ئایا جه‌لال تاله‌بانی ماویه یان خه‌زۆیه؟
Monday, 11/05/2009, 12:00
1173 بینراوە
هه‌ندێ جار له پراکتیزه کردندا هه‌ڵه ده‌که‌ین ، له‌سه‌ر ئه‌وه ڕادێین که شته گوتراوه‌کان دووباره ده‌که‌ینه‌وه ، به بێ ئه‌وه‌ی لێحاڵی بوونمان هه‌بێت .. ئه‌م هه‌ڵانه وامان لێده‌کات که پیرۆزی ده‌ده‌ینه چه‌ند که‌سانێك که شایسته‌ی ئه‌وه نین ،ده‌توانین نموونه بێنینه‌وه بۆ ئه‌م شیکاره و هاوکێشه‌که یه‌کسان بکه‌ینه‌وه ، کاتێك له نێوان دوو سه‌نگدا کۆمپایه‌ریان ده‌که‌ین له‌وه تێده‌گه‌ین که چه‌ند بێهۆش بووین، خه‌ڵکانێکی زۆر بگره چه‌ندین له نووسه‌ران ئه‌وه ده‌خه‌نه پاڵ تاله‌بانی که بیرکردنه‌وه‌و ڕه‌فتاره‌کانی ماوین ، من وه‌ك خۆم دژ به‌م مه‌سه‌له‌یه‌م و پێیشم وا نییه ئه‌و ڕه‌وشته سیاسیه‌ی له ماو دا هه‌بووه ، هه‌ر به ڕشتیش له تاله‌بانیدا بیبینمه‌وه (ماوتیس تۆنگ) که بووه فه‌لسه‌فه‌و چووه نێو فه‌رهه‌نگی سیاسی جیهانییه‌وه به (به ماویزم) که‌وته سه‌رزار، ئه‌و پیرۆزی نواند، توانی زۆر پرۆسیس بکات له ژیان و ئه‌کشنی خۆی و خه‌ڵکه‌که‌یدا ، ئێستا ئه‌و میحرابی په‌رستگایه‌و ڕۆژانه سه‌دان و هه‌زاران کڕنۆش ده‌بێته میوانی ڕۆحی، هاوکات بۆته سونبول بۆ چاینیس ، ماو ڕێبه‌رو دامه‌زرێنه‌ری پێشووی چین بوو ، بیرۆکه‌ی ماو له‌گه‌ڵ مارکسیزم و لینینزمدا دوو چینی پێکه‌وه گرێدراوون ، له‌گه‌ڵ نه‌ریته‌کانی چیندا یه‌کده‌گرنه‌وه ،ئه‌و به‌و هه‌نگاوانه توانی گۆڕان درووست بکات له‌سه‌رتاسه‌ری ژیانی خه‌ڵکی چین و بگره بیرۆکه‌و بیر کردنه‌وه‌کانی خۆی هاویشته نێو هزری ده‌یان ووڵات و هه‌موو ڕوشنبیرانی دونیاوه ، لێره‌دا ده‌بێ ئه‌وه به‌بیر خۆمان بێنینه‌وه که تاله‌بانی تاوه‌کو ئیمڕۆ له ئامێزه ئاستی (micro politics ) دا ده‌ژی میکرۆ پۆله‌تیك له‌و جۆرانه‌یه که ئه‌و سیاسیه په‌یوه‌ستداره به خودی ده‌وروبه‌ری خۆی و بێهۆشه له سیاسه‌تی زلهیزانه‌و ناتوانێ خۆی بهاوێژێته نێو ئه‌و گۆمه‌وه ، ده‌توانین بڵین تاله‌بانی له لیڤڵی (macro politics) دایه ئه‌مه‌یان که‌مێك فراوانتره که په‌یوه‌ندیه‌که هه‌یه به‌ڵام تایه‌به‌تن و جێگه‌ی سه‌رنج نادات ، چونکه ئه‌و جۆره ڕه‌وشته زیاتر نزیکه له ئاکاره‌کانی مافیاوه ... ماو هه‌ڵگری یه‌ك ئیدیۆلۆژیا بوو ، به‌ڵام تاله‌بانی ، هه‌ر وه‌کو میکسه‌ر کۆمه‌ڵێ ئیدیۆلۆژیای به‌سه‌ر یه‌کدا تلیسانه‌وه ، له‌م بواره‌دا تابلۆی ئه‌وه ده‌بینین که تاله‌بانی هه‌ر له‌سه‌ره‌تاوه نه‌یتوانی ببێته خاوه‌نی ئیدیۆلۆژیه‌ك ، هه‌روه‌ك چۆن سه‌ره‌ك عه‌شره‌تێك ده‌بێته پشتیوانی کابرایه‌کی گۆبه‌نگ له‌دوا ، ئاوا تاله‌بانیش هه‌زاران که‌سی به‌کوشت دا ، خوێنی خسته ناو زۆربه‌ی خانه‌واده‌کانی کورده‌وه ، به‌رابه‌ر به حیزبه‌کانی تر تاوه‌کو بتوانی وه‌ك سه‌ره‌ك مافیایه‌ك پشتیوانی بکات ، نمونه‌م هه‌یه بۆ ئه‌مه ، هه‌موو ده‌زانین که ساڵی 83 -84 گه‌ڕانه‌وه باوه‌شی سه‌دام که ئاماده به کۆنه هه‌واری به‌کره جۆیان به ته‌نها سه‌دام وه‌ریان گرێت ، خه‌ڵکی کوردستان پێیان وابوو که ئازادیان بۆ وه‌رده‌گرێت ، به‌ڵام هه‌ده‌فی مانه‌وه‌ی تاله‌بانی له‌کوردستان ده‌سنیشانکردنی ئه‌و که‌س و ماڵانه بوو بۆ حکومه‌تی به‌عس و جارێکی تر گه‌ڕانه‌وه‌ی بۆشاخ ، ئه‌وه بوو هه‌موو بینیمان چی کاره‌ساتێك به سه‌ر کوردا هات و ده‌یان و سه‌دان و بگره هه‌زاران گیران و هه‌ڵهاتن و چونه ناو ڕیزه‌کانی یه‌کێتی نیستمانی کوردستانه‌وه ، به‌مه توانی دوو ئامانج به‌ده‌ست بێنێت ، یه‌که‌میان پاره‌یه‌کی باشی له حکومه‌تی عێراقی وه‌رگرت ، دووه‌میان توانی که‌سانێکی زۆر سه‌رگه‌ردان بکات و بیانهێنێته ناو ڕیزه‌وه . ماو گۆڕانی له‌هه‌موو به‌شه‌کانی ژیاندا درووست کرد به‌ڵام تاله‌بانی نه‌ك نه‌یتوانی گۆڕان درووست بکات بگره مێژووی پڕ شانازی کوردی پیس کرد له‌به‌ر ده‌م هه‌موو جیهاندا ، ماو هه‌موو ته‌مه‌نی شۆڕشی شه‌ڕی کرد دژ به‌دوژمنانی به‌ڵام تاله‌بانی هه‌موو ته‌مه‌نی شه‌ڕ بوو له دژ هه‌موو حیزه‌به‌کاندا ، هه‌موو ئه‌م ڕاستیه ده‌زانین ، هه‌ر کات له کوردستان و پێش تریش شه‌ر بووه ، هه‌میشه گوتراوه یه‌کێتی و کێ ... ماو بڕوای به گری به‌ستی سیاسی و سه‌ربازی له‌سه‌ر بنه‌مای شۆڕشگێڕی و باوه‌ڕ هه‌بووه ، به‌ڵام گرێبه‌سته‌کانی تاله‌بانی له‌سه‌ر بنه‌مای به‌رژه‌وه‌ندی تاکه‌که‌سیه ، ئه‌و بنه‌مایه‌ش پاره بووه .. ماو گوندو خه‌ڵکی گونده‌کانی به بنه‌مای شۆڕش و سیاسه‌ت داده‌نا ، به‌ڵام تاله‌بانی وه‌فای نه‌بوو بۆ ئه‌و بنه‌مایه‌ی که تێیدا هه‌ڵکه‌وت و شه‌وو ڕۆژی لێده‌کرده‌وه ، ماو له زۆرینه‌ی گۆڕانه‌کاندا بڕوای به گفتوگۆ هه‌بووه ، به‌ڵام تاله‌بانی بڕوای به تاکتیک و چه‌ك و فیتنه‌و مل شکاندنه ، تاله‌بانی ئاماده‌یه بۆ مانه‌وه‌ی خۆی زۆر شت له‌ده‌ست بدات ، به‌ڵام ماو ئه‌و ڕه‌وشته‌ی به‌به‌رزی هێشته‌وه ، ماو بووه مه‌تریالیزێکی مێژویی ، به‌ڵام تاله‌بانی بووه مه‌تریالێکی بێ مه‌عده‌ن ، باسه‌که زۆر له‌وه زیاتر هه‌لده‌گرێت که به‌چه‌ند لاپه‌ڕه‌یه‌ک ته‌واو ببێت ، به‌ڵام له‌به‌ر کاته کورته‌کانی خوێنه‌ر کۆتایی پێدێنم ، به‌ڵام به‌چه‌ند به‌شێکی تر ئه‌م باسه به‌رده‌وام پێده‌ده‌ین ، هیوادارم توانیبێتم ئه‌وه بگه‌یه‌نم که خوێنه‌ر تێبگات که تاله‌بانی نابێت ئه‌و ووشه‌یه بخرێته پاڵی که پێی ده‌ڵێن ماوی
که‌نه‌دا
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
