بفەرمانا بەرپرسەكێ پارتى پروژێ گەهاندنا ئاڤێ بو ناحیا دێرەلوك هاتە راوەستاندن

Wednesday, 04/11/2009, 12:00

1719 بینراوە

پروژێ گەهاندنا ئاڤێ بو هەردوو تاخێن داستان و شەهیدان ل ناحیا دێرەلوك پشتى كو ل هەیڤا شەش دەستپێكرى و ژڤان ئەو بو كو ل هەیڤا نەها ئەڤ سالە ب دوماهى بهێت لێ ژنشكەكێ ڤە ئەڤ پروژە ب فەرمانا پەرپرسێ لقا هەژدە یێ پارتى دبموكراتى كوردستان ڤە هاتە راوەستاندن.
ل گورى وان پیزانینان ئەوێن ب دەست مە كەفتین ئەڤ پروژە بەرب داویێ بى و چ یێ وەسا نەما بى ب داوى بهێت , لێ ژبەر كو داخاز ژ بەلێندەرى هاتیە كرن كو دەستبەردارى پروژەى بیت لەوران پروژە هاتیە راوەستاندن .
سەبارەت ئەگەرێن راوەستاندنا پروژەى بەلێندەر و قونتەرچیێ ڤى پروژەى بو روژنامەیا ئەڤرو ل پارێزگەها دهوكێ دیاركر كو ئەو ب رێكا تێلەفونێ ژ لایێ ئێك ژ خوادنێن ئەردى ڤە هاتیە ئاگەهداركرن كو وى پروژەى راوەستینین ب هێجەتا هندێ كو ئەردێ پروژەى كێشە ل سەرهەیە.
و بزانبنا ڤێ فەرمانێ بنگەهێ ئاڤێ ل قەزایا ئامێدیێ بریارا راوەستاندنا پروژەى دەركر, هەروەسا ل گورى وێ دیڤچونا مە ل سەر ڤى بابەتى كرى دیار بو ئەو كەسێ پروژە راوەستاندى كورێ ئێك ژ ئاغایێن دەڤەرێ بویە و نها ژى بەرپرسێ لقا 18 یا پارتى یە ل دەڤەرا ئامێدیێ .
هەژى یە بێژین كو راوەستاندنا ڤى پروژەى بویە جهێ نەرحەتیا خەلكى و نەرازى بونا وان ژبەركودروستبونا ڤى پروژەى دا پتر ژ 10 هزاركەسان ل سەنتەرێ ڤێ ناحیێ مفاداركەت كو گوژمێ 285دینارێن عیراقى بو هاتینە مەزاختن .