• Su
  • Mo
  • Tu
  • We
  • Th
  • Fr
  • Sa
  •  
  •  
  •  
  •  
  •  
  •  
  • 1
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 31
  •  
  •  
  •  
  •  
  •  

قسەی یەکەم نیشتمان دەیکا

Monday, 08.15.2022, 19:50

183 بینراوە


لەوکورتە وتارەدا مەبەستم بێ رێزیی بەکەس نییە، بە هیچ ئیدۆلۆژیایەکیش نییە. بۆ چاندنی هەردارێک یان دارستانێک لەسەرهەرخاکێک خاک وریشە وزەمان وپەروەردەکردنی ئەودارە تا گەورە دەبێ وبەرهەم دێنێ رەنجی پێویستە. مرۆڤیش هەروایە. ریشەی لە کوێ داکوتابێ ولە سەرکام خاک هەوای هەڵمژێبێ ومەزن بووبێ خەڵکی ئەو خاکە وئەو نیشتمانەیە، کە ئەمەگ ناسانە دەبێ پارێزەریی لێ بکا و وەک گلێنەی چاوی بیپارێزێ. چون خاکی بیانی هی کورد نییە وخاکی کوردیش هی بیانی نییە. ئەوە قسەی یەکەمی ئەو نیشتمانەیە کە مرۆڤ تێیدا هاتۆتە دونیا.پیرۆزیەکان نیشتمانی دایک بەرهەم وبەرەبوومی ئەو خاکەیە کە تائەورۆژەی زیندووین پێی قەرزدارین.تاکی کورد ئەگەر خاوەنی هەر هزروباوەڕوتێگەیشتنێک بێ نابێ دایکی نیشتمانی لەلاسووک بێ.
نیشتمان لە ئیدۆلۆژیاوپەڕتووکە پیرۆزەکان ودایک باوک خۆشەویسترە.ئەگەر نیشتمانێک بوونی نەبێ کوا دایکوباوک وئیدۆلۆژیاوپەڕتووکە پیرۆزەکان لەسەری بەرهەم دێن.ئەورۆژانە لەسەر تۆڕە کۆمەڵایەتیەکان باسێکی لاڕێی وبێ کەڵک هاتۆتە ئاراوە کە هیندێك مەلای وشکە مێشک خاکی بیانیان پێ لە خاکی بابوباپیران پیرۆزترە!ئەوانە لە ژێڕ سایەی دینی ئیسلامدادەخوازن بڵێن،کورد خاوەنی خاک ونیشتمانی خۆی نییە چون خاکی مەدینە ومەککە لە خاکی کوردستان پیرۆزترە!ئەو دەسەڵاتەی کە خۆی بە خاوەنی مەککە ومەدینە دەزانێ هیچکات ئیزن بەخۆی دەدا بڵێ خاکی کوردستان لە مەککەو مەدینە پیرۆزترە؟
سەرەتا مرۆڤ دروست بووە،پاشآن پیرۆزیی وپەڕتووکە پیرۆزەکان وئایینەکان ودینەکان.هەر کوردێک سەرەتا کورد بووە، خاوەنی هیچ ئیدۆلۆژیایەک نەبووە.پاشآن رێگوزەریی مێژوویی رووداوەکان دین وئایین و... بەسەریدا سەپاندووە.
ئەگەر یەکێک لە بنەماکانی سەرەی ئیسلام ئەمەگناسیی بێ لە ئاست پیرۆزیەکانی خۆی،دەبێ مرۆڤی موسڵمان ئەوە بزانێ کە خۆشەویستیی بەرانبەر بە وڵات لە ئیمانەوەیە.یانی سەرەتا نیشتمانی خۆت خۆش بوێ پاشآن پیرۆزیەکانی ئەو دینەی کە باوەڕت پێیەتی ودەیپەرەستی.
ئەو دیندارانەی کە لە باشووری کوردستان ئەو رۆژانە بێ رێزیی بە خاک ونیشتمانی کورد دەکەن،حەق وایە لە ریزیی کەسانێک بیاندۆزینەوە کە خاوەنی نیشتمان وناسنامە ودایکوباوکی خۆیان نین.هەر کاتێک لەو کەسانە پرسیار بکەی کەدایکوباوکت کێیە وخەڵكی کوێن، بە پێی ئەوباوەڕەی کە خۆیان لەسەری سوورن دەبێ لە جوابدا بڵێن:ئیمە خاوەنی ناسنامە نین ونازانین دایک وباوکمان کێیە.
جەعفەرکەریمی