Thursday, 08/12/2016, 22:07
3140 بینراوە
ئەمڕۆ، حەوت رۆژ تێپەڕده‌بیت بەسەر تیرۆرکردنی شەهیدی راگەیاندنکار شوکری زەینەدین. له ڕێوڕه‌سمێكدا له سه‌ر گوڕی شوكری ڕێكانی ڕۆژنامه‌نووسی تیرۆركراوی كه‌ناڵی کەی ئێن ئێن كه‌سوكار و خانه‌واده‌كه‌ی هه‌موو ئه‌و سیناریۆیانه ڕه‌ت ده‌كه‌نه‌وه، كه دوای تیرۆركردنی دروست كراون، به تایبه‌ت ئه‌و تۆمه‌تانه‌ی كه له ڕۆژنامه‌ی وشه‌ی سه‌ر به پاراستنی پارتی بڵاوكراونه‌وه‌ته‌وه و به تۆمه‌تی بێ بنه‌ما ده‌زانن, ئاماژه به‌وه‌ش ده‌كه‌ن: هه‌ڕه‌شه‌كانی پێش تیرۆركردنی شوكری، ده‌ریده‌خه‌ن كه بۆچی شوكری تیرۆر كراوه.
هاوژینی شەهید شوکری دەڵێت: "پارتی بە شوکری گوتووە بەس تۆ واز لە گۆڕان بهێنە ئیمە دوو موچەت بۆ دەبڕینەوە. وە چەندین جار ئاسایش هەرەشەیان لێکردووەو بانگیانکردووە بۆ لێکۆڵینەوە"
کچی شەهید شوکری دەلێت: "من هیچ خەم بۆ باوکم ناخۆم چونکە دەزانم لەسەر چ ڕێگەیەک باوکم لەدەستدا، هەروەها هیچ داوایەکم نیە لە ئاسایش چونکە تاکو لەژیاندامابوو چەندین جار تۆمەتیان بۆ هەڵدەبەست لەبری پاراستنی گیانی هەروەکو هەموو رۆژنامەنوسەکانی تر"
هەروەها، براکەی شەهید شوکری دەلیت: "هەموو سیناریۆکانی دوای شەهیدبونی براکەم رەتدەکەمەوەو ، کە دوای تیرۆرکردنی دروستکراون به تایبه‌ت ئه‌و تۆمه‌تانه‌ی كه له ڕۆژنامه‌ی وشه‌ی سه‌ر به پاراستنی پارتی بڵاوكراونه‌وه‌ته‌وه و بەناوی من لێدوانیان بلاوکردۆتەوە بەبێ ئەوەی من ئاگاداربم"
شوکری زەینەدین ناسراو بە شوکری ڕێکانی ، کامێرامانی کەناڵی KNN لە ئامێدی، پاش دیارنەمانی چەند رۆژیك لەبەرواری ١ی ١٢ دا ، تەرمەکەی لەگوندێکی سەر بە قەزای شیلادزێ دۆزرایەوە لەوکاتەشەوە ئاسایشتی دهۆك چەند جارێك لێدوانی گۆڕیوە لەسەر چۆنیەتی کوشتنەکەی.
http://www.youtube.com/watch?v=YmJQSbc1ErI
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
