دەیانتوانى و نەیانکرد) ئەڵێت:
(هیچ سەركردەیەكی باڵادەست و خاوەنبڕیاری هیچ حیزبێك، پڕكێشیی ئەوەی نەكردووە كە نەیارانی فیكریی خۆی، بۆ یەكلاكردنەوەی كێشەی دەستەڵات، هەموو پرەنسیپە ئەخلاقی و ویژدانییەكان ببەزێنێت و تیرۆر یانژی ژەهرخواردیان بكات) .
- ئەم کابرایە ئەڵێیت لەهەسارەیەکى دوور لەزەوى ئەژى ئەوەندە لەدنیا و بزوتنەوە چەکدارییەکەى کورد غافڵگیرە کەمێژوویەکى دور و درێژى لەگەڵ تیرۆردا هەیە ئینجا جۆرى کوشتنەکە بەفیشەک بێت یان تەقەمەنى یان خنکاندن و لەسێدارەدان یان زیندەبەچاڵکردن یان بە ژەهر وەکو کوشتنى جەبار فەرمان و جەوهەر نامیق (کەسوکاریان لەبەر ئیمتیازى حیزبى و دەستکەوتى مادى بێدەنگەیانلێکردووە) . ئاخر پشکۆ نەجمەدین مەلاکەى لەمەڕ تۆ نەک لەسەر فکر و کێشەى دەسەڵات بەڵکو لەسەر سێکس و ناوگەڵ (تەلار و ئاسۆ)ى کوشت . تیرۆر بەشێکى جیانەکراوە بووە لەبزوتنەوەى چەکدارى لەساڵى ١٩٦١ وە هەتا ئێستا و تەنانەت کوردانى کوردستانەکانى ئێران و تورکیا و سوریاشى گرتۆتەوە .

کاک پشکۆ ئەڵێت:

(لە نێوەڕاستی هەشتاكانی سەدەی بووریدا، لە شاخ و لە جەنگەی خەباتی چەكداریدا، هەڵچوونی ناكۆكییەكانی دەروونی كۆمەڵە و یەكێتی، ئێمەی بە جیابوونەوە گەیاند! ئێمە و هاوڕێكانمان پەلامار دراین، زیندانی كراین، سووكایەتیمان پێ كرا و حوكمی ئیعدامیش دراین و جێبەجێ نەكرا. مەلا بەختیار، شێخ عەلیی ڕەوانشاد و من، دوو ساڵ و نیو تا سێ ساڵ و نیومان، لە بێزراوترین زیندانەكانی چیادا بەسەر برد . كە نەوشیروان مستەفا و ناوەندی كۆمەڵە، لە میانەی پلینۆم و دادگای گاڵتەجاڕیی حیزبییەوە، بۆیان نەلوا و پێیان نەكرا، بە ئاشكرا ئیعداممان بكەن)
- بەکورتى سوکایەتى نەماوە پێیان نەکرێت و لەهەمووى گرنگتر کەرامەتیان شکاندون و مەلاى سەرۆک ئاش (کورتکراوەى ئاڵاى شۆڕش) یان بەدەست و خەتى خۆى دانپیانەکانى نووسیەوە و ئەوەى لەهەگبە سیاسیەکەیدا بوو هەموى هەڵڕشت بۆ ڕوپامایى نێو دۆست و ئەحبابى تۆزێکى لێنەهێشتەوە، پێموایە ئەگەر نەوشیروان بیویستایە ئیعدامیان بکات سڵى لەهیچ نەئەکردەوە نەک (بۆیان نەلوا و پێیان نەکرا)، بەڵام نەیویستووە بۆ ؟ دواتر لێی ئەدوێم.

پشکۆ ئەڵێت : 

 (نە ئەوان و نە مام جەلالیش، هەرگیز بیریان لەوە نەكردەوە، بە فێڵ و پلانكاری، ژێربەژێر و پەنامەكێ، لەنێومان ببەن!)
باواز لەم قسەیە بهێنین کەهیچ مەعریفەیەکى تێدا نیە، سەیرە زیندانیت بکەن و کەرامەتت بشکێنن هێشتا بڵێیت بیریان لەوە نەکردۆتەوە لەنێومان بەرن واتە هێشتا بەمایەى خۆیەوە هەستاوە، ئاخر کاکە تۆ لەمێشکى ئەواندابوى هەتا بزانیت بیریان لەچى کردۆتەوە، تۆ و هاو ئاشەکانت کەى بابەتى بیرکردنەوەى ئەوان بون ئێوە زیندانیکراون بەهەموو سوکایەتى پێکردنەوەوە ئیتر بۆ بیرت لێبکەنەوە، کەرامەت و کەسایەتى ئینسان زۆر لەژیانى گرنگترە کەسانێک بووە بۆ پاراستنى کەرامەت و کەسایەتیان چونەتە شەرى نابەرامبە یان خۆیان کوشتووە .

 لە پەرەگرافێکیتردا ئەلێت:

 (ئەوان دەیانتوانی و زۆریش ئاسان بوو كە لەو ماوە دوورودرێژەی زینداندا، ژەهرخواردمان بكەن و تاوانەكەش لە گەردنی تاوانلێڕژاوی بەعس بنێن ! ئەوان دەیانتوانی نارنجۆكێك لە ڕۆژنەی ساپیتەی زیندانەوە، فڕێ بدەن و بكەرەكەیشی ڕەوانەی شار و لای موخابەراتی بەعس بكەنەوە نا ئەوان ئەو كارەیان نەكرد.)
 دنیایەکى سەیرە ئینسان تا ئەو ئاستە دابەزێت بکەوێتە وەسفى زایندانیکەر و ئەشکەنجەگەر کەنەیان کوشتووە لەکاتێکدا ئەیانتوانى بیکوژن، ئەمە ئەو لۆجیکەیە کەکاک پشکۆ قسەى پێدەکات وەکو ئەوە وایە بڵییت حیزبى بەعسیش ئەیتوانى ڕۆژى سەدکەس لەسلێمانى بکوژێت بەڵام ئەوکارەى نەکرد، زۆر لەکوشتن و بڕین ئاسانتر ئەیبۆ ناڵێیت ئەیانتوانى سێکسمان لەگەڵدا بکەن و یەکدوو زیندانەوان یان چەکبەشان بنێرن بەڵام ئەوکارەیان نەکرد، بەقسەى پشکۆ نەجمەدین بێت ئەبێت جەلال تاڵەبانى و نەوشیروان پەیوەندییەکى پتەویان لەگەل مخابەراتى بەعسدا هەبوبێت کە بکەرێک (بکوژێک) ڕەوانەی شار و لای موخابەراتی بەعس بكەنەوە . 

کاک پشکۆ ئەڵێت :

(یەكێتیی نوێ و هەندەك خاوەنهێزی بڕیاربەدەستی حیزب، بۆ پاكتاوكردنی هەموو لەمپەرەكانی ڕێی گەیشتن بە لووتكەی بێبەرانبەری دەستەڵات، هەموو پرانسیپە ئەخلاقی و ویژدانییەكانیان بە خاك سپاردن و هاوڕێ هەڤاڵەكانی حیزب، هەڤاڵانێك كە سیمبۆلی نێو مێژووی ئەو حیزبە بوون و هەن، ژەهرخواردوو كردن
- ئێستا دوو یەکێتى نوێمان هەیە یەکێکیان یەکێتیە نوێەکەى پاش کۆنگرەى چوار و یەکێتیە نوێیەکەى باڤڵ نازانرێت پاشتر چەند یەکێتى نوێیتر دێتە ئاراوە، بەڵام کۆنگرەى چوار بەهەموو کەموکورتى وناتەواوییەکەوە توانى ئەو سیاسیە بۆگەنانەى پێشوو ڕابماڵێت کە ڕێزێک لەبێئەخلاقترین بێمەبدەئترین و گەندەڵترین سیاسى بوون و بەو مانایە نیە کەبەدیلێکى باش جێگەیگرتونەتەوە، دیارە پشکۆ نەجمەدین ماستاوەکەى وەها خەستکردۆتەوە ئەیەوێت باڤڵ و دەباشان لایەکى مەرحەمەتى لێبکەنەوە کە ئەڵێت:
(هەڤاڵانێك كە سیمبۆلی نێو مێژووی ئەو حیزبە بوون و هەن، ژەهرخواردوو كردن).
- بڕوانن بە فۆڕمى بەکۆمەڵ ئەدوێت مەبەستى تەنها مەلاى ژەهراوى نیە واتە کەسانی تریش ژەهرخوارد کراون گریمان وایە بەڵام (باڤڵ) کۆێى سومبولە. 
با وەڵامى ئەو پرسیارە بدەینەوە بۆچى پشکۆ نەجمەدین و هاوئاشەکانى نەکوژران , جەلال تاڵەبانى و نەوشیروان مستەفا زۆر چاک ئەمانەیان ناسیوە، ساڵانێک دەست و پەنجەیان لەگەڵدا نەرمکردون، جه‌لال تالەبانی، که له ‌نامه‌یه‌کدا بۆ"حه‌مه‌ی حاجی مه‌حمود" ئه‌ڵێت:
"مه‌لا به‌ختیار هیچ نییه، ئه‌و وه‌ک میزه‌ڵدان وایه ‌که‌ی بمه‌وێت ده‌رزیه‌کی پێدا ده‌که‌م و فشی ده‌که‌مه‌وه‌.".
- نەوشیروان کاتى خۆى لە سەر مەلا بەختیارە وتویەتى:
ئەگەر نەگبەتى کورد نەبێت مراهقى وا کەى ئەهلى سیاسەتە.
مێژوى مەلاى زیندانى ئەوەندە پاڵەوان و جەربەزەو مەبدەئى و نهێنى پارێز نەبووە هەتا سڵى لێبکرێتەوە ببێتە مەترسى و لەناو ببرێت لەلایەکی ترەوە مانەوەى زیندانیەکى تێکشکێنرا و ڕیسوا و ترسنۆک زۆر باشترە بۆئەوەى ببێت بە پەندێک هیچ کەسێکی تر نەتوانێت هەنگاوێکى لەوجۆرەى ئەو هەڵبهێنێتەوە . 

لەکۆتاییدا:

 مەلا بەختیارى سیمبوڵەکەی کاک پشکۆ نەجەدین، پاش هەڵهاتنى لە زیندانەکەى دێى یاخسەمەرى شارباژێر و گرتنەوەى لەلایەن یەکێتیەوە، ووتى:
(کابرایه‌کی دۆڕاوی سیاسیم، ئه‌خلاقم تیا بێت له ‌ژیانما سیاسه‌ت ناکه‌م) .
لەکۆڕێکى جەماوەریدا لە شارۆچکەى شەقلاوە و لە وەڵامى پرسیارێکدا ووتى:
(بچمه‌وه ‌ناو یه‌کێتی قه‌حبه‌کانی کوردستان ناچمه‌وه ‌ناو یه‌کێتی) . 
بەهەموو پێوەرێک ئەبوایە ئەم سیمبولەى پشکۆ نەجمەدین :
خۆى خۆى ژەهرخوارد بکردایە، بەڵام: قەحبەى سیاسى کوا ئەو غیرەتەى هەیە؟!.

٢- مامۆستا جەعفەر: 

 وتارێکى نوسیوە لەژێر ناونیشانى (ژەهرخواردووكردنی نەیاران , مەلا بەختیار و بافڵ تاڵەبانی بە نمونە) .
مامۆستا وەکو هەر سیاسیەکى لاکەوتەى ئەم وڵاتە ڕۆژ ئەژمێرن هەتا بابەتێک بێتە پێشەوە و وەکو ڕێوییەکى گەڕڕ سەر لە کون دێنێتە دەرەوە و ئەیەوێت مڵوموشێکى سیاسی بکات و بڵێن ئەوە ئێمەش ماوین و هێشتا بۆنى باروتى شاخ و کێومان لێدێت، ئێستا کەوتۆتە گلەیی لەبەد بەختى خۆى و ئەڵێت:
(بەڵام لەگەڵ كاك بافڵ نەكارمان پێكەوە كردووە و نە دەزانێت من كێم و كێ نیم).
وەباشترین دەروازەش بۆ ئەوەى باڤڵ بیناسێت ئەوەیە کەچ مەخلوقێکى ئەنتیکەیە پێی ئەڵێت: (جەنابیشت لەگەڵ مەلا بەختیار ژەهر خواردوو کراون).
ئەم لاکەوتەیەى کەناڵى ڕووداو کاتى خۆى ٣٢ وتارى پڕلە ستایشى درۆ و فیشاڵى لە کوردستانى نوێدا بە باڵاى جەلال تاڵەبانى نووسى پێناچێت بەم چیرۆکى ژەهرە لەلاى باڤڵ هیچ هەڵبکڕێنێت .
بڕواننە ئەم ماستاوى جەعفەرییانە کە ئەڵێت:
 (بافڵ تاڵەبانی چەندین جار ئەوەی راگەیاندووە ژەهرخواردوو كراوە و بەڵگەی یاسایی بە دەستەوەیە).
هەرچەند مامۆستا بەلوتبەرزى ناسراوە نازانم چۆن بەبۆن ئەم کەیسى ژەهرەى بۆیەکلایبۆتەوە و زانى باڤڵ بەڵگەى یاسایى بەدەستەوەیە و چۆن ئەمەت زانى لەکاتێکدا کابرا نەک بەڵگە فاریزەیەکى نەخستۆتە ڕوو! ئاخر کاکە تۆ شانازى بەوە ئەکەیت کە تێکەڵاوى کەلتورى ئەوروپى بویت بەڵگەى یاساییى و بەڵگەى مادى جیاناکەیتەوە.

دووبارە ئەڵێت:

(پرۆفیسۆرێكی تیمارگەی ڤیڤانتسی بەرلین بەڕوونی و راشكاوانە گوتی: مەلا بەختیار ژەهرخواردوو كراوە! دكتۆری ئەڵمانی تەنیا پاش دڵنیا بوونی سەدی سەد لە رووی یاساییەوە دەتوانێت لێدوان بدات. سەد لە سەد شیكاری خوێن و تاقیگەی لە بەر دەست نەبێت، رووبەڕووی لێپرسینەوەی قورس دەبێتەوە.)
- هیچ پرۆفیسۆرێک بۆى نیە بە ئاشکرا نەک ئەوە لەهیچ کەسێک بدوێت ئەوە پەیوەندى بە پاراستنى مافى نەخۆشەوەیە و ڕێزگرتن لە پیشە و کەلتورە ئینسانیەکەى، چ شەرم و بێئابرووییە، کە ئاماژە بە قسەى دکتۆرێکى میتى تورک بدەیت، خۆ ئێستا خەڵک خوێنەوارە و ئەزانێت پرۆفایلى ئەو دکتۆرە چییە! جەنابیان خۆى بەوە هەڵئەخات زمانى ئەڵمانى ئەزانێت بۆ سەر پڕۆفلیلى ئەو دکتۆرە ناکەیت!؟
- مەلایەک ژەهر خواردوو کرابێت، پاش ئەوەى لەخەستەخانە دەرکرا، ئەچێتە سەر پاپۆڕێک بە هەواى پایزەى سەردەریا و دوو نێرەکەر پاشەڵى بۆ با ئەدەن. لە مامۆستاى بەڕێز ئەپرسم کە تۆ ئەڵێییت نیو سەدەیە مەلا ئەناسم و خەباتمان پێکەوە کردووە، تکایە لێی بپرسە، ئایا پاشەڵبادانى ئەو دوو نێرەکەرە بەشێکە لە چارەسەرى ژەهر؟  ئەوا  ئەگەر ئەوەت بە لاوە ئاسان نەبوو لەبەر ئەوەى دانیشتنەکەى مەلا خێزانی بوو پرسیارێکى ترى لێبکە:
مەلا ئەڵێت: (36) بوتڵ ئاویان تێکردووم!
ئایا ئاوەکەى خۆمان لێڵە یان بتڵەکانى ئەوان باریکە ؟.
نووسینەکەی مامۆستا جەعفەر:

٣- عیماد عەلى:

کاک عیماد عەلى وتارێکى نووسیوە لەژێر ناونیشانى: (سلێمانی بەئەمەكە و چاكەی مەلا بەختیار دەداتەوە) نووسینەکانى پێشترى ئەم بەڕێزەم خوێندۆتەوە چاوەڕێ بوم ئەگەر باسى (ژەهر و مەلا ) بکردایە زۆر واقیعانە و وەکو ئەوەى هەیە لێیبدوێت، ئەم نمایش و سیناریۆیەى کە بە مەلاى خانەقینى ئەکەن داڕێژراوى سەرى ڕەشە و زۆر لە مێژە مەلا کلکى لەگەڵیاندا گرێدراوە و چ کەسێک هەیە ئەم پەیوەندییەى لەلا شاراوە بێت، مەگەر ئەوانەى خۆیان لەئاستى واقیعى کوردستان گێل ئەکەن، مەلا وەکو خۆى ئەڵێت: حەزى لە سەرۆک کۆمارییە خۆ ڕێگەى کۆشکى کۆمارى بڕێک سینارێو پاشەڵبادانى ئەوێت. مەلا پایەیەکى کودەتاکەى ناو یەکێتى بوو بە ئامانجى ئەوەى کە ڕۆڵێکى لە حیزبەکەیدا بۆ بگێردرێتەوە لەگەڵ نمایشى ژەهر بەڵام مایەپوچ دەرچوو.
- کاک عیماد لەباسى شارى خانەقینەوە باسى مەلا ئەکات و ئەڵێت:
(گەنجێكی بزێوی پڕ بەهرە و خۆشەویستی نیشمانەكەی دەركەوت و هەر لە سەرەتای لاوێتیەوە بە جموجوڵی سیاسی و كردەوەكانیەوە وانەی شۆرشگێری و رۆشنبیری و فەلسەفی و مەدەنیەت بە سەرجەم خەڵكەكەی‌ پێشكەشكرد.) .
بەقسەى ئەم برا بەڕێزە بێت ئێمە خاوەنى بیر مەندێکى گەورەین و بە خۆمان نەزانیوە!
ئەوقسانە گاڵتە بەخۆکردنە هەموو کەسێک ماهیەتى مەلا و ناوەرۆکى بۆش و بەتاڵى ئەزانێت! تۆزێک ویژدان بۆنووسین و ڕێزگرتنى خوێنەر خراپ نییە! ئاخر مەلایەکى لگاوچى لەسەرەتاى لاوێتیەوە ( وانەی شۆرشگێری و رۆشنبیری و فەلسەفی و مەدەنیەت )ى لەکوێوە ئەزانى؟

لە پەرەگرافێکیتردا عیماد عەلی ئەڵێت:

(لیرەدا قسەمان لەسەر خانەقین نیە كە خەڵكەكەی تا بتوانن بۆ هەركەسێك چاكەی بۆیان هەبێت بەچاكە وەڵامی دەدەنەوە، گردبونەوەی خۆڕسكانەی خەڵكی خانەقین بۆ سەركۆنەكردنی ژەهرخواردنی مەلا بەختیار باشترین گەواهیە بۆ بەئەمەكی و دڵسۆزی خەڵكی ئەم شارە خنجیلانە).
- خانەقینیەکان زۆر چاک لە ماهیەتى مەلا و هاو حیزبیەکانى تێگەیشتون و ئەوەى کرا نمایشێک بوو بە خەڵکى بێئاگا و سادە و هەژار و لە خانەقینەوە پاسیان بەکرێ بۆگرتبوون، هەتا هاتنەوەکەى مەلا گەورە بکەن، خۆ ئەگەر مەلا زەڕەیەک (مەدەنیەتى) تێدا بوایە، وەکو ئینسانێکى مەدەنى ڕێگاى بەو نمایشە بێسەرە و بەرەیە نەئەدا، کە هەموو سیستەمى فڕۆکەخانەیان شێواند و لەهیچ شوێنێکى دنیادا ڕێگە بەشێواندنى سیستەمى هیچ فەرمانگەیەک نادرێت .

لە شوێنێکیتردا ئەڵێت: 

(بەڵام مێژووی خەبات و تێكۆشانی مەلا بەختیار تەنها لە خانەقین نەبووە و ئەگەر خۆشەویستی بۆ سەرجەم كوردستان هەبووە، بەڵام جموجوڵ و سیاسەت و تێكەڵبوون و تێكۆشانی و قوربانیدانی لە سلێمانی چەندین جار زیاتر بووە لەوەی خانەقین. هەوڵی تۆڵەكردنەوەی ئەو ناحەقیانەی بەرامبەر خەڵكی شاری سلێمانی كرا، لە كاتێكدا بەعس ئاسنی بە ساردی دەتواندەوە، لەلایەن تێكۆشەرێكی خانەقینیەوە بەو تەمەنەوە لە دژی پارێزگاری سلێمانی باشترین رووداوە بۆ ئەوەی ئەم شارە لەیادی نەكەن و بەئەمەكی خۆیان بنوێنن
بۆیە دەكرێت بڵێین، ئەگەر مەلا بەختیار مافی ئەوەی هەیە كە خەڵكی خانەقین بەئەمەكی بۆ بنوێنن ئەوا سەد جار حەقە خەڵكی سلێمانی هەڵوێستی خۆیان دەربڕن و بەئەمەكی و دلسۆزی پیشان بدەن و مێژوویەكی جوان بۆ شارەكەش تۆمار بكەن و ئەو توانجەش لەسەر خۆیان بسڕنەوە كە خەڵكی ئەم شارە تەنها بە سلێمانچێتی تۆمەتبار دەكرێت) .
- ئەوەى من بزانم خەڵکى سلێمانى باکى بەهیچ توانجێک نییە و وەکو دایکێکى بەئەمەک و میهرەبان باوەشى بۆ هەموو کردۆتەوە، ئەوە نمەک بەحەرام و سپڵە و تاڵانچیانى شارە تۆمەتى سلێمانیچێتى ئەخەنە پاڵ. هەموو کەسێک مافى خۆیەتى شارى خۆى زێدى خۆى خۆشبوێت، مەلا بەختیار یەکێکە لە قێزەونترێن و بێئەخلاقترین و بێپرەنسیبترین و بێشەرمترین سیاسى. کە نەک ئەو سەدانى وەکو ئەو بوون بە شێرپەنجە و برینێکى پڕکێم و جەراعەت بۆ ئەم شارە، کەڕۆژێک دێتە پێشەوە ئەبێت دادگایبکرێن تۆڵەى سلێمانیان لێبکرێتەوە.
- بۆ بیر هێنانەوەى کاک عیماد ئەوە گروپێک بوو، کە تەقەیان لە پارێزگارى ئەو کاتەى سلێمانی کردووە و مەلا ڕۆڵێکى ئەو تۆى نەبووە، خودى ئەم پارێزگارە ساڵى پار لە باوەشى یەکێتیدا و لەشارى سلێمانى کۆچی دواییکرد، بۆ ئەم پاڵەوانەى کاک عیماد ساڵانێکە ورتەى لەدەم دەرنەئەهات، کە ئەم پارێزگارە تەقە لێکراوە لە سلێمانى ئەژیا، خۆ مەلا بەرژەوەندییەکانى یەکێتى ئەپارێزێت و ئەبوایە بەقەدەر هێلیکۆپتەرێک بایەخى پێبدایە و قسەیەکى بکردایە. 
- ئەو پارێزگارە (محەمەد ئەمین زێبارى ) کەسێکى بێوەى و بێزییان بووە بۆ خەڵکى سلێمانى و کاتێک دەست بەکار ئەبێت، دەبینێت دەزگاکانى ئەمن و بەعسیەکان دەسەڵاتێکى فروانیان هەیە و ئەوەى پێ قبوڵ ناکرێت و ئەچێت بۆلاى سەدام حسەین باسى بارودۆخى سلێمانى بۆ ئەکات و پێی ئەڵێت سەختە لە وەزعێکى وەهادا بتوانێت بەئەرکى پارێزگارى جێ بەجێ بکات و دەستبەجێ سەدام هەموو دەسەڵاتێکى پێ ئەدات و لەوەوە دەسەڵاتى دەزگاکانى ئەمن سنوردار ئەکات، بۆ بیرهێنانەوە، ئەو کاتە عومەر فتاح گیراوە و ژنەکەى پەنا بۆ پارێزگار ئەبات، ئەویش یەکسەر فەرمانى بەربوونى دەرئەکات وبەرئەدرێت ئەمەش دەزگانى ئەمنى ئەو کاتەى توشى شۆک ئەکات.

 خەباتى عوسمانى حەمە گول ناسراو بە خەباتە مێشوولە، لە راکردنەکەی لە زیندان یارمەتى مەلا بەختیار ئەدات، لەسەر ئەوە یەکێتى گوللە بارانى ئەکەن . دوای (ڕاپەڕین) ئاسۆى براى ئەچێت بۆ لاى مەلا هەتا کارێکى چنگ بکەوێت و مەلا ئەزانێت تەلارى ژنى قەشەنگ و جوانە، ئەویش لەلاى خۆى دائەنێت و دەستى لەگەڵدا تێکەڵ ئەکات، دواتر مەلا بەختیار، ئاسۆ و تەلارى ژنى ئەکوژێت، هەتا ئێستا مەگەر تەنیا مەلا، ئیتر کەس نازانێت لاشەکانیان لە کوێ فڕێدراون.

- حیزبى کوردى لەبرى پارێزگارى لەخەڵک بکات، هەمیشە کارێکیان کردووە هەتا دوژمن دەست لە خەڵک بوەشێنێت و کوشتوبڕبکات، بەوەش پاڵە پەستۆ بچێتە سەر خەڵک و ڕیزەکانى خۆیانى پێ بەهێز بکەن، تەقەکردن لە پارێزگارى ئەو کاتە بێجگە لە تێکدانى ئاسایشى شار و دەست ئاوەڵاکردنى دەزگاکانى ئەمن و بەعس، چ خێرێکى سیاسى و کۆمەڵایەتى هەبووە ؟ . 
- واباشترە کاک عیماد باسى کەسێکى بەشەرەف بکات، خۆ خانەقین پیاوى بەتوانا و لەخۆ بوردە و گەورەى تێدایە، کاتێک مەلا لە دێی یاخسەمەرى شارباژێڕ لەلاى یەکێتى زیندانە و یەکێک لە پاسەوانەکانى بەناوى (خەباتى عوسمانى حەمە گول ناسراو بەخەباتە مێشوولە) یارمەتى مەلا بەختیار ئەدات، لەسەر ئەوە یەکێتى گوللە بارانى ئەکەن . دوای (ڕاپەڕین) ئاسۆى براى ئەچێت بۆلاى مەلا هەتا کارێکى چنگ بکەوێت و مەلا ئەزانێت تەلارى ژنى قەشەنگ و جوانە ئەویش لەلاى خۆى دائەنێت و دەستى لەگەڵدا تێکەڵ ئەکات، دواتر مەلابەختیار، ئاسۆ و تەلارى ژنى ئەکوژێت و هەتا ئێستا مەگەر تەنیا مەلا، ئیتر کەس نازانێت لاشەکانیان لە کوێ فڕێدراوە.
ئەمەیە خاوەنى (وانەی شۆڕشگێریی و ڕۆشنبیری و فەلسەفی و مەدەنیەت)؟
ئایا سلێمانى ئەمەک و دڵسۆزى بۆ جانەوەرى وەها بنوێنێت؟ 
باشترە کاک عیماد عەلى داواى لێبوردن لەخەڵکى سلێمانى بکات لەپاى ئەو ناهەقییەى، کە دەرحەق بەو شارە نووسیویەتى .

نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست






کۆمێنت بنووسە