مه‌رجه‌كانی مه‌لا به‌ختیار ئاشكرا ده‌كرێن بەرامبەر گه‌ڕانه‌وه‌ی بۆ ناو یه‌كێتی

هه‌وڵه‌كانی قوباد تاڵه‌بانی به‌رده‌وامی هه‌یه‌ بۆ گه‌ڕانه‌وه‌ی مه‌لا به‌ختیار بۆ ناو ڕیزه‌كانی یه‌كێتی و دووباره‌ گه‌ڕانه‌وه‌ی ناوبراو بۆ ناوه‌ندی بڕیاری حیزبه‌كه‌.

به‌پێی زانیارییه‌كانی (خۆر)، مه‌لا به‌ختیار له‌ په‌یامێك دا كه‌ بۆ قوباد تاڵه‌بانی ناردووه‌ باسی له‌وه‌ كردووه‌ كه‌ وه‌رگرتنه‌وه‌ی بینای ناوه‌ندی چاودێر و بودجه‌ی ناوه‌نده‌كه‌ مه‌رجی پێشوه‌خته‌یه‌تی بۆ گفتوگۆكردن.

هه‌ربه‌پێی زانیارییه‌كان، مه‌لا به‌ختیار جه‌ختیشی له‌وه‌ كردووه‌ته‌وه‌ به‌ كه‌متر له‌ پۆستێكی هه‌ره‌ باڵای حیزبه‌كه‌ نه‌بێت ڕازی نابێت دووباره‌ بگه‌ڕێته‌وه‌ ناو یه‌كێتی.