باخان داوای لێبوردن لە هەڵكەوت زاهیر دەكات

Thursday, 03/12/2009, 12:00

1736 بینراوە

دوای بڵاوبوونەوەی چەندین راپۆرت و هەواڵ لە بارەی كێشەی نێوان (هەڵكەوت زاهیر)ی ئاوازدانەر و (باخان)ی گۆرانیبێژ، بەڵام لە روونكردنەوەیەكدا باخان ئەو دیمانە و هەواڵانە رەتدەكاتەوە كە بە ناوی ئەوەوە و بەبێ ئاگاداری خۆی بڵاوكراونەتەوە و داوای لێبوردنیش لە هەڵكەوت زاهیر دەكات.

.
باخانی گۆرانیبێژ لە روونكردنەوەیەكیدا ئاماژە بۆ ئەوە دەكات، جگە لە رووی هونەرییەوە، ئەو هیچ جۆرە كێشەیەكی شەخسی لەگەڵ هەڵكەوت زاهیر نییە و ئەو راپۆرت و هەواڵانەی بەو دواییەی بە ناوی ئەوەوە بڵاوكراوەتەوە، رەتی دەكاتەوە باخان لەمبارەوە گوتی "تەنیا تێنەگەیشتنێك لە نێوان من و كاك هەڵكەوت زاهیر هەبووە و هیچ تەعلیقێكم لەسەری نەبووە، بەڵام بەداخەوە زۆرێك لە رۆژنامە و گۆڤار و سایتەكان دوور لە كاری ئەخلاقی رۆژنامەوانی، مەسەلەكەیان گەورە كرد و ئاراستەكەشیان بەرەو لایەنی شەخسی بردەوە، كە من لەوبارەیەوە هیچ قسەیەكم نەكردووە". هەر لەو روونكردنەوەیەدا باخان گوتی "داوای لێبوردن لە هونەرمەند هەڵكەوت زاهیر دەكەم، بەپێویستی دەزانم زۆر سوپاسی بكەم، كە تائێرە هاوكار و پاڵپشتی ناساندن و دروستكردنی من بووە".