جەعفەر کەریمی

https://www.facebook.com/profile.php?id=100009381381277


ئاڵا و سروود

Sunday, 10.23.2022, 18:28

905 بینراوە


نەتەوەی کورد خاوەنی خاک وزمان ودیرۆک وجلوبەرگوکولتوری خۆیەتی. بۆیە حەقوایە وەک نەتەوە لەسەرجوغڕافیای خۆی بژی وببێتە خاوەنی کورسی لە نەتەوە یەکگرتووەکان. تەنانەت دەکرێ ئاماژە بە سروود وئاڵای نەتەوەییش بکەن بۆ کوردستانێکی یەک پارچە. هەر چەند لە هەربەشەی وڵات هەرحیزب وسازمانێکی کوردیی دەهۆڵی ئاڵاو سروودی خۆی هەڵدەکاودەیخوێنێتەوە. ئەگەرئاڵاکان جۆراوجۆرن لەهەر بەشەی وڵات بەڵام بەگشتی دەتوانین ئاماژە بەوراستیە بکەن لە ئاست سروودی ئەی رەقیب کەخاڵێکی هاوبەشە لە نێوان هەرچوارپارچەی کوردستان کۆدەنگیی هەیە. 
لەدوای شەڕی یەکەم ودووهەمی جیهانی سروودوئاڵای زۆر وڵات ئاڵوگۆڕیان بەسەرهاتووە وپێناسەیەکی نوێی وەرگرتووە. ئەو کارەش بابەتێکی ئاساییە وحەوجێی بە دەمارگرژیی نییە ، بۆ داهاتووی رزگاریی کوردستانیش رەنگە پێویست بکا هەم ئاڵاگۆڕانی بەسەر بێ وهەمیش سروودی نەتەوەیی. 
هیچ نەتەوەیەک من لە دونیادا نابینم بەڕادەی نەتەوەی کورد کە ئاشقی ئاڵاوسروودبێ. رەنگە هۆیەکەشی روون بێ ، ئەوگشتە نەهامەتیەی کە بەسەرماندا باریوە بۆتە هۆی ئەو هەستیارییەی کە رەوڕەوەی مێژوو بۆی تۆمارکردوە. دەتوانم بە جورئەت بڵێـم ، تەنانەت لە ناو زۆرینەی زۆریی تاکی کورد هەیە کە بەتەواوی ناتوانێ سروودی ئەی رەقیب لە بەر بڵیتەوە. رەنگە بەشێک لە کۆمەڵگاش نەزانێ کێ ئەو سروودەی هۆنیوەتەوە. لەوەش بترازێ سروودی ئەی رەقیب حەوجێی بە شڕۆڤەیەکی دیرکی وپێداچوونەوەیەکی سەردەمیانە هەیە ، کە لێرەدا ناکرێ بە وردیی باسی لێوە بکرێ. ( ئەو سروو هی دەشادڕەوان یونس رئۆفە کە نازناوی دڵدار بووە/. 
پرسی ئاڵای کۆماری مهاباد تا ئەوڕۆش بۆتە پرسێکی ناروون ونادیار. ئەوئاڵایەی کە بنەماڵەی بارزانی لە باشووری کوردستان هەڵیانداوە وسەپاندوویانە بە سەرماندابۆتەراگەیاندنی دەنگۆیەک کە گۆیا قازی محەممەد ئەو ئاڵایەی داوەتە دەست مەلامستەفاوپێی گووتوە دەبێ بیپاریزی. وەکی دیکەش ئاڵایەکی دیکە هەیە کە لە گوڵەگەنم وپێنووسێک پێکهاتوە ولە مهاباد دەستچن کراوە ودەبێ ئاڵای کۆماربێ. (درووستکردنی ئەو ئاڵایە لە ساڵی ١٩٤٦ لە لایان خاتوونێک بە ناوی سەیدزادە فاتمە حوسێنی خەڵکی مهاباد بووەکە خاتوونێکی کورد پەروەربووە). 
ئاڵای راستەقینەی سەردەمی کۆماروسەردەمی دامەزراندنی حیزبی دێمۆکڕاتی کوردستان بەداخەوە نەتوانراوە لە لایان میراتگرانی ئەو کۆمارە رێزی لێ بگیرێ. هۆیەکەش دیارە. هێرشی قیادەمووەقەت بە فەەرمانی کۆماری ئیسلامی ورێبەرایەتی بنەماڵەی بارزانی رۆژگاڕێکی ئاوای خوڵقاندوە کە حیزبی دێمۆکڕاتی کوردستان / ئێران / ماوەی سی دەیە زیاترە لە ژیانی کەمپنشینیداوەها زەمینگیربون کە بە بیانووی پاراستنی ئەزموونی باشووری کوردستان هەر چی بەسەریاندابی سەپێنن لە ناچآریدا قەبوڵی دەکەن. 
ئەوڕۆ٢١/١٠/٢٠٢٢چاوم بە راگەیاندنێکی پژاک کەوت لە ئاست ئاڵای سەردەمی کۆمار. ئەوان بۆئەوەی یاد وبیرەوەریی سەردەمی کۆمار نەکوژێتەوە خۆیان لە ژێڕ رکێفی ئەو ئاڵایە دەربازکرد کە بارزانی بەسەر دێمۆکڕاتەکان وکۆمەڵەکانیدا سەپاندوە!بۆیە ئاڵای سەردەمی کۆماریان وەک ئاڵای رۆژهەڵاتی کوردستان پێناسە کرد. بێ گومان ئەو هەڵوێستە ، بە سیاسەتێكی ستڕاتیژیکیی دێتە ئەژمار تا کاتێک کە کۆنگرەی نەتەوەیی ئاڵایەک بۆ کوردستان دیاری دەکا. 
هیچ گومان لەوەدا نییە ئەو کارەی پژاک دەبێتە هۆی لێکدانەوەی جودا جودالە ناو حیزبی دێمۆکڕاتی کوردستانی ئێڕان کە ماوەیەکی کورتە یەکتریان گرتۆتەوە وبوونەتەوە یەک حیزب. هیچ بە دووری نازانم کە ئەو کارەی پژاک هیچکات بە دڵی لایەنی حیزبی دێمۆکڕاتی کوردستانی ئێڕان نابێ. رەنگە کە ئەو کارەی پژاک ببێتە هۆی جودابیریی وچەند لایەنی لە نێوان بەڕێوەبەران وکادروئەندامانی کومیتە ناوەندی ودەفتەری سیاسی. چون گومان لەوەدانییە دڵیان بەو حەڕەکەتەی پژاک هیچ خۆش نابێ وکاردانەوە وڕای جیاوازی بۆ دروست دەبێ.  
ئاڵاوسروود:
ئەو دوومژارە جێگای ڕێزوناسنامەی نەتەوەیی هەر گەلێکن. بەڵام بەداخەوە لە باشووری کوردستان بنەماڵەی بارزانی بازەرگانی پێوەدەکەن. جگەلەوانەش هیچ سەرۆک خێڵێک وسەرکردەیەکی حیزبیی بۆی نییە ئاڵا یان سروود بۆ نەتەوەی کورد دیاری بکا ، دەست نیشآن کردنی ئەو هێمایە پیرۆزانە دەخرێتە ژێرڕاپرسیی ودامودەزگای نەتەوەیی لە کوردستان. ئاڵاو سروود نیشآنەی هەبوونی گەلێکە ، خایین ودزوجەردەی سیاسیی کورد وبنەماڵە لە باشووری کوردستان ،  ئەو مافەیان پێنادرێ لێی بەخاوەن دەرکەون وبازەرگانی پێوە بکەن. 

بابەتی هاوشێوە:

ســروودی نەتەوەیی کورد