گوند و بێ وەفایی سەركردەكان

Saturday, 11/01/2014, 12:00

1588 بینراوە

لەكارگەى بێ وەفایی، وەفا بەرهەم نایە

ئێوەن ناحەزى ڕابردووى خۆتان

هەرچیەك بكەن،

هیچتان لەدەستان نایە

* * *

لەخەباتى شۆڕشی نەپساوە

لادێتان كردە قەڵای سەرچاوە

ئەوەى هاتە سەر دەمتان

بوو بە دروشمى ژیانتان

چیتان بەخشی، چیتان لەدەستدا

بەشان و باڵی ئەوانتان هەڵدا

* * *

ملوانكەى نەمری و شانازیتان

گفت و لفتى سەر زارتان

بۆ ئەو دەمە: ئێوەن لانكى شۆڕش،

خۆتان نەفرۆشت، خۆتان نەدا بەقرۆش

كەچی ئێستا ئەوە ئێمەین

ئەو لانكە بۆ خۆمان دەبەین

كەسێكمان دەوێ، بەدەم و دووبێ

بێ شەرم و شۆ، بێ چاو و ڕووبێ

لەپێش چاومان ماستاوچی بێ

چەند پیاو كوژو پیاو خراپ بێ

خۆشەویستە

خۆنەویستە

سپی بكاتە ڕەش ، هەق بەناهەق ببینێ

كە سەری هەڵبڕی، تەنها ئێمە ببینێ

دانەمێنێ بۆ پلە و پایە،

ئەوەى لەبەر دەست دایە،

بۆ پارە و پوول بخرۆشێ

شەڕەفی خۆی بۆ بفرۆشێ

* * *