دیدارەك لگەل عادل بەگێ بەرواری پەرلەمناتارێ پارتی لبەغدا

Saturday, 05/06/2010, 12:00

1817 بینراوە

ڕوژناما ئەڤرو ئەوا دەردكەڤیت لپارێزگەها دهوكێ دیدارەكێ لگە عادل بەگێ بەرواری پەرلەمانتارێ لیستا پارتی لبەغدا دكەت ژبەر كار و چالاكیێت وی لبەغدا بو ئەندام و هەڤال و لایەنگرێت پارتی.
ڕوژناما ئەڤرو/ دێ شێی خو بو خویندەڤانا دەیە نیاسین كا عادل بەگ كیە
عادل بەگ/ ئەز عادل بەگ بەرواری مە و نەڤیێ حەجی ڕەشید بەگێ و تەتەرخان بەگێ مە.
ڕوژناما ئەڤرو/ تو كەنگی هاتیە سەر دنیایێ
عادل بەگ/ ئەز بدرستاهی نزانم بەلێ دگوتە من تو یێ وێ سالێی دەمێ باران لمشتاخێت مێویژا هاتی.
ڕوژناما ئەڤرو/ تە چ خواندیە
عادل بەگ/ ئەز نزانم بخوینم و بنڤێسم، بەلێ وەختێ ئەز لبەر ئاشێ ئەدنێ لناڤ بەرواریا من خو فێری ئەلیف بێتكا دكر.
ڕوژناما ئەڤرو/ دێ شێی كارو خەباتا خو بو مە دیار كەی
عاد بەگ/ ئەز دسالێت هەشتیێ دا موستەشارێ فەوجێت خەفیف بوم و من چوار جارا پشكداری یا كری دئەنفالادا و یا ژمن هاتی من یاكری وەكی كوشتن و تالان كرن و یا سەددامی ئەمر دكر من هەمی دكرن ڤێجا گەلەك كەیفا سەددامی بمن دهات و دەستێ خو لناڤ ملێت من ددا و دگوتە من عەفیە و دەستەكێ بەرگویزێت خیچێت ڕەش و سپی یان حێشی حێشی دابونە من و سەددامی دگوتە من گەلەك ژتە دهێن، بەلێ ئەڤێت دگوتنێ نیشتیمان پەروەرێت كورد دگوتە من تو بوان بەرگویزا وەكی گیاندارێت ئەفریقیا لێ دهێی ئانكو كەرێت كویڤی.
ڕوژناما ئەڤرو/ كارێ تە نوكە چی یە
عادل بەگ/ ئەز پەرلەمانتارێ لیستا پارتیامە لبەغدا و ئەز گەلەك یێ ببزاڤم.
ڕوژناما ئەڤرو/ بزاڤا چ
عادل بەگ/ لدەمێ كومبونێت پەرلەمانی من هەر ئنیەت دكر كو هندەك داخازا بكەم وەكی ئەڤ هەسپێت لگەلیێ دهوكێ داناین سەر وان حەلانا لوی ژوردانی ئەز دترسم دوان رزدا دابهێن و بشكێن بلا هندەكێت دی لێ زێدەكەن و ئەڤ هەسپێت لدەورا گرێ پاسێ وان ژی ڕەنگ كەن و هەسپەكێ تیت لێ زێدەكەن و لگەل گایەكێ باز.
ڕوژناما ئەڤرو/ بڕەنگی تو گەلەك حەز ژ گیاندارا دكەی
عادل بەگ/ بەلێ گەلەك جارا من دەستێ خو بلند دكر لكومبونێت پەرلەمانی و من دگوت ئەز حەز دكەم هەشت جەلەبێت بزنێت كڕ و كەمەر و كوچ و كال بو مە ژتوركا بینن بەلێ ئەڤ پەرلەمانتارێت عەرەب بمن دبشكورین و داخازا من ژدل نەوەردگرت.
ڕوژناما ئەڤرو/ هەوە بو ماددێ سەد و چلێ چ كر
عادل بەگ/ بخودێ هەگەر ئەز بزانم كا ماددێ سەد و چلێ چی یە، بەلێ وەختێ ئەم پەرلەمانتارێت كورد دماینە بتنێ و كەسێ عەرەب لوێرێ نەبا جار جار دكتور مەحمود عوسمان دا دەڤێ خو بەتە بەر گوهێ فوئاد مەعسومی و پس پسەك دكر و بەحسێ سەدو چلەكێ دكر و ئەز هەر تێنەدگەهشتم و من خو بسەرڤە های نەدا.
ڕوژناما ئەڤرو/ داخازا تە یا دوماهیێ چی یە
عادل بەگ/ ئەز لڤێرێ لكوردستانێ داخازێ ژ پارتی دكەم ناڤێت خەلوی و جەلوی ئەڤێت فلما چێدكەن، ناڤێت وان درست بێژن و بێژنێ خەلیل و جەلیل، ئەڤ فلمێت دكادینكاڤە و لبەر تراشا و لچول و بەڕانیا وانژی بلا بیننە دنیوانیاڤە.
ڕوژناما ئەڤرو/ خودێ تە بعاقل بێخیت بەگێ پەرلەمانتار
عادل بەگ/ یا ڕەببی ئامین، من و هەوە هەمیا پێكڤە.