مرۆڤێك بێ نیشتمان
Friday, 04/05/2012, 12:00
1458 بینراوە
هێندەى هەموو دەنكەكانى تەزبیحەكانت كە ئەكاتە سەرمایەكەت چڵپاوى ڕۆژگار پژاوە بە ڕوتدا قاچەكانت ڕِاكێشە با ئەژنۆكانت لە پیریدا پشویەك بدەن چونكە دەزانم بە گەنجى نەتتوانیوە بۆ ساتە وەختێكیش قاچەكانت ڕاكێشى و بە ئاسودەیى بتوانیت بنویت دیارە تۆش وەك پیاوانى دەسەڵات و سەرمایەدار سەرقاڵى سەرمایەكەتى كاتت نیە بچیتە ناو جێگەو ماڵو مناڵت بۆیە لەسەر ئیشەكەت ئوفیسەكەت ناتوانى كۆمپانیاكەت جێبهێڵى ڕیشت سپى و هێندەى گشت تاڵەكانى ڕەش بینى لە نێو دڵتایە و نائومێدى بەردەوام میوانى چرچ و لۆچەكانى سەر ڕوت و دەستەكانتە , تێكەڵاوى خەون و تەزبیح و چاوەڕوانى كڕیار چى لا دروست كردوە جگە لە نائومێدى و شەكەت بون چیت پێ ئەدات بێجگە لە وڕ بون و وەنەوز بَو ناو خەوێكى ناخۆش كە پڕە لە ڕاچڵەكین و وێنە ناخۆشەكانى ڕابردوو بۆ ناو تابلۆ نوێكانى وەك كوشتنى ئازادى و سەركوتكردنى مەخلوقاتى هوشیار و ڕۆشنبیر و پڕكردنەوەى زیندانەكان لێیان .
ئیدى بخەوە لاى جەلادەكانى دەسەڵات هەر ئەم جۆرە خەوانە ماون دابەشى بكەن بەسەر ژیانى كولە مەرگیانەى وەك تۆى بێناز و بێكەس دا دڵنیا بە بە هۆى ڕەفتارى نا بەرپرسیارانەى ئەمانەوە هەمومان وەك تۆ لەبەر هەتاو و سەرما و باراندا ژیان دەبەینە سەر و هەر لەسەر كارەكانیشمان كۆتاى بە ژیان دەهێنین بەبێ مێژوو بێ وڵات و بێ ناونیشان .
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
