خەیاڵ ماناکردن
Monday, 29/08/2022, 17:12
3680 بینراوە
سەفەرکە با خەیاڵی شیعرت
بە ئاقاری گوماندا ڕەت نەبێ
با چناری شیعرم
لە بسکی کیژێک
لە تەپوتۆزی مناڵێک
لە چۆڵەوانی شەقامێک
ون نەبێت
با دڵی من لە سوچێکێ ئەم گەردوونەدا ون نەبێت
با من و تۆ لە سوچێکی شاردا
بۆ ئێوارەیەکی مانا نەگەڕێین
من لە خوانی ماناوە بۆ ژوانی گەردوون
دڵم لێدەدات و
تۆش لە جوانی ماچێک
لە شانۆی شارێک
لە پیاڵەی مەستبوون
تێناگەی
چ تاڵە بێ خەوی
چ وێرانە خۆشخەیاڵی.
کاتێ شەپۆلی شیعرم مانایەک ناهێڵێتەوە
نەوڕەسێک لە سەماکردن
لە وتنی ستران
جوانییەک تەوزیف دەکات
هەتا عیشق هەیە
ڕستە لە میتای زمان ناوەستێ
پەڕەگرافێک پەیڤ
خەیاڵ ماناکردن.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
