بۆچی دناڤبەرا زیندانێ و کۆچکرنێدا گوھدار زێباری زیندان ھەلبژارت؟

Tuesday, 11.16.2021, 0:28

252 بینراوە


گوھدار زێباری گەنجەکێ وێرەک و خودان ئیرادەیە،
ئاشقێ کوردستانێیە نەدڤیا چ جارا ژ کوردستانێ دویربکەڤیت و ژێ بڤەقەتیێت ..
ئەز وەکو ھەڤالەکێ گوھدار زێباری د هزرو بیرو بۆچووناندا زور نێزیک هەڤبووین، بەردەوام دگوت: من نەڤێت ئەز چ جارا ژ کوردستانێ دەرکەڤم وەکۆ کۆچبەرەک دوری ئەڤین و دلۆڤنیا باب و بابیریکێن خوە بژیم و وەڵاتی چولبکەم بۆ نەحەزان.
گەلەک جارا دگوت کفنێ من یێل سەر ملێ من ئەز یێ ئامادەمە خۆ قوربانی ڕێکا ئازادیا گەلێ کورد بکەم، دا ژبن ڤێ ستەمکاریێ و نەدادپەروەریێ قورتال ببن.
بلا ب دەستێن نوکەرێن دوژمنی بهێمە تیرۆرکرن.
 ئەرێ کەسەکی ئەڤە بیرو هزرێن وی بن، زیندان دێ بۆ وی چبیت؟ لەوما ئەڤرۆکە گوهدار زێباری وەکی نڤێسەرەکی ئەم دبینین حەتا یێ شیایی ببیتە نڤێسەرێ هەلبەستێ ژی، ئەڤ یەک بخۆ سەرکەفتنە  ژبەرکۆ ماسەرکەفتن چییە گەلەک ژ هەڤالێن نێزیک یێن گوهداری دەمێ نڤێسینێن گوهداری دبینن مەندەهوش دمینن و باوەرناکەن ئاستێ گوهداری دزیندانێ ڤە هندەیێ بلند تر لێهاتی لەوما هەڤالێن مە زیندانێ وەکو قوتابخانەکێ دبینن و ژ زیندانێ فێری ئازادیێ دبن و ب کیراتی ل ڕامانا ئازادیێ د گەرهن.
ئەو داخوازا خوراگریێ ژ مە دکەن و دبێژن ب زیندانکرنا مە سست نەبن و بۆ مە دبنە مامۆستایێن  دەرسا خۆراگری و ئازادیێ، ئەڤەیە خالا هەری مەزنا سەرکەفتنێ.
 دناڤ ئاخفتنێن خوەدا هەردەم دگوت: ئەز نەیێ ئامادەمە گورەپان و مەیدانێ بو چەتە و خوڤروش و نوکەرێن دۆژمنێ  چول کەم..
گوھدار زێباری پێشنیازا هندێ هەبوو کو بێهتە تیرۆرکرن ڤێجا زیندان دێ  بۆ کەکێ گوهداری چبیت؟!
 دگوت مرن ئێک جارە بلا ئەڤ مرنە بۆ ئازادکرنا وەڵاتێ من بیت، بلا مرنەکا شەرەفمەندانە و ب ڕۆمەت بیت دا نڤشێ داهاتی نەڤرەتا ل مە نەبارینیت!
ڕۆژنامەڤانەکێ چاڤ نەترس و وێرەک بۆ کارێ خوەیێ ڕۆژنامەگەری گەلەک ب جوانی و ئازایەتی ئەنجامددا.  
ئەڤە ئێک ژ وان نڤێسینانە ئەوێن پارتی هەزم نەکری و بویە سەدەما زیندانکرنا ماموستایێ ئازاو ئازادیێ.
(دگەل هاتنا عەلی تەتەری بۆ پوستێ پارێزگارێ پارێزگەها دهوکێ و دانانا مروڤێت ئەمنی و پاراستنێ بۆ پوستێن حوکومی، ئازادیا سیاسی و ڕادەربرینێ ل بادینان بەرتەسك و زەختەکێ دژوارتر یێ کەتیە سەر هاوڵاتیێن نەرازی, هەر ئەڤ چەندە یا بوویە سەدەمێ کوچکرنا هزاران گەنجا ل بادینان بۆ ژدەرڤەیی وەڵاتی)
گوھدار زێباری ژی شیان هەبوون ئەو ژی بچیت و ببیتە پەنابەر ل وەلاتەکێ ئازادی و مرۆڤ دوست و بخوە بژیت داخوازا مافێ پەنابەریێ بکەت.
بەلێ وژدان و ڤیانا وی بۆ کوردستانێ ڕێک لێ گرتبوون لەوما ئەڤرۆکە پارتی ب هەمی هێزا خوە بدژی گوهداری تاقی دکەت، دا کۆ دەستا بداهێلیت! بەلێ گوهداری ددوماهیک نامەدا هەناسەیێن  پشتی مرنێ ژی یێن بۆ مە ڕەوانەکری.