دایە

Saturday, 24/11/2012, 12:00

1849 بینراوە

دایەی ئازیزم گیانی شیرینم
ئەستێرەی گەشی ڕووناكی ژینم
لەبیرمە هەردەم ئامێزی گەرمت
بۆنی هەناسەو دوو دەستی نەرمت

دایەی ئازیزم ئەی دڵ پڕمیهر
دەروون پڕلەسۆز هەوێنی شیعر
گەر لە ڕۆژێكا جارێ نەتبینم
نامۆ دەناڵم دەڕژێ ئەسرینم

دایەی ئازیزم ئەی ڕۆشنایی ماڵ
وێنە جوانەكەی نێو بیرو خەیاڵ
ئەی دایە دایە دایكی شیرینم
پێم خۆشە بمرم مەرگت نەبینم




هۆنراوەی ڕۆستەم خامۆش