بانگه‌وازی قه‌ڵادزێ بۆ هه‌موو مرۆڤ دۆست، ڕۆشنبیر و شۆڕشگێڕانی کوردستان و جیهان،
Tuesday, 19/01/2010, 12:00
1468 بینراوە
بانگه‌وازی قه‌ڵادزێ
بۆ هه‌موو مرۆڤ دۆست، ڕۆشنبیر و شۆڕشگێڕانی کوردستان و جیهان،
قه‌ڵادزێ، 18. 01. 2010
وێڕای سڵاو و ڕێز، هیوای سه‌رکه‌وتن بۆ هه‌موو لایه‌ک ده‌خوازین
که‌س و کار،هاوڕێ و دۆستانی قوربانیانی شاری قه‌ڵادزێ له هه‌رکوێیه‌ک هه‌ن، ئێمه کۆمه‌ڵیک له ڕۆشنبیر، که سایه‌تی سیاسی، ئاینی و کۆمه‌ڵایه‌ت ین، به هه‌ستی نیشتیمانی و کوردایه‌تی، به‌یه‌ک ڕیزی دوور له‌په‌رته‌وازه‌یی، جیاوازی ڕه‌گه‌زی و بیروڕای سیاسی بڕیارمانداوه به‌ڕێگای مه‌ده‌نی و یاسایی داکۆکی له قوربانیان و زه‌ره‌رمه‌ندانی قه‌ڵادزێ و ده‌ڤه‌ری پشده‌ر بکه‌ین.
به پشتیوانی خوا و دڵسۆزانی میلله‌ته‌که‌مان، هه‌وڵده‌ده‌ین ئهم کێسانه ؛
* جینۆساید کردنی یه‌که‌م زانکۆی کورد له قه‌ڵادزێ له 24. 04. 1974،
* جینۆساید کردنی مرۆڤ، گیانله‌به‌ر و ژینگه‌‌ی ناوچهکه له 25. 06. 1989
به ڕاگواستن و سوتماک کردنی،
* قوربانیانی مان گرتن و ڕێپێونه‌کانی 24 . 04 . 1982 /1983 /1984
تا ڕاپه‌ڕینه‌که‌ی به‌هاری 1991،
* بۆردومانه یه‌ک به‌دوای یه‌که‌کانی ناوچهکه له‌لایه‌ن حکومه‌ته‌کانی عێراق،
ئێران و تورکیا له ساڵانی 60 کانه‌وه تا ئه‌مڕۆ،
* زیندانیان سیاسی و له‌سێداره دراو و که‌م ئه‌ندامانی سه‌رده‌می به‌عسی گۆڕبه‌گۆڕ،
به‌رزکه‌ینه‌وه بۆ به‌رده‌م دادگای باڵای تاوانه‌کان له به‌غداد و هه‌موو دامه‌زراوه حکومی، نا حکومی، ڕای گشتی له ناو هه‌رێمی کوردستان، عێراق و جیهان.
بۆ داکۆکی کردن له کلتور ڕه‌سه‌ن، زمانی په‌تی و کوردایه‌تی که خه‌ڵکی ناوچه‌که‌ی پێ ناسراوه، له پێناوی گه‌ڕاندنه‌وه‌ی ئاوه‌دانی، به‌رزکردنه‌وه‌ی ئاستی ژیان، ڕۆشنبیری، ته‌ندروستی و ئابووری بۆ ده‌ڤه‌ره‌که، پێویستیمان به هاوکاری و ڕێنومای هه‌موو مرۆڤێکی دڵسۆزه.
به زانیاری و هاوکاریه‌کانتان ده‌توانن ده‌روونی خۆتان ئاسوده بکه‌ن، ڕوحی شه‌هیده‌کان شاد بکه‌ن، فرمێسکی قه‌تیس ماوی چه‌ندین ساڵه‌ی که‌س و کاری قوربانی، نه‌خۆش، په‌که‌وته و ده‌ربه‌ده‌‌ره‌کان بسڕنه‌وه.
مرۆڤ دۆستان، ڕۆشنبیران، شۆڕشگێڕان و خێره‌وه‌مه‌ندان که خه‌ڵکی ناوچه‌که‌ن یان خۆتان به‌دۆست و هاوسۆزی ئهم ناوچه‌یه ده‌زانن له ڕێگای ئهم ژماره ته‌له‌فۆن و ئێمایلانه ده‌توانن ڕێنوێن و پشتیوانیمان بن.
009647701554724 حسێنی حاجی عه‌لی له قه‌ڵادزێ :
محه‌مه‌د پشده‌ری له سوله‌یمانی : 009647701212446
[email protected] ئێمایلی تایبه‌ت به هه‌موومان:
تێبینی:
بۆ ڕێزدارانی ده‌ره‌وه‌ی ووڵات، تکایه هه‌ر که‌سێک ئاماده‌ی تێدایه بێ مه‌رامی سیاسی به‌رژه‌وه‌ندی گه‌ل و نه‌ته‌وه‌که‌یان بخاته سه‌روی به‌رژه‌وه‌ندی تایبه‌تی با په‌یوه‌ندیمان پێوه بکات بۆ ئه‌وه‌ی به ده‌نگی زۆرینه‌ی هه‌ڵسوڕاوانی ناوه‌نده‌که له لیژنه‌کانی پشتیوانیان دامه‌زرێنیێن.
له جیاتی هه‌ڵسوڕاوانی
ناوه‌ندی قه‌ڵادزێ
بۆ داکۆکی کردن له قوربانیان و زیان لێکه‌وتوانی ده‌ڤه‌ری پشده‌ر
دکتۆره چیمه‌ن حه‌سه‌ن حاجی مه‌حمود
محه‌مه‌د پشده‌ری
حه‌سه‌ن حاجی عه‌لی
جه‌بار جه‌مال غه‌ریب
عومه‌ر کاکل
حه‌مه زرنگ
خالید ئه‌حمه‌د ئاسنگه‌ر
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
