بانگەواز......لەژمارەیەك لە كارمەندانى ئاسایشى هەولێر.

Thursday, 24/02/2011, 12:00

2007 بینراوە

ئەى جەماوەرى شارى هەولێرى سەربەرز
ئەى هاورێیانمان لە ئاسایشى هەولێر
ئێمە كۆمەلێك كارمەندى ئاسایشى هەولێرین ئەم بانگەوازەمان بڵاو دەكەینەوە لە رێگاى ماڵپەرە شۆرشگێرەكەى كوردستانپۆست كە بەراستى بوویتە تۆقێنەرى دەستەلاتى ترسنۆكى لە ناو چووەكەى بارزانى و كورەكەى.
هاولاتیانى بەشەرەفى شارى قەلاو منارە.
دەستەلات هانمان دەدات كە لەكاتى خۆپیشاندنەكەتان لولەى تفەنگەكانمان ئاراستەى سینگى ئێوە بكەین بەلام ویژدانى كوردایەتى و رەوەشتى هەریەك لە ئێمە هەرگیز رێگامان نادات جگە لە گوڵ هیچى تر پێشكەشتان بكەین و حەلالى شیر خواردنمان لەم شارە هەرگیز رێگامان نادات كە برا و خوشكانى خۆپیشاندەر بكەینە نیشانەى تفەنگەكانمان .
ئێمە لە میبەرە پیرۆزە پر لە خەباتە داوا لە جەماوەرو گەنجان و لاوان دەكەین دەستە دەستە خۆیان ساز بدەن و برژێنە سەر شەقامەكان و دڵنیایان دەكەین كە ئەم دەستەلاتە ئیتر لەرزاو و لەناوچوە ئەوەى دەیبینن و دەیبستن تەنها راگەیاندنە چونكە ئەى جەماوەرى مەرد و سەرفیراز دەستەلات وا تۆقیوە ئێمە دەزانین كە بەشێك لەم بەرپرسانە خۆیان ئامادە كردوە بۆ راكردن و داواتان لێ دەكەین كە نەهێڵن دەرباز ببن ئەمانە دەستەلاتى تاوانبارن دەستەلاتى گەندەڵگارن دامێن و شەلواریان پیسە و دڵنیاتان دەكەینەوە هیچیان پێ نەماوە بۆ گەلى كورد ئەوەى هەوڵیش دەدەن تەنها دروستكردنى كاتە بۆ خۆ دەرباز كردن.
لەكۆتایدا داواتان لێ دەكەین بەبێ ترس و بە ورەیەكى پۆلاین وەرنە سەر شەقامەكان ئەم دەستەلاتە بنەمالەیە لە گۆر بنێن و بیانكەن بە پەندى زەمانە بۆ هەموو جیهان
ئیتر نێو چەوانى یەكە یەكەتان ماچ دەكەین و ئێمەش پشتیوانى ئێوەین و خوێنمان خوێنى ئێِوەیە ئێوەش كەس وكارى ئێمەن
بژى هەولێرى سەربەرز و سەرفیراز
بژى جەماوەرى خۆپیشاندەرى كوردستان
نەمرى بۆ شەهیدان
مردن و سەرشۆرى بۆ كورد كوژانى بنەمالەى ئاشبەتالى بارزانى
كۆمەلێك لە كارمەندانى ئاسایشى هەولێر
هەولێر
24 / 2 / 2011