عەمید ئاسۆى شێخ تەها بۆتە ملازم موحسنى بەدناوى ئیستاى سلێمانى
Sunday, 27/02/2011, 12:00
1033 بینراوە
شۆڕشى گۆڕەپانى ئازادى خەڵكى چاونەترس و راپەڕیوى سلێمانى و دەوربەرى بووە هێمایەك بۆ جەربەزەیى و بوێرى میللەتى ستەمدیدەى دەسەڵاتى تاوانبارى تاڵەبانى و بارزانى ، ئەوەشى خاوەن رەوشت و ویژدان بێت ئەبێت بچێتە سەنگەرى ئەم میللەتە راپەڕیوەوە ، تەنانەت بێدەنگى و بێلایەنیش لەم بارودۆخە هەستیارەدا تاوانە بەرامبەر بەخەڵكى چجـــــاخواى ئەوەى كەسێك دژى ئەو لاوە بێ چەكە بوەستێت و ترسنۆكانە بەرەوشتى بەعس گوللە بارانیان بكات .
ئەوەى ئەلف و بێى شیكردنەوەى پێشهات و رووداوەكانى گۆڕەپانى سیاسى ئەمڕۆى كوردستان بزانێت سوور ئەزانێت ئەم دەسەڵاتە رووە و هەرەسى حەتمیە ، رۆژگارى دادگایكردنى تاوانبار و چڵكاوخۆرەكانى دەسەڵاتیش راستیەكە گومان لەخۆ ناگرێت ، ئەوانەشى وێنەى عەمید ئاسۆى بەرێوبەرى پۆلیسى كارەبا خۆیان سووك و رسوا ئەكەن بۆ پۆستێكى بەرزتر و پاداشت و ئوتومبیلێك ئەبێ دڵنیابن لەوەى پیاراناگەن و ئەكەونە بەر هێزى تۆڵە و توڕەیى میللەتى راپەڕیو و وەك عقید خەڵەف و ملازم عەلاى ئەمنى سلێمانى سەریان پاندەكرێتەوە .
عەمید ئاسۆى بەرێوبەرى كارەباى سلێمانى وەك لەگرتە ڤیدۆییەكەى كوردستانپۆستدا هاتووە بەئاشكرا و بێ هیچ ئەگەر و گومانێك بەدەمانچەكەى تەقە لەخەڵكى سیڤیل و بێ چەك دەكات لەنزیك خەستەخانەى ئەهلى سلێمانى ، ئەمەش بەهەموو پێوەر و لێكدانەوەیەك پڕاوپڕ دەچێتە خانەى كوشتنى ئەنقەستەوە بەپێى مادەى [406] ى یاساى سزادان كە سزاكەى مردنە ، ئەشێ لیژنە كارتۆنیەكانى دكتۆر بەرهەم كوێراییان داهاتبێ و ئەم تاوانە روون و ئاشكرایە نەبینن و عەمید ئاسۆى جەللاد سزانەدەن ؟؟!! .
عەمید ئاسۆ بەرێوبەرى پۆلیسى كارەبایە ئایا كەى ئەوە كار و پیشەى ئەوە مامەڵە لەگەڵ خۆنیشاندەران بكات ئەگەر گەندەڵى و تاوانبارى و بێسەروبەرەیى نەبێت ، عەمید ئاسۆى ترسنۆك بەهەق رۆڵى ملازم موحسنى جارانى سلێمانى دەبینێت و بەم قەتل و عامكردنەى بۆ خەڵكى بێتاوانى سلێمانى ئەیەوێ پارویەكى چەور بچێ بەقوڕگیا ، هەموو ئەفسەرەكان شاهیدى دەست و داوێنپیسى ئەم عەمید ئاسۆیەن كە زۆر بەوە دەنازێ كە خزمى مامۆستا جەلالە و چەندین ساڵە بەمەحسوبیەت لەو پۆستەیدا ماوە .
ئەگەر ملازم موحسن یان عەفو [عەمید ئاسۆ] یەك زەڕە شەرەف و كەرامەت و ئابرووى مەردایەتى و پیاوەتى هەیە بابێتە سەر مینبەرى كوردستانپۆست و بڵێ بەڵێ من ئەو كارەم كرد و ناترسم و پەشیمان نیم ، خۆ وێنەكان زەڕەیەك تۆزى گومان ناگرنە خۆى ، بەڵام ئێمە دڵنیاین كە كاسەلێسى وێنەى عەمید ئاسۆ زۆر زۆر زۆر لەوە بچوكتر و ترسنۆكتر و كۆیلەترە كەبوێرێ رووبەروو لەگەڵ میللەتى خۆى بدوێ ، ئەو فێرە هین فرسەتانە هەلى بێ چەكى چەند لاوێكى راپەڕیو بقۆزێتەوە و ملازم موحسن ئاسا تەقەیان لێبكات و خوێنیان بڕێژێ و دایكیان جەرگ سووتاو بكات و پرسە بخاتە ماڵەكانیانەوە ، بەڵام ئەمجارەش عەمید ئاسۆى ترسنۆك و جەللاد ئاگاداردەكەینەوە كە ئەو هاوشێوەكانى رۆژى حسابیان نزیكە و دەربازبوونیان بێ سزا مەحاڵە ..
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست