"هێمنانە"
Monday, 22/07/2013, 12:00
1857 بینراوە
هەزار
هەزار جار رۆژانە
خۆم ون دەکەم
چرکە ساتیش وێنەی دێو جامە
بە بەر چاومدا دێن ودەڕۆن
مانگ وساڵ دەبنە خڕنٶکی بیابان
سەرگەردان و سەر لێ شێواو
بە بەژنی تەمەنم دا
هەڵدەگەڕێن وسوڕ دەخۆن
لە جیهانی سەر دەم وگەردونی دیکەم
هێمنانە هاوارت بۆ دەبەم
باوان وخێزانی ئێستەم
کاتێک کە ناوت دەبێتە پەڕاوی هیوا
بە ناوی تۆیە تۆ،بۆ تۆیە ،بۆ تۆ
دەبنە قوربان
خۆشاوی خۆشەویستیم
وڵاتی دزراو
کوردوستانەکەم .
جەعفەر / کەریمی
بوڵغارستان / سۆفیا/ ٢٢/٧/٢٠١٣
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
