دیسان حوسێنی یەزدان پەنا و تیرۆر کردنی ڕۆژهەڵاتیەکان

سەرەتا خوێنەرانی بەڕێز ئاگادار دەکەینەوە کە بەمزوانە تەلەویزیۆنی ئەنترنێتی ئاژانسی ڕاستیەکان و ئانتی بەگلەر پەخشی ڕاستەوخۆی خۆی دەست پێدەکات.

ماوەی چەند ڕۆژێک لەمەوبەر، حوسێن یەزدانپەنا ، کە ناسراوە بە کوڕی عومەرە سووری (کۆنە تەواب) دیسان وەبەر چاوی دام و دەزگا ئەمنیەکانی باشووری کوردستان، هەوڵی ڕفاندن و تیرۆری هاوڕێیانی ئێمە و مرۆڤە شۆڕشگێڕەکانی ڕۆژهەڵاتی کوردستانی دەستپکردۆتەوە.

حوسێن شەیتان پەنا سەرەڕای ئەو هەموو جینایەت و خیانەتانەی لە دژی نەتەوەی کورد و ڕۆڵەکانی لە ڕۆژهەڵاتی کوردستان کردوویەتی و لە سێبەری جاشایەتی بۆ دەسەڵاتی گەندەڵی دوو زلحیزبی باشووری کوردستان هیچ نامەردیی و جینایەتێک نەماوە نەیکات، دیسان تۆوی خیانەت و جاشایەتی لە ناخی دا چەکەرەی کردۆتەوە.

کاک لوقمان مێهری و بنەماڵەی شۆڕشگێڕی بەڕێزیان، لای هەموو کوردێکی بەشەرەف و ڕێکخراوە چەپ و ڕادیکاڵەکانی ڕۆژهەڵاتی کوردستان ناسراون.

ئەو سەردەمەی کاک لوقمان مێهری گۆڤار و ڕۆژنامەی کوردیی بڵاو دەکردەوە و چالاکی سیاسی دەکرد لە شاری تاران و کەرەج و شارە گەورەکانی دیکەی ئێران و لە ناو زانکۆی تاران و برا و کەس و کاری پێشمەرگەی کۆمەڵە بوون و لە خەباتی جەماوەریی نەقش و پێگەیان دیار بوو، بێ گومان حوسێن کۆنە تەوابی پاسدار و حەسەن کۆتربازی برای خەریکی دەسترێژی سێکسی و مرۆڤ کوشتن بوون بۆ ڕێژیمی بەعس لە بەغدا و لە ئەورووپا و دواتریش لە ناو شاری هەولێر هێرشیان دەکردە سەر ئەندامانی حیزبی کۆمۆنیستی کرێکاری ئێران کە هەموویان لە مرۆڤە هەرە شۆڕشگێڕ و چەپەکان بوون.

وەبەر چاوی بەڕێزان مەسروور بارزانی و لاهووری شێخ جەنگی، ئەوە دیسانیش حوسێن یەزدانپەنا چەند کەسی چەقۆکێش و لاکۆڵان دەنێرێتە شاری سلێمانی تاوەکوو پەلاماری کاک لوقمان مێهری بدەن و بیکوژن. خۆشبەختانە چەند کەس لە تاوانباران لە لایەن پولیس و ئاسایشەوە دەستبەسەر دەکرێن و هیوادارین لایەنی بەرپرس تۆمەتبارەکان وەک جارانی پێشوو بەڕەڵا نەکات و سەری داوەکە کە دەگەڕێتەوە بۆ بنەماڵەی خائین و خۆفرۆشی حوسێن یەزدانپەنا بدەنە دادگا و ڕوونکردنەوەش بۆ جەماوەری کوردستان بڵاو بکەنەوە.

کاک لوقمان مێهری لەوکەسانە بوو کە لەم چەند ساڵەدا چەند فایل و بەڵگەی گرینگی بنەماڵەی شەیتان پەنای دەست کەوتبوو، هەر بۆیەش حوسێن پاسدار دەیهەوێت بەڕێزیان وەک بەڕێزان کاک فوئاد دیما و کاک مەنسوور و ناسر تەها بداتە بەر هێرش و هەڕەشەی تۆڵەیان لێ بکاتەوە، یانیش وەک سێ کوڕە ئیلامەکە بە بێ دەنگی بیانکوژێت.

ئەو کەسەی پێش هێرشی پاسدارەکانی کۆماری ئیسلامی بۆ سەر قەڵای حیزبی دیموکرات، جینایەتکاری دەنارد کە ئاوی خواردنەوەی قەڵا ژەهراوی بکەن، ئەو کەسەی پێشمەرگەی دیموکراتی دەڕفاند، ئەو کەسەی چەند کەسی بێتاوانی بە بیانووی شەڕی داعش تیرۆر کرد و ئێستاش هەڕەشە لە نەیارانی خۆی دەکات، کەس نیە جگە لە حوسێن کۆنە تەواب و حەسەن کۆتربازی داوێن پیسی برای.

پێشتر لە جینایەتی حوسێنی عومەرە سوور بۆ سەر خانەقای شێخانی نەقشبەندی، حوسێن کۆنە تەواب لە ڕێگەی پێوەندی بە مەلا بەختیار و ناردنی چەند کچی ڕۆژهەڵاتی بۆ ناوبراو، توانیبووی تاوانباران لە دوای لێکۆڵینەوە لە پۆلیسی سەرا لە شاری سلێمانی ڕزگار بکات و هەموویان بگەنەوە هەولێر.

ئێستاش حوسێن کۆنەتەواب دوای ئەوەی حەسەن داوێن پیسی برای ناسراو بە سمکۆ ناردبووە شاری سلێمانی و سەرجەم ئاڕشیڤی پاراستن و زانیاری گرینگی ناوچە و لقە سەربازییەکانی پارتی دیموکرات هەر لە شەقلاوە و هەریرەوە بگرە تاوەکوو حاجی ئۆمەران گەیاندە دەزگای زانیاری و شێخ لاهوور لە پێناو وەرگرتنی چەند ورەقە دۆلار و دواتریش سمکۆ کۆتر باز یان حەسەن خۆی گەیاندەوە هەولێر و ڕایگەیاند دەگەڵ کاکی ئاشتبوونەتەوە و چیدی لە ناو هەولێر هەڵناکوتنە سەر یەکدی و لە دوو گرووپی بووک و خەسووی جاران دەبنەوە یەک باند و ئەویش "باندی دایە خانم" یان ئامینەی شاریکەندی.

لەمێژە حوسێن کۆنە تەواب دژی کۆمەڵە و بزووتنەوەی چەپ خیانەت دەکات. لە بەغدا زانیاری لە سەر بنکەی نوێنەرایەتی کومەڵە دەگەیاندە دەست ئیستخباراتی بەعس و دواتریش لە ماڵی سەردار جاف دەگەڵ کۆنە بەعسیەکان پلانیان بۆ پارتی و یەکێتی دادەنا و تا ئەو ئاستەی سەردار جاف خەریک بوو حیزب درووست بکات و مام جەلال پێی گوتبوو تۆ پیر بوویت و جاسووسەکانت پاسداری کوردن و هیچ نین.!