مارشێك بۆ لیستى حەچە كەرەكە

من لیستى حەچە كەرەكەم
بە پێچەوانە ڕێ ئەكەم
لەگەڵ گورگا گۆشت ئەخۆم و
لەگەڵ مەڕیشا شین ئەكەم

لیستى ژمارە پەنجا و چوارم
خەونى دزى لادێ و شارم
تا من هەبم گەل پیادەیە
خۆشم سەردار و شاسوارم

لیستى پاراستن و زانیاریم
دوژمنى گشت كوردەواریم
جاشایەتى ڕێبازمە و
بۆتە پێناسەى بێ باریم


من لیستى باوكى مەسرورم
لیستى جاشى بێ سنورم
ڕێوى لەڕى ناو كۆڵان و
نەڕەشێرى كونى ژوورم