KURDISTANPOST
سوهەیلا مێهەمی
بۆ هەشتی مارس
Wednesday, 13/03/2024, 19:03
2814
بینراوە
دوێنێ:
کە ڕووخان لە مندا ڕەواتە
یا خنکان دەخزێنیتە خەیاڵمەوە
بە سووتانی خەونەکانم
شەوق بەردەدەیتە شەوگارت
کراسێکیی سپیی و
بە باڵای ئارەزوومدا شۆڕ
تۆ پیاوی تەنیاییەکانم نەبووی
پێدەکەنیت و پەتیی هیواکانمت هەڵدەخست!
باڵندە نەبووم
گەرمیانێک نەعرەتەی ئاسمان بم
لە قووڵایی ئایەتەکانی ئازاردا
چەماومە چۆڵاییەکانت/
ئەمڕۆ:
لە بەتاڵەتی دوێنێ
نەوەستاوە من
درەختم ، چاوت لە لقەکانمە؟
ئاسمانێک شین ئەدوێ
ڕووانینێک کۆک کە بە چاوتە
کەروێشکەی هەنگاوم بە زەویندا
لە هەر کەلێنی برینێکمەوە
چڵ دەدا، نوور..........
سنە
سوهەیلا مێهەمی
© 2019- Kurdistanpost