هەڵەبجە و ئەنفال بە شێوازێکی تر بەردەوامی هەیە...!؟
Sunday, 16/03/2014, 12:00
2030 بینراوە
کارەساتی جینۆسایدی هەڵەبجە بووە هۆی لەناو بردنی جەستەیی هەزارەها منداڵ و گەنج و ژن و پیاوی ئەو شارە...!
ئەو تاوانە گەورەیە بەدەستی بەعسی فاشی سەدامی ئەنجامدرا، وەلێ تاوانباران بە دەستی شۆڕشگێڕانی شاخ و گەندەڵکارانی شار ئازادکرا..!؟
جینۆسایدی هەڵەبجە جگەلەوەی لە لایەنی مرۆیی و دەروونیەوە کارەساتێکی کەم وێنە بوو لە مێژووی کورد و ناوچەکەدا، بۆیە ناکرێت ئەوتاوانە لە یاد بکرێت!
بەڵام بە داخەوە لە کوردستان ئەوەی بەردەوامە مێتۆدی سیاسی دەسەڵاتی بەعسی ستەمکار لەناو دەسەڵاتی کوردی خۆماڵیدا...!؟
ئەی کەواتە چیمان گۆڕی و بەرهەمی ڕاپەڕین چی بوو...!؟
لە کاتێکدا تاوانبارانی کیمیابارانی هەڵەبجە ئازادکران...!؟
ئازادی و یەکسانی کۆمەڵایەتی لەسەر گۆڕەپانی سیاسی لە کوردستان بۆ هەمووان بە یاسا و دەستوورو بە کرداربوونی نیە..!؟
مافەکانی منداڵان و بوونی یاسایەکی یەکسانیخوازلە نێوان نێر و مێ و بوونی مافی پیروپەکەوتە و کەمئەندامان و زۆر مافی تر بوونیان نیە ...!؟
ئەم هەموو بێمافیانە خەمساردی دەسەڵاتی بنەماڵەیی دەردەخات و بۆتە هۆی فەوتان و لەناوچوونی چەندەها منداڵ و ژن و پیرو گەنج و مرۆڤی کەم ئەنداوم...!
تاوانی کوشتن و تیرۆرکردنی ژنان و کچان و ڕۆژنامەنووسان و نووسەرانی ئازا و بوێر بوونەتە دروستبوونی دۆخێکی مەترسیدار بۆ گشت کۆمەڵگا بە گشتی و ئازادیخوازان بە تایبەت، ئەمەش تاواناش دەتوانرێت وەک بەردەوامی تاوانی هەڵەبجە و ئەنفال ئەژماربکرێت...!؟
ئێستاش پاش 23 ساڵ بە ناوی بە شارکردنی شاری هەڵەبجەوە بە نیازن بە شێوازێکی تر یاری بە هەست و نەستی خەڵکی کوردستان بکەن بۆ شاردنەوەی زۆر تاوان و کەمتەرخەمی کە بەرامبەر بە خەڵكی کوردستان بە گشتی و شاری هەڵەبجە بە تایبەت کردوویانە...!؟
پرسیاری گرنگ ئەوەیە:
چی لە ڕاستی ژیانی خەڵکی هەڵەبجە دەگۆڕێت، لە کاتێکدا دەسەڵات لە کوردستان هەر بنەماڵەییە و شانسی ژیان و کار هەر بۆ خۆیان و کاسەلێسانی بەرقاپی دەسەڵات و ئۆپۆسیۆنە و یاری بە داهاتی کوردستان و نەوتەوە دەکەن، لە کاتێکدا زۆربەی خەڵک دەناڵێنیت بە دەست نەبوونیەوە...!!؟؟
هەروەها کەس نازانێت چارەنووسی سیاسی و ئابوری خەڵکی کوردستان لەژیر سایەی ئەم دەسەڵاتە بناماڵەیی و دوواکەوتووەدا بە کوێ دەگات...؟
لە ماوەی 23 ساڵی تەمەنی دەسەڵاتی بنەماڵەییدا سەلماندیان کە ئەوان نەک دڵسۆزی ئامانج و داخوازییە نەتەوەیی و چینایەتیەکانی خەڵکی کوردستان نین، بەڵکو بوونەتە هۆکاری سەرەکی نەبوونی ئازادی و یەکسانی و بێمافکردنی زۆربەی خەڵکی کوردستان....!؟
تا خەڵكی کوردستان هۆشیار نەبن و بەکردار خۆیان جیانەکەنەوە لە سیاسەتی پارتەکانی دەسەڵات و ئۆپۆزسیۆنی هەلبەرست، ئەوا بەردەوام دەبنە کەرەستەی گەمە سیاسیەکانیان و درێژە دەدەن بە تەمەنی دەسەڵاتی هەردوولایان...!!؟؟
بە داخەوە لەماوەی 23 ساڵی دەسەڵاتیاندا توانیویانە بە پلە و پارە و هەڕەشە هۆش و وویژدانی زۆربەی کارمەندان و یاسا ناس و پزیشک و مامۆستا و هونەرمەندان و نووسەر و ڕۆژنامەنووسانی هەلپەرست سڕبکەن و لە کاری ڕەخنەیی جدیان بخەن...!؟
هەرکەس لە پێناو خواستەکانی خۆیدا ملکەچی دەسەڵات بووە و بڕوبیانووبەهانەی دۆزیووەتەوە تا ڕەخنە و هەڵوێستی نەبێت لە دەسەڵات و لە دژی ئەو بێمافیانە هیچ کاردەنەوەیەک و کارێک نەکات...!؟
کەمن ئەوانەی کە بە ڕاستی و ڕاستگۆیی ڕەخنە لە دەسەڵاتی بنەماڵەیی دەگرن و هەوڵدەدەن بە پێی توانای خۆیان کاری خۆبەخشی بۆ بکەن...!؟
لەبەرئەوە کاریگەری ئەو کەس و هێزانە کەمن وەک هێزێکی سەربەخۆی تۆکمە لە پێناو بەرگری لە ئازادی و یەکسانی و دروستبوونی دەسەڵاتێکی شارستانی مۆدێرندا لە کوردستان، کە خەوی زۆربەی خەڵکی کوردستانە...!؟
کاری گەوەرە قوربانی گەورەی دەوێت...! قوربانی گەورەش بە هەموو کەس نادرێت...! لەبەرئەوەی زۆربەمان خۆپەرستین...!؟
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
