• Su
  • Mo
  • Tu
  • We
  • Th
  • Fr
  • Sa
  •  
  •  
  •  
  •  
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 31

حەزدەکەم قسەبکەم نەک بێدەنگی هەڵبژێرم

Wednesday, 11.23.2022, 18:30

586 بینراوە


ئێمە خەریکە بەبن بەست دەگەین ،  ئێمە لەناو نیگەرانیەکی  کوشندەدا ڕێدەکەین ،دەشزانین تەمەنی ئێمە هەمیشەیی نییە  بۆیە گەر بڕیارە کارێک ئەنجام بدەین ، دەبێت هەر ئێستا ئەنجام بدرێت  ،ئەگەر نا ئەوە هیچ ئایندەیەکی باش چاوەڕێمان ناکات . 
لەم ڕۆژانەدا سەیری  وەزیری نەوتی لابراوم کرد  لە هەرێم  باسێکی دەبەنگانەی  وروژاند ، وەزیر باسی موراڵ و مرۆڤایەتی دەکرد  کەنەک نەی بوو هەر نەشی دەزانی چییە؟  لەوێدا دەڵێت : لەهەموو کێڵگە نەوتێکاندا  کە نەوتەکە دەردەهێنن و هەراجی دەکەن   گازێکی کوشندە دەردەدات کە ئێمە دەیسوتێنین ، کۆمپانیاکان ئاگری تێبەردەدەن ، بەڵام دەکرێت بخرێتەوەخاک و کەنەوت نەما ئەوە بەکار بهێنرێت . 
کورد دەڵێت : "قسە لەشێت ، یان لەمنداڵ " ئەم وەزیرە هەردووکیانە  بەڵام ئەو نیشتمان و خەڵک وەک  یاری سەیردەکات .
من کەئەمەم بینی  هەستم کرد ئەمانە نەک هەر خیانەت بەڵکو دەیانەوێت زۆر بەپلان گەلی ئێمە لەناو بەرن ، بۆئەوەی  دەبێت لەوە بگەین کە دەسەڵاتی کورد لەو هەرێمەدا پارێزگاری لە دەسەڵات و ئابوری دزراوی خۆیان دەکەن ، نەک لەخەمی ئێمەدابن .
 دیدی من بەم بابەتە زۆر ڕۆشن دیارە ، لەشارێکی وەک سلێمانیدا لەڕوداوێکی دڵتەزێندا  خێزانێک  لەبەین دەچن ، ئێمە قسەمان لەسەر  هەڵوێست و ڕابردووی ئەم خێزانە نییە ، بەڵکو لەسەر قوربانێکەیە کەمنداڵ و ژن و  لایەنی کەم کۆمەڵێ مرۆڤ بەتراژیدیایەکی گەورە  گیانیان لەدەست داوە .  ئێمە تەنها هەواڵەکان دەگوێزینەوە  فرمێسک دەڕێژین ، بەڵام قەت لەخۆمان ناپرسین  بۆچی !؟  لەکاتێکدا هەمووڕۆژێک ئێمەتەرمی مردۆکانی نەخۆشی ژێرپەنجە دەنێژین و ناپرسین ئەمانە بۆ نەخۆش کەوتوون ؟  لەکاتێکدا وەزیری نەوت دەڵێت : گازێکی کوشندە  بلاودەبێتەوە لەناوژیندە ئەتک کراوەکەدا . 
 ئاپۆ هەمیشە بەگەریلاکانی دەووت: نابێ هەرزان  بمرن .  ئێمە ڕۆژانە مرۆڤی کورد دەبینین  هەرزان دەمرێت ، لە ڕێگەی هاتوچۆ ، بەدرۆنی تورکی ، بەبۆمبی ئێرانی ، بەتیرۆر ،  بەئاگر کەوتنەوە ، بەتەقاندنەوەی گاز و نەوت ، بەکارەبا و تەنانەت لافاو   خنکان و خۆکوژیش و جگە لە ژن کوژی دەیان دیاردەی ناشرینی تری کۆمەڵایەتی .
 جوتیارەکانیشمان  هیچ ئارەزووی بەرهەم هێنانیان نەماوە  چونکە نرخی کاڵاکانیان هیچ ناکات کەبەرهەمی دەهێنن ، ئەوان ترسیان هەیە لەنابووتی ئابوری ، ناچارن دێنە شارەکانەوە و لەوێ دەبنە حیمایە و پۆلیس وچەکداری بێهەڵوێست ، وەک داوڵ تەنها چۆلەکە دەترسێنن .
گرفتە زۆرەکان ئێمەیان ڕاکێشاوە بۆ شوێنێک کە هەموومان شۆکمان کردوە ، گفتوگۆی  بەرپرسان و ماڵەقوربانێکان ، پرسەو پەیمانی  چاکردن و  ئاوەدانکردنەوەو قەرەبوو کردنەوە ، دەرکەوتن و بۆڕبۆڕێنی  بەرپرسەکان لەکاتی ڕووداوی واسەلامەتدا کە تورک و ئێران و هێزەدڕندەکانیان نین  . دەرکەوتنی مەلای فاسدو ئیخوانی جاش لە خەستەخانەکان  و نزاکانی  بێکەرامەترین  مرۆڤ بۆ عەرشی خوا.  ئێمە ناپرسین بۆچی ؟ ئەم هەموو بەرپرس و  مەلاو ئیخوان و سەلەفیانە شتێکیان ووت قسەیەکیان کرد  بۆ  کوشتارگای تورک و ئێرانێکان ؟  ئەمانە هە موو بەشێوەیەکی نامۆ لەبەدیهێنانی ئەم قەیرانە کۆمەڵایەتیانەدا ڕۆڵیان هەبووە . ئێمەچاک دەزانین تائێستا سیاسیەکمان نەبووە لەو هەرێمەدا لەبیری هەموواندابێت ، چونکە هەرکەسەو گرنگی بەناوچەیەکی بچوک دەدات و هەموانی لەبەرچاو نەبوەو نابێت . ئەمە ئەسڵی گرفتەکەیە .
 ئەم ڕوداوە کە سلێمانی ڕووی دا پێی ووتین :لەبنچینەدا سیاسەتمەداران لەقوڵایی بونی خۆیاندا لاوازو ناتوانان و پێداگری ئەوان لەسەربەکاربردنی دەسەڵاتیش لەم شێوەیەوە سەرچاوە دەگرێت ، ئەم سیاسیانە لەڕووداوەکاندا هەست بەلاوازی وزەبوونی و نەفامی و داماوی خۆیان دەکەن ، ئەوان  باش دەزانن کە هیچ کەسێک نین . بەڵام ئەوان بۆیان لواوە کە ٣١ساڵە لەسەر شکۆ شکاندنی گەلێک کاردەکەن ، ئێستا خەڵکی کۆڵان و بازاڕەکان  هێزیان پێدەدەنەوە هەمووجارێک  ، چەنێک ئازار بەخشە ، کەمرۆڤە شکۆشکاوەکان دەچن لەگەڵ دەبەنگترین دەسەلاتدا سێڵڤی دەگرن و شانازی پێوەدەن؟  چ داماویەکە خەڵکی دەچن لەپەنای قوربانێکاندا وێنەدەگرن و بە نیشتمان فرۆشی پێمان دەفرۆشنەوە.
لای من سیاسەتمەدار جگە لەخۆپەرستێکی لافلێدەر شتێکی ترنییە ، ئەو لەدەرونەوە هەستی بەنەفامی خۆی کردوە و لەم هەست بەنەفامی کردنەی خۆی زۆر دەترسێت ، بۆیە کەڕووداوێک ڕوودەدات ، ناچن بەدوای هۆکارەکەیدا بگەڕێن بەڵکو  دەچن لەوێ خۆیان نمایش دەکەن ، تا نەفامێکەیان بەدەرنەکەوێت وەک عەیب و عارێک .
 شتێکی ترسناک کەدەیبینم ئەوەیە لەڕێگەی تۆڕەکۆمەڵایەتێکانەوە کە تاکی کورد دیارە مەبەستم باشوری نیشتمانە ، نایانەوێت لەڕێڕەوی ڕاوێژوو پەیدۆزی و گەڕان و دۆزینەوەدا هەنگاو هەڵگرێ ،چونکە شکۆی هێندەشکاوە بەکارێکی تاقەتپڕوکێنی دەزانێت چونکە دەبێت خورافەگەلێکی زۆر لەخۆی دورخاتەوە  ناسینی حەقیقەت و ناسینی خۆمان خۆڕزگار بکەین و سەرلەنوێ بەرنامەڕێژی بکەین .  بۆیە بێدەنگیش ئاگربەردانە لەجەستەی داماومان . 
 بریا ئێمە بڕیارمان دەدا دەسەلات لەسیاسەتمەدارە نەفامەکانەوە بگوێزینەوە بۆ ڕۆشبیرەکانمان ، بیرتان نەچێت ڕۆشبیر نەک قەڵەم فرۆش و لەرزۆک  ئەوانەی ستایشی ستەم دەکەن ، ئەوسا هەمووشتێک ئاسان دەبێت ، هەمووشتێک سادەتر دەبێت ، ئێمەش هەمووبەیانیەک لەخەوی کابوس خەبەرمان نەدەبۆوە و تراژیدیامان نەدەخستە  سەر هەموو تراژیدیاو هەواڵە پوچەکانی ئەم ماوەی حوکمڕانی کوردە .

پەیەمی ڕۆژ لەلایەن "رزگار رانگور"ەوە نوسراوە