هەندێک رکەس وادەزانێت خۆی تاکێکە و ناتوانێت هیچ کاردانەوەی هەبێت، دەڵێت :  ئێمە تاکێکین، منیش شتێک بکەم خەڵکی چاویان دەنوقێنن .

راستی ئەوەیە دڵۆپێ باران لەگەڵ چەند دڵٶپی تردا لافاو دروست دەکەن، تۆ دەتوانی زۆر شت بکەیت. لایەنی کەم هەر بۆ خاتری گەڕانەوەی کەرامەتت سەیری درامای تورکی مەکە، ماستی تورکی مەخۆ و مەکڕە ، نەفرەت بکە لەهەموو ئەو کۆمپانیایانەی، کە تورکن، سێڵفی لەگەڵ ئەو پەرلەمانتارە سوکانەدا مەگرە کە ڕیکلام بۆ تورک دەکەن و دەڵێن بایکۆتی شتی تورکی بکەین دنیا وێران دەبێتو لەبرسا دەمرین . ئەو کەناڵانە سەیرمەکە کە هەواڵی تورکیای فاشی و ئەردۆگانی بەدڕەوشت دەهێنێتە ماڵەکانتان.

 ئەو پێشکەشکارە  بەردباران کە ئاڵای تورک دەکاتە گوارە بۆ گوێ درێژەکانی.

 بەدوایی ئەو مەلا خۆرۆشانەوە نوێژ مەکە کە بۆ ئەردۆگان دەگریان  و دەیان ووت : دەسیان بەدەزنوێژە و بەئایفۆنێکەوە   کودەتایی  ڕاگرت .  ئەو مەلا ڕیش خەناویەش نەفرەت بکە، کە خاڵکی هاندەدا بچنە ئەستەمبوڵی پڕ شەهوەت و فەسادی کە یەک ملیۆن ژنی لەشفرۆشی تێدایە و دەیویست بیکاتە پایتەختی ئیسلامی ئیخوانی تیرۆریست.

 ئەو سیاسیە پوچ و نەزانانەش ڕیسوا بکە، کە نەوت و گازی نیشتمانەکەت دەنێرێت بۆ توراکان و بۆمب و سوپا ی چنگ بەخوێنی  فەسادی و ترسنۆکو . درامای تورکی کەسوکایەتی بە گەلی   کورد دەکەن دەهێنێتەوە لەجیاتی ، تاتۆی هزر پۆچ  بخەوێنێت و بتباتە ئەو دنیا فەسادەی کە بەپلان بۆ بەدڕەوشتکردنی کۆمەڵگا بەرهەم هاتوە .

 بەبڕوایی من  دەبێت مرۆڤ هۆکاری هەبێت بۆ ژیان، فاشیەکان لە گوندی " کونەماسی"  ئاغجەلەر چەمچەمال، دهۆک، ئامێدی چیایی ئەزمڕ ، و کەلار   بەفڕۆکەکانیان کۆمەڵکوژیان کردین.  ئەی ئاسایش و پۆلیس و سیاسیمان  بۆ چێیە لەکاتێکدا بێدەنگن؟ 

 هەندێک مێدیا هەیە هێندە بەدڕەوشتن ناوێرن ڕاستەوخۆ بڵێن ئەوانە تورکیای فاشین، بەڵکو کۆمەڵێک قسەی پڕ و پوچ دەکەن و دەڵێن  تا کە بۆمێک هاویژراوە و ئەو بۆمبە چەند جارێک تەقیوەتەوە  نازانین کێ خاوەنی فڕۆکەکانە ؟ 

 بۆیە ئەمە نە یەکەمن جار دەبێت نە دواجار کە تورک ئاوا سوکایەتیمان پێبکەن.  جاران ئێران هەر ڕۆژ ناڕۆژێک بەتۆپ جێگەیەکی وێران دەکرد تا بەتەواویی هەموو هێزە بەناو سیاسییەکانی خستە ژێر ڕکێفی خۆی و وای کرد کە ئیتڵاعات لەئاسایش باڵادەستتر بێت لەو هەرێمە لاقەکراوەدا.

 چونکە ئەوان هیچ نین، جگە لە کۆیلەیەک و سوکێک، کە ئیتلاعات تەراتێن دەکات بەناویاندا ، ئێستا تورک دەیەوێت هەموو دەزگا میتەکانی لەهەرێمی سەوز جێگیر بکات،  ئەوەتانێ لە قۆپی قەرەداخ ئەو جێگەیەی بێشەڵانی شێر بوو، ئێستا  دەزگای میت  هەواری تێدا هەڵداوە ، کاتێ ئێمە چاو لەم بەدئەخلاقییە دەنوقێنین ئیتر با بمرین لایەنی کەمەوە بەکەرامەتەوە ، نەک هەموو ڕۆژێک بمانکوژن و هەست بکەین ژیان دەکەین.

من تا سەر ئێسقان گلەیم لە ئەدای پەکەکە هەیە و نەمشاردۆتەوە، بەڵام قەیتانی پێڵاوی گەریلایەک بەهەموو داگیرکەران ناگۆڕمەوە.

 گەر قەندیل ڕێگەی بۆ سیاسییە پوچەکان خۆش نەکردایە و وێنەیان لەگەڵ بگرن و جارنەجارێک ئاوڕیان لەگەلی خۆیان بدایەتەوە، ئێستا خەڵکی ئاوا شەرمنانە بەرامبەر بۆردومانی فاشیەکان هەڵوێستیان نەدەنواند. ئاخر چی لەوە چاوەڕێ دەکەیت، تورک لەشکر کێشی دەکات، بەعسییەکی وەک "پێنجوێنی" بێت شەن و کەوی ڕووداوەکە بکات. ئەمەقەشمەر خانەیە نەک ووڵات.

لە هەرێمەدا لەهەموو ماڵێک  تفەنگێک هەیە  ، بەڵام  هەمووی لەخەنجەری قەدی کابرا دەچێت کە بۆ لێقەومان هەڵگیراوە ، ئەوەی تورک لێقەومان نییە شۆخیەکە  زوو بیرمان دەچێتەوە . 

بەڕاستی شەرم دەکەم لەمێژوویەکی وادا  ژیان دەکەن بەس قوربانێکان بژمێرم .   

 قسەیەکی خەسرەو گوڵسورخیم بیرکەوتەوە کە لەسەردەمی محەمەد ڕەزاشادا  لەزینداندا بەرلەوەی ڕۆحی بکێشن   و لەهەڵوێستی داماوی خەڵکی ئەوسای ئێرانی دەڕوانی  ووتی :

باداواكه‌ین 

له‌سه‌ر كێلی مه‌زارمان بەروار نه‌نووسن

تا نه‌وه‌ی داهاتوو نه‌زانن

بێ توانایانی ئه‌م قۆناغه‌ له‌ مێژوو ئێمه‌ بووین