• Su
  • Mo
  • Tu
  • We
  • Th
  • Fr
  • Sa
  •  
  •  
  •  
  •  
  •  
  •  
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 31
  •  
  •  
  •  
  •  
  •  

خۆڵ بارین و نیشتمانێک پڕ لە مەینەتیی

Friday, 05.20.2022, 10:33

832 بینراوە


گاندی: (بەس گلەیی لە تاریکی بکە، هەستە  مۆمێک دابگیرسێنە).
 هەمیشە  وەها هەستکراوە کەلەم کەونەدا ، هیچ شتێک بەبێ دژی خۆی ناتوانێت بوونی هەبێت ، چەندساڵیەکە  خۆڵبارینیش بۆتە دیاردەیەکی دزێو هاوشانی ژن کوشتن و هەراجی نیشتمان و دزین و گەندەڵی و ژێرپەنجەو سەدان گرفتی تر کە هەر باسی دەکەن.
کەس بەدوایی چارەسەردا ناگەڕێت و هەموو هێلکەکان خراوەتە سەبەتەی  مزگەوتەکانەوەو  ، نزاو پاڕانەوە و لاڵانەوە  گەلێکی لەلێواری لەناوچون ڕاگرتووە . ئێمە ئەستەمە شتێک وێنە بکەین کەبەتهایی و بەبێ دژەکەی بونی هەبێت .
خۆڵبارین  مەینەتێکی ترە کە لەم ساڵانەی دوایدا  هێرشێکی بەرچاوی لەنیشتمانەکڵۆڵەکەمان کردوە و خەریکە وەک هەموو دیاردە خراپەکانی تر ئەویش  قبوڵدەکرێت .
لەڕووی زانستێوە  من  نازانم  کە هۆکاری خۆڵبارین چییەو لەکوێوە سەرچاوەدەگرێت ؟ بەڵام دەزانم و دڵنیام  کە ئێمە نیشتمانمان کردۆتە   بیابان و دارو درەختمان ئەنفال کردووە .لەم ساڵانەی دوایدا زۆربەی ماڵەکان  بوونە سندوقێکی دزێوی کۆنکرێت و  دارو درەخت بەبێ هۆ و بۆ خۆبادان و خۆدەرخستن دەبڕانەوە . بەبەراورد بەساڵانی زووتر کە لەهەموو یان زۆربەی ماڵەکاندا باخچەیەک هەبوو  گەر بچوکۆلەش بوایە ، ماڵ نەبوو چەند دار ێک لەحەوشيکەیدا نەبووبێت . لەڕووی مێژوویشەوە سەیری کەین گەلی ئێمە کاتێک زەردەشت ئاینی بوو بەر لەهاتنی  ئیسلام  . لەگەڵ لەدایک بوونی منداڵێکدا دارێک دەچێنرا بۆی ، لەگەڵ کۆچی هەر مرۆڤێکیشدا بەهەمان شێوە دارێک دەچێنرا " بەڵام ئێستا  دار نەک ناچێنین بەڵکو هەرچی دارە دەیبڕینەوە وەک توڕکە فاشیەکان چۆن لەنیشتمانی ئێمەدا دارەکانیان بڕێوەو دارستانەکانیان سوتماک کرد . تەنانەت لەسەردەمی  بەعسێکانیشدا  دارچاندن  بەردەوام بوو  ، گەرچی درێخی نەدەکرد لەسوتماک و  بۆردمانی شاخ ودارو دارستانەکاندا . 
لەکاتی شەڕی داعشدا ڕۆژنامەنوسێکی بیانی  دەچێتە   مەخمور  لای سەیرە لەو ناوچەیە  دارو درەخت  و سەوزای زۆرترە لەچاو ئەو ناوچانەی تردا  ، مەخمور و هۆردوگای پەنابەرانی باکور  تژیە لەدارو سەوزایی . لە خانمێکی پیر کە دایکی گەریلایەکە  دەپرسێت : من زۆر ناوچە چووم  بەڵام لەهیچ جێگەیەک وا  ئاوادانی و دارو درەختم بەرچاو نەکەوت  ، ئەمە هۆکاری چیە، داخۆ ئاوێک ڕووبارێک  لێرەوە بەناو هۆردوگاکەدا دەڕوات...! ؟
دایە پیرەکەش دەڵێ  : پێێ بڵێ ئێمە کە دەستنوێژ هەڵدەگرین  ئاوەکە بەهەدەر نادەین  لەبن درەختەکاندا دەزنوێژەکانمان هەڵدەگرین  بۆیە لێرە درەختەکان سەوزن و تێرئاو ، کەسیش بۆی نییە  داری ئێرە ببڕێتەوە  چونکە ئۆکسجینمان بۆ فەراهەم دەکات .
  بۆیە گەر دەسەڵاتەکەشت بۆ لانابرێت  ،خۆدەتوانی دارێک بچێنی تا لەگەڵ ژینگە ئاشتبیتەوە و لەچەنداساڵی داهاتوودا لەژێر  سێبەرەکەیدا هەناسەیەکی  پاک هەڵمژیت .  مرۆڤ دەبێت لەغاوی ژیانی خۆی لەدەستی خۆیدا بێت ، کەدەبینم ئەم هەموو مرۆڤە چڵکنە لەودەشتەدا  دەکڕوزێنەوە بۆ ئەوەی باران ببارێت ، گریانم دێت ئەی  سەفتە  پیاوانی  لاواز هێندەی ژمارەی خۆتان دار بچێنن  سبەینێ ساڵێکی تر دوانی ترا نەک باران  بەڵکو لەخۆڵبارینیش قوتاردەبن .  بۆیە گاندی ووتەنی  بەس گلەیی بکە لەتاریکی و هەستە مۆمێک ڕۆشنکەن .  مەلاکان و واعیزی دینەکان ئێوەیان بردۆتە خەوێکی قوڵەوە و پێتان دەڵێن ئەوە غەزەبە خوا سزاتان دەدات ، کچانتان بەقلی ڕووتەوە  دەسوڕێتەوە  سەرپۆشیان پێبپۆشن تا خۆڵبارانەکە  نەمێنێت . کۆمێدیایە  هەمووتان فریوی چەمکەکانتان خواردوە . 
   لەهەموو ئەوشارانەی گەشتم بۆکردوە هەمیشە  سەیرم کردوە جگە لەوەی لەناوەندی شارەکاندا دارو باخ و سەوزایەکی زۆم بەرچاوکەوتووە  لەزۆربەی شارەکانیشدا پشتێنەیەکی سەوز لەدارستانم بینیوە ، بەڵام دەسەلاتدارانی قەشمەر  یان دارستانەکان بەتورک دەفرۆشن یان خۆیان  ئاگری تێبەردەدەن تا داگیریکەن ، ئێمەش لەدەسەلات باشترنین  چونکە یەکەمین هێرش کەکردمان داری بەرماڵەوەمان بڕێوەو دوایش باخچە خنجیلانەکەمان کردە چیمەنتۆ تا لەوێ هەست نبکەین  بەئاگایی گەیشتووین  و سەری بەتاڵمان  بکێشین بەڕەقی چێمەنتۆکەدا ....

پەیامی ڕۆژ لەلایەن "رزگاررانگور"ەوە نوسراوە