دیموكراسیه‌كه‌ی پارتی و یه‌كێتی وه‌ك پاره‌ی زوڕنا وایه !!!
Friday, 05/08/2011, 12:00
1950 بینراوە
هه‌ندێك جار كه‌باسی دیموكراسی ده‌كه‌ن له‌كوردستان من زه‌رده‌خه‌نه‌یه‌ك ئه‌مگرێت نازانم له‌په‌رۆشیانمه یان ئه‌م باسه هه‌رقابیلی گاڵته‌یه ، پێش دروست بوونی بزووتنه‌وه‌ی گۆڕان یه‌كێتی و پارتی ئازادی و دیموكراسییان به‌م خه‌ڵكه هه‌ژاره‌ی كوردستان ده‌فرۆشت پێیان وابوو كه دیموكراسیزمه‌كان ئه‌وانن به‌لام دووای 25ی 7 ئه‌م دیموكراسییه‌ی ئه‌م دووحیزبه باسیان ده‌كرد به‌رگه‌ی یه‌ك خوله‌كی نه‌گرت ئه‌مه‌ش بۆ هه‌مووان ڕوونه ئه‌م دوو حیزبه كه‌دایكی ئازادی و دیموكراسی بوون كۆرپه‌كانی ئازادی و دیموكراسییان زینده‌به‌چاڵ كرد له یه‌كه‌م هه‌نگاویشیان ده‌ركه‌وت كه ئه‌مانه به‌رگه‌ی شه‌ماڵی ڕاگواستنی ده‌سه‌لات ناگرن ، هه‌روه‌ك كه‌وتنه نان بڕین و گرتن و ئازاردانی ته‌نانه‌ت تیرۆركردنی كه‌سایه‌تی كورد هه‌رله‌به‌رئه‌وه‌ی كه ڕای ئه‌وان له‌ڕای ئه‌وان جیاوازبوو كه‌سیك كه‌شاره‌زای ئه‌م دوو حیزبه‌و حكومه‌ته بێ خه‌مه‌كه‌یان نه‌بێت وا ئه‌زانن ئه‌وان داهێنه‌ری دیموكراسی و ئازادین یان ئه‌مریكا له‌وانه‌وه دیموكراسی و ئازادی وه‌رگرتووه .
سه‌یر له‌وه‌دایه هه‌ركه ده‌میان ده‌كه‌نه‌وه باسی دیموكراسی و مافی مرۆڤ ده‌كه‌ن به‌لام له‌خۆپێشاندانێكی 500 كه‌سی دا میلی چه‌كه‌كانیان سواره و پاشگه‌زبوونه‌وه كه‌وتنه خوێن ڕشتنی لاوانی كورد مافی ته‌واوی ئازادی و دیموكراسییان به بیكه‌یسی لێسه‌ندنه‌وه ، دیموكرات خواز و نیشتیمان خوازه‌كان ئازادی و دیموكراسییان بیر چۆوه به لایانه‌وه وه‌ك هه‌رنه‌بێت وابوو ئه‌مه‌ش له‌هه‌ڵبژاردنی 25ی7دا كه كاندیدی سه‌رۆكی حكومه‌ت دروشمهی كردار شه‌رته‌ی هه‌وڵگرتبوو و ئه‌م كرداره‌ی له‌خوێن ڕشتن و سوتاندن و ئازاردانی هاونیشتیمانیان و قه‌ڵه‌م به‌ده‌ستانی ئه‌م هه‌رێمه ڕه‌نگی دایه‌وه و له‌سه‌ر سنگی گه‌نجانی كورد شه‌رتی كرداره‌كه‌ی كرد .
سه‌یر له‌وه دایه له‌هه‌رولاتێك شتێكمی نه‌خوازراو ڕووبدات ئه‌و كه‌سانه‌ی كه‌به‌رپرسن ده‌ست له‌كارده‌كێشنه‌وه به‌لام لای ئێمه تازه به‌تازه كورسییه‌كه‌یان له‌لا خۆشیهه‌ویستترده‌بێت و چاكسازی ده‌كه‌ن بۆیه به‌بۆچوونی من ئه‌م دیموكراسییه‌ی ئه‌وان باسی ده‌كه‌ن وه‌ك پاره‌ی زووڕنا وایه و ئه‌وان ئه‌وكاته دیموكراسی خوازن كه‌كه‌س نه‌ڵێنت له‌پشتی چاوتان دووبرۆی كه‌وانی هه‌یه به‌لام له‌لای ئێمه زۆر ڕوونه كه به‌م دووكه‌وانه‌ی چاویان ئاماده‌ن درێژه به‌حوكمهی ئه‌رستۆكراسییان بده‌ن.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
