شیرین تەشی ناڕێسێ

Friday, 10/10/2014, 12:00

2609 بینراوە


ئیدی لەمەو بە دوا
بۆ تۆمار کردنی
مێژوویەکی پڕ لە شانازی
پڕ لە هەستو هیوا
شیرین تەشی ناڕێسێ
ئێستێ دەنگی چەکی گریلای کچ
رێبازی زولالی گریلای کچ
ورەی هەرە بەرزو
مژدەی سەردەمی رزگاری
لەگەڵ خۆی دێنێ وبۆنی
هەموو گوڵە بەڕەزاکانی
چیای کوردستان
دەکاتە دیاری و
لەسەرسنگی خاکی پیرۆزی
نیشتمان دەیچەقێنێ
لەدەستپێکی هەزارەی سێدا
بۆ ماڵ بە ماڵی خاک وخاوەنی شەهید
حەیرانی سەرکەوتن دەهەژێنێ
نەسەردەمی تەشی رێستن ماوە
نەسەردەمی خەوێ
نە کاتێک کە پیاوی ماڵێ
ناوی ،،عافرەتم،، لێ بنێ و
پێم پێبکەنێ
ببورە ،،وەفایی،، ئیدی
چیدی
شیرین تەشی ناڕێسێ
دەبێتە ئاڵا
دەبێتە سروود
دەبێتە قا قا
دەبێتە مامۆستایەکی
ژیرو وریا
بەهاری گەلان بۆ هەموو
چەوساوەکانی رۆژهەڵاتی ناوین
بە دیاری دێنێ.

نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست






کۆمێنت بنووسە