سەرانی کورد،لە ١٩٩١تا ٢٠٢٥ ، لەماوەی ٣٤ساڵی دەسەڵاتی هەرێم دا ،گەورەترین جیاوازیتان لە نیوان هاوڵاتیان و نیشتمان دا دروست کرد ، جۆرە دیاردەیەکیان کرد بە کلتوور ، پڕە  لە غەدرو ناعەدالەتی . ژیانی خۆتان و خانەوادو بنەمەڵەکانتان ، گەیاندە بە بەهەشتی هەورەکان .

فیرعەون ئاساکان ، ئێوە بۆ ژیانی روابووردی خۆتان بیر چوەتەوە ، بۆ ئەوهاوڵاتیانە دەخەنە پەراوێزەوە ، نان و بەها و شکۆیان پێ دەبەخشین ،ئەوان نەبوون بە خوینی خۆیان بەرگریان لە نیشتمان دەکرد .

ئێستا ئێوە بە جۆرێک لاف و گەزاف لێ دەدن ، بە جۆرێک نامۆن لە هاوڵاتیان ، دوور لە هەموو بەهاکان ، وەک لە کیشوەرێکی ترەوە  هاتوون ، سەدام ئاسا ،بوون بە داگیرکەری تاپۆی کورسی ودەسەڵات. 

داهاتی کاروانی تەنکەرە نەوتی قاچاخی سەرسنوورەکان و ئەو بۆرییە نەوتانەی ، کە کوردستانتان پێ دەکرد بە دوبەی، لە کام بانکی  ژیرزمین دا  , حەشارتان داوە.

کوا داهاتی سەرسنوورەکان وداهاتی ناوخۆی هەرێم ، لە کام بانقی نهینی  داتان ناوە.

کوا پاشەکەوتی ئەو هەموو مانگ  و ساڵەی قوتی مامۆستایان و فەرمانبەران و خانەنشیننان؟

سەرانی کورد ئەم ئەزموونەی دەسەڵاتی ئێوە ، پڕبوو لە سیناریۆی تەماع وچاوچنۆکی و بەهەدەردانی سامانی نیشتمان .

ئەوە هەفتەیەکە ، (١٣) مامۆستا و رابەری پەروەردە ، بە یەک دەنگ و بە یەک هەڵوێست ،لە یەک رەشماڵ دا  ، لە بەردەم یوئێن دا ، وەک هەنگاوێکی نوێ ی مەدەنی ، مانیان لە خواردن گرتووە ، بێ هیچ دەست وەردان و پاڵثشت و هاندانێک  ، دوورلە حیزب و گروپی سیاسیی،وەک هەڵویستێکی نەتەوەیی و نیشتمانی و مرۆڤ و مرۆڤایەتی ، باڵاترین رەد کردنەوەی ئەمری واقع یان نواندوە .

بە دەم برسێتی و تینویەتی و تەوژمی سەرمای رەشەبای گۆیژەوە ، بە دەم ئازارو فشاری خوێنە وە ، بە جەربەزەیەکی نوێ ی شارستانی و بە جەرگانە، هەمووسیناریۆی تاڵانی و غەدرو ناعەدالەتی ئێوەیان بەتاڵ کردەوە .

بۆ ئەوەی  لەمە زیاتر، فیرعەونێکی تر ، نەتوانێت عیزەتی نەفسی پڕشکۆی مامۆستایان بریندار بکات.

ئەم هەڵوێستەی (١٣ ) سوارەی مامۆستایان ، دەنگی هەموو مامۆستایان و فەرمانبەران و خانەنشینانە،  

١٢رابەری پەروەرد ،هەمووشاری سلیمانی و کوردستان وعیراقیان هەژاندووە .

هەست و وێژدانی نوستووی زوحاک ئاساکانی کوردیان خەبەرکردەوە، ، (١٣ )مامۆستا ، بوون بە رابەری پەروەردەیی نەتەویی و نیشتمانی و مرۆڤایەتی ، پێشەنگی شۆڕشی ئاشتی . 

عەبدوڵلا کەریم مەحمود

١-دڵشاد  میرانی

٢-دڵشاد بابان

٣-هادی حەمە رەشید

٤-سەنگەرمەهدی عەلی

٥-محەمەد رەسول محەمەد

٦-پاکیزە حەمە ئەمین

٧-زانا شێخ محەمەد

٨-سامان یاخی

٩-ئاوات ئازاد محەمەد

١٠-سروشت هاواری

١١-عەتا ئەحمەد خەیات

١٢-شنە عەلی خەیات

١٣-فازیل شێخ قادر