کورد و موعمه‌ر قه‌زافی
Tuesday, 23/08/2011, 12:00
1284 بینراوە
ئمەی كورد،ھیچ گوومانی تێدانیە كەوا شۆرشگێڕ و ئازادی خوازین ، زۆر كەمن ئەوانەی تا ئێستا لە تەنگانە و فەراحەت دا ھاوسۆزیەكی بۆ كورد ھەبووبێ ، جا ئەم ھاو سۆزیە بە مەبەست بوو بێ یان بێ مەبەست ، یەكێك لە كەسانە كە جار و بار لێرەو لەوێ ھەڵۆێستی ھەبووبێ لە ئاست كێشەی كورد ، (سەرۆكی لیبیای لابردراو معەمەر قەزافیە) ، زۆر جار لایەنەكانی دووژمنی كوردی دەم كوت كردوە و زۆر جارانیش توشی ڕەخنەو دابڕان بۆتەوە لەسەر ھەڵۆێستەكانی ، ھەرچەندە من خۆم باوەڕم بەم جۆرە كەسایەتیانە نیە بۆ نمونە ، سەدام حسێن ، لە كاتێك دا وەك گورگ بەربوو بۆ گیانی گەلەكەی خۆی ، لە ھەمان كاتدا باوك ئاسا دەستی بەسەری ھەندێ نەتەوەی ئەفریقی دا دەھێنا و دەی لاواندنەوە ، مادی و مەعنەوی یارمەتی دەدان، ئێستا كورد ڕووبەڕووی بارێكی نا ئاسای بۆتەوە ، بەھۆی شۆڕشی لیبیا و گەردەلولی ئازادی خوازان لەم وڵاتەدا ، ھەڵۆێستی تاكی كورد ئەبێ چۆن بێ بەرامبەر بەئازاد بوونی لیبیا و سەركەوتنی خەڵكە شۆرش گێڕەكەی و ئازادی خوازەكەی ، من شۆڕش و چرای ئازادی و تازە گەری لە ھەركۆێەك بێ ئەوە بێ دوو دڵی من لەوێم ، بەڵام !!! كاتێك بیر لە نەتەوە ستەم دیدەكەم دەكەمەوە، خۆپەرستیەك لە گیانمدا درووست دەبێت ، لەم خۆپەرستیەدا پرسیار دێتە ئاراوە ، دەپرسم چەندین لە میللەتانی جیھان ئازادن و چەندیان ئازادی خوازن؟ بەڵام چیان بۆ ئەم گەلە خێر لە خۆ نەدیتوەی من پێیە ؟ چی بۆمن دەخوازن؟ ئایا گەلی لیبیا دوای ئازاد بوونی ھەڵۆێستی بەرامبەر بە كێشیە ڕەواكەی كورد چۆن دەبێ؟ ئایا ئەوانیش ناكەونە دوای لێدانی تەپڵی عروبە و كوردش لەچاوی ئەواندا ھەروەك عەرەبە براكانیان بەچاوی كافر كە یەك دەرجەش لە جولەكە لە خوارترەو خۆێنی لە جولەكە و گاور حەڵاڵترە سەیر ناكرێ؟ ئەمە پرسیارە، تەنھا وەڵامێك لە گەڵ ھەڵۆێستەشم بۆ بیرۆكەكانی ئازادی و تازەخوازیەكاندا بەڵام بەرژەوەندی نەتەوەیم پێم دەڵێت كەسێك بۆ كورد زۆرە ، ھەربۆیەش خۆم وەڵامی خۆم دایەوە بەم پەندە كە دەڵێ " بە حوشتریان گووت كوڕێكت بوو ، ئەویش بەنائومێدیەوە وەڵامی داوە گووتی ئەو بارەی لەمنە ھەر لەمنە كوڕ بەمن چی" بۆیە با چاوەڕێ بكەین و بزانین ئاخۆ شۆڕش گیرەكانی لیبیا ناوی كورد پیرۆز دەكەن ، بۆئەوەی پیرۆزبایان لێبكەین ، نابێ ئەوەشمان لە بیر چیتەوە مەعمەر قەزافی تێكەدەرێكی زۆر بەتوانای ڕیزەكانی كۆمەڵەی بەناو عەرەبی بوو كە ھەردەم دژی داواكانی گەلی كورد وەستاونەتەوە.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
