سۆشیاڵ میدیا ناخی ڕاستەقینەی کەسەکان ئاشکرا دەکات

سۆشیاڵ میدیا وەک چەکێکی دووسەرە ئەگەر چەندین دیوی ناجوان و ناپەسەند و ناڕەوای هەبێت ئەوا لەبەرامبەردا چەند دیوێکی جوان و پەسەندیشی هەیە، یەکێک لەدیوە جوانەکانی نیشاندان و نمایشکردنی ناخی ڕاستەقینەی بەکارهێنەران و زۆرێک لەبەکارنەهێنەرانیشیەتی.

ئەگەر سۆشیاڵ میدیا نەبێت:

- چۆن بمانزانیایە ئەوان بە ناڕەوا بوون بەخاوەنی ئەو هەموو سەروەت و سامانە؟

- کێ دەزانێت ئەوان لەکۆێ و لای کێ و بۆچی لەکۆبونەوەدابوون؟

- کێ دەیزانی ئەو بەرگەی لەبەرتدایە شتێکە و ناخت شتێکی تری تێدایە؟

- کێ دەیزانی لەنێو ژورە داخراوەکان و کۆبونەوە نهێنیەکاندا چی دەگوزەرێت؟

- کێ لەبیری مابوو کە دوێنی شتێکت دەگوت و ئەمڕۆ پێچەوانەکەی دەڵێیت؟

- چۆن بمانزانیایە ئەو خەرجییە زۆرانەی ئەوان هی موچەیەکی دیاریکراو نییە؟

- چۆن بمانزانیایە ئەوان لەسەر خەرجی دەوڵەت لەکۆێ بوون و بۆ کوێ چوون؟

- کێ و چۆن ئەو هەموو نهێنیانەی ئاشنابکردایە بەتاکە تاکەی خەڵکی و کۆمەڵگە؟

بەکوردیەکەی سۆشیاڵ میدیا هەموو شتێکی ژێربەڕەی بۆ خستینە  سەر بەڕە، بەڵام بەداخەوە لەبەرامبەر ئاشکراکردنی ئەو هەموو ناجوانی و گەندەڵی و ناڕەوایانەدا وەک پێویست هەڵوێست و کاردانەوەمان نییە!