نوێکراوه‌ته‌وه‌: نەوشیروان مستەفا گورزی خوی لە مەسعودو جەلال وەشاند

Sunday, 02/09/2012, 12:00

2002 بینراوە

 سه‌رنجی کوردستانپۆست له‌سه‌ر ئه‌م وتاره‌:
ئێمه‌ وه‌کو بروامان به‌ دانگی ئازاد و به‌ راو بۆچوونی سه‌ربه‌خۆ هه‌یه‌، هه‌ر له‌و بڕوابوونه‌وه‌مانه‌وه‌ ئه‌م نووسینه‌مان بڵاوکردۆته‌وه‌ ئیستاش له‌به‌ر ئه‌وه‌ی چه‌ند سه‌رنج و نامه‌مان له‌ چه‌ند خوێنه‌رێکه‌وه‌ بۆ هاتووه‌، بۆیه‌ لێره‌وه‌ رایده‌گه‌یه‌نین، که‌ ئێمه‌ وه‌کو کوردستانپۆست له‌گه‌ڵ ناوه‌رۆکی ئه‌م نووسینه‌ و بیروبۆچوونه‌کانی کاکی نووسه‌ردا نیین، ئه‌گه‌ر نه‌وشیروان مسته‌فا لای ئه‌م به‌ڕێزه‌ فریادره‌سه‌، لای ئیمه‌ ره‌نگه‌ پێچه‌وانه‌که‌شی بێت، چونکه‌ بزووتنه‌وه‌ی گۆڕان په‌یامێکی نه‌ته‌وه‌یی و گۆڕانێکی بنه‌ره‌تی بۆ گۆڕانکارییه‌کانی نێو کۆمه‌ڵگا و سیاسیی و سه‌ربازیی له‌ باشووری کوردستاندا پێ نییه‌، ئه‌وه‌ی تا ئیستا ئه‌نجامی داوه‌، ته‌نها چالاکیی بووه‌ له‌ بواری گفتوگۆ و دانیشتن له‌گه‌ڵ به‌رپرس و ده‌سه‌ڵاتداراندا، هه‌روه‌ها پرته‌ وبۆڵه‌ی نیو په‌رله‌مان که‌ هیچی لێ به‌ئه‌نجام نه‌هاتووه‌، جگه‌ له‌وه‌ ئازادیی له‌لای ئه‌م بزووتنه‌وه‌یه‌ و خنکاندنی بیروبۆچوون و دانانی که‌سانی ناشایسته‌ بۆ کاری سیاسیی و راگه‌یاندن ئه‌مانه‌ش ئه‌وه‌ ده‌سه‌لمێنێت، که‌  هه‌نگاوه‌کانی ئه‌م بزووتنه‌وه‌ و بیرۆکه‌ی کارکردنیان ده‌رچووی ئه‌و  قوتابخانه‌یه‌یه‌، که‌ پارتیی و یه‌کێتیی تێیدا په‌روه‌رده‌ بوون، وه‌ک نمونه‌ پێمان خۆش بوو کاکی نووسه‌ر هه‌مان نووسینی بناردایه‌ بۆ سایتی سبه‌ی، تا بیزانیبایه‌، تا چه‌ند بۆیان بڵاوده‌کرده‌وه‌، هه‌رچه‌نده‌ ئه‌م نووسینه‌ له‌ به‌رژه‌وه‌ندی و به‌ دڵی سه‌رانی بزووتنه‌وه‌ی گۆڕانه‌، لێ ئاماده‌نیین جگه‌ له‌ که‌سانی ده‌ستنیشانکراوی خۆیان ئه‌مانه‌ له‌ لای خۆیان جێگابکه‌نه‌وه‌، هه‌روه‌ها چاک بوو، ئه‌وه‌شی له‌ خۆی بپرسیبایه‌، که‌ بۆچی ناوی کوردستانپۆست له‌لای بزووتنه‌وه‌ی گۆران و راگه‌یاندنه‌کانی سانسۆرکراوه‌، له‌ کاتێکدا ده‌بینین، زۆربه‌ی کۆمێنتار و قسه‌ی هاوڵاتییان هه‌ر ئه‌و زمانه‌یه‌ که‌ کوردستانپۆست پێی ده‌نووسێت، ئه‌وانه‌ی چاوپێکه‌وتنیان له‌گه‌ڵدا ده‌کرێت، ئه‌وانه‌ی به‌ ته‌له‌فون په‌یوه‌ندیی ده‌که‌ن و رای خۆیان ده‌ڵێن، هه‌روه‌ها ئه‌وانه‌ی له‌ میدیا ئه‌هلییه‌کاندا به‌و جورئه‌ته‌وه‌ ئه‌مڕۆ ده‌نووسرێ، هه‌مووی به‌رماوه‌ی ئه‌و ئه‌ده‌بیانته‌یه‌ که‌ کوردستانپۆست زیاتر له‌ 10 ساڵه‌ دژی گه‌نده‌ڵیی و فه‌سادیی و خیانه‌تی سه‌رانی کورد خه‌ریکێتیی و خه‌ڵکی به‌و شیوه‌یه‌ په‌روه‌رده‌ کردووه‌ که‌ له‌به‌رامبه‌ر ده‌سه‌ڵاتدا نه‌ترسانه‌ بپه‌یڤن و جورئه‌تی پێداون به‌ره‌و روو ببنه‌وه‌.
ئه‌م سه‌رنجه‌ی کوردستانپۆست به‌ پێویستمانزانی لێره‌دا بینووسینه‌وه‌، تا خوێنه‌ره‌کان ئێمه‌ باشتر بناسن.


بێڕەوشتی و هەڵپەرستی، خیانەت و نیشتمانفرۆشی، چوار تایبەتمەندی، بنەمایی و لێکدانەبڕاوی، کۆڵەگەی ئەقڵ و بیرکردنەوەی سیاسی، مەلاییەکان و جەلالیەکانە، شێوەی سەرۆک و حزبە دیکتاتۆرە هاوڕەگەزەکانیان ئاسا.
زەمینەو پێگەی دیکتاتۆرەکان و، هێزیان لە کۆمەڵگادا،هەمیشە ئەو کەسە هەڵپەرست و خۆفرۆشانەن، لە بەناو ڕۆشنبیرو خاوەن فکرو، نووسەرو ڕۆژنامە نووسەکان. ئەو جۆرە کەسانە، بێڕەوشتی تاکە پڕێنسیبی تاقانەی ژیانیانە و، لە هەموو کات و شوێنێکیشدا، لە سایەی هەرچی دەستەڵاتدا هەیە، تاکە خەمیان، تەنها پارەو گەدە پڕکردنەوەیە، جا بە هەر مەرج و نرخێک بێت. لە مانەش، هەڵپەرستر، خۆفرۆشتر، گەدە برسیترو بێڕەوشتر، حزبە بچووکە مشەخۆرەکانە، کە هیچ پێگەو، خانەیەکی کۆمەڵایەتی و سیاسیان، نیە لە کۆمەڵگادا، بێجگە لە بوونیان، وەک پارسەنگێکی، نێگەتیڤی خۆجێگیرکەر، لە تەرازوی هێزی دەستەڵاتی دیکتاتۆر، دژ بەتەواوی کۆمەڵگاو ئازادیەکانی.
کامۆ دەڵێت:"پیاوی بێڕەوشت دڕندەیەکە بەردرواوەتە سەر ئەم دونیایە" مەلایی و جەلالیش، کۆپیکراوی جیناتی داگیرکەرانی کوردستانن، لە توخمی خیانەت و نیشتمانفرۆشی و، لەناو منداڵدانی بێڕەوشتی، دەزگا جاسوسیەکانی داگیرکەران و دوژمنانی کوردستاندا، خوڵقاون و لەدایکبوون، وەک داگیرکەر. هەر لە سەرەتاشیانەوە، بە شیری کورد کوژی و بێڕەوشتی فرچکدروان و، پەروەردەیانکردوون، دڕندە ئاساش، بەریانداونەتە گەلی کوردو کوردستانەکەی. هیچ کاتێک کۆمەڵگای کوردی، وەکوو ئەمڕۆی ژێر دەستەڵاتی مەلایی و جەلالی، نزمی و بێڕەووشتی، بەو شێوەیە، تیادا بەربڵاو نەبووە، بە جۆرێک داتەپینی ڕەوشتی، گەیشتۆتە بنمیچەکەی، لە هەڵتەکاندنی شیرازەی پەیوەندیە ڕۆحی و، کۆمەڵاتیەکانی ناو خێزان و کۆمەڵگاو، نەمانی متمانە، هەروەها هەڵتەکاندن و تێکدانی، شیرازەی تاک بە تاکی، کۆمەڵگاو خاڵیکردنی، لە هەر هەموو پڕنسیبێکی، مرۆڤ بوون و، بەهاکانی مرۆڤایەتی و، نەتەوەیی و نیشتمانی. لەوەش ترسناکتر، سڕینەوەی وابەستە بوون و پابەندی، کۆمەڵگاو تاکی کوردە، بە نەتەوەو کوردستانەکەی. ئەوەی کە زیاتریش، دۆخی ئەو لێکترازانە و، درزە کۆمەڵایەتی و، فکری و، سیاسیەی، ناو کۆمەڵگا کوردی، قوڵترو گەورەتریدەکات، ڕۆشنبیرو نووسەرو ڕۆژنامە نووسە خۆفرۆشەکانن، لە لایەک، هەروەها، تەواوی حزبە سیاسیە بچووکە ، بێ خانەکانی ناو کۆمەڵگای کوردی، بە چەند حزبێکی ئۆپۆزسیۆنیشەوە، لە لایەکەی تریەوە. ئەوانەش لە خیانەت و نیشتمانفرۆشی و بێڕەوشتیدا، بەقەد سەری یەک تاڵە موو، لە دواوەی مەلایی و جەلالیەوە نین. بگرە زیاتریشن، چونکە ئێستاکە، تەنها ئەو بەناو ڕۆشنبیرو حزبانەن، تاکە هێزی دڵسۆزی ئەوانن.
لێدوانەکانی نەوشێروان مستەفا، لەسەر هەر دوو ئاستی جەماوەری و حزبی، کاردانەوەی قوڵ و، ڕەگهەڵتەکێنی لێکەوتەوە. کاردانەوە کۆمەڵایەتیەکان و سیاسیەکانی ناو جەماوەر، بەشێوەیەک کاریگەربوون، کەوا ڕۆژ بە ڕۆژ فراوانترو گەورەتر دەبێت. ئەوەش نیشانەو بەڵگەیەکی ڕەهان، لە بە بنمیچ گەیشتنی، توڕەبوون و بێزاری خڵکانی کوردستان، لە لایەک، وە پێگەیشتن و ئامادە بوونیان، بۆ ڕاپەڕینی سەرتاسەری و شۆڕشی ڕاماڵینی مەلایی و جەلالی، لە لایەکەی تریەوە. لەسەر ئاستی حزبیش، بە هەمانشێوە، لیدوانەکانی نەوشێروان، تەواوی ململانێ و کێشە ناوەخۆییە چارەسەرنەکراوەکانی، ناو حزبەکانی تەقاندەوە، ئەو کێشانەی کە بەردەوام سڕدەکرێن، لە لایەن سەرکردایەتی ئەو حزبانەوە، لە ترسی ئاشکرابوونی، گەندەڵی و دزی و تاڵانی و ناشەرعیەتەکانیان، بە تایبەتیش لەناو پارتی و یەکیەتیدا، بە جۆرێک، ئەو قسانەی نەوشێروان، کاردانەوەی بووە، یەکیەتی و پارتی هەرچیدەکەن و هەوڵدەدەن، ناتوانن بەڵانسی شکاوی سیاسی و جەماوەریان، چ لە ناوەوەی خۆیان و،چ لەناو جەماوەریشدا، لە بەرەو لێژبوونەوە ڕابگرن. ئەوەتا هەر لەگەڕاندنەوەی ڕەشنووسی دەستوور بۆ پەرلەمان، تا دەگاتە جنێوەکانی مەسعودی جاسووس و، داواکاری هەڵوەشاوەنەوەی ئیتیفاقی ستراتیژی و، دواجار هەڵوەشانەوەی مەکتەبی سیاسی یەکیەتی، ئەمانە هەمووی بەدەردیان ناخوات. شتی زۆر سەیرو چاوەڕواننەکراو تریشیان بەدوا دادێت. قسەکانی نەوشیروان، سەلماندیشی لەوەی کە بزوتنەوەی گۆران، تاکە هێزی سیاسی و کۆمەڵاتی و جەماوەری و ئۆپۆزسیۆنە، لە کوردستاندا، هەروەها تاکە هێزی شەقامی کوردیشەو، هیچ هیزێکیش نیە بتوانێت، ڕکابەرایەتی بکات، لە ناو شەقامی کوردیدا. بۆیە، بۆ نەوشێروان مستەفا، لەمەو دوا، ئیتر بێدەنگ بوون تەواو، وە دەبێت چەکوشەکەی دەستی گەورەتر بکات، بۆ کوتینی ئەم ئاسنە سوورەوە بووە . بزوتنەوەی گۆڕان دەبێت، ئێستا هەنگاو بنێت، بۆ گرتنە دەستی دەستەڵات و، دامەزراندنی دەستەڵاتی گەل، هەروەها خۆ ئامادەکردن بکات، بۆ سەرکردایەتیکردنی ڕاپەڕین و، کاتی گونجاوو دیاریکراویش دەستنیشانبکات. بەر لەوانەش، بزوتنەوەی گۆران، دەبێت، لە هەر شوێنێک، چ لەناوەوەی کوردستان و، چ لەدەرەوەی، هەر کەسێک، دەستەڵات قسەیەکی پێووت، نانبڕاویکرد، یان شەقێکی لێدا، یاوەخود زیندانی کرد، لە سەر ناڕەزایی و رەخنەی دژ بە دەستەڵات، خۆی بکاتە خاوەنی و، بە ناوی خۆی بکات، وە تا ئەو پەڕەکەشی پشتیوانیان لێبکات. گۆران چیتر، پێویست ناکات، ئەوەندە خۆی خەریک و ماندوو بکات بە حزبە ئیسلامیەکان و قادرعزیز، چونکە ئەوانە دەریانخست، سەرکردەو حزبی هەڵپەرست و، پیاوی مەلایی و جەلالی و، وابەستەی ئێران و تورکیان. کاتێک کە حزبێک خۆی بە ئۆپۆزسیۆن ناو دەبات، دەبێت بێ ئەملاو ئیملا، ئۆپۆزسیۆنێکی ڕاستەقینە و ڕاستگۆ بێت. ئۆپۆزسیۆنی ڕاستەقینەش ئەوەیە، کە دەبێت بەردەوام لە دۆخی هێرشکردن و، ڕەخنەگرتندا بێت، بۆ سەر دەستەڵات و، هەر هەموو سیاسەت و هەڵسو کەوتەکانی، بە وردوو درشت و، بە گەورەو بچووکیەوە. گەر دەستەڵات، هەر کارێکی باش و خراپیکرد، ئۆپۆزسیۆن دەبێت بەو دەستەڵاتە بڵێت: تۆ خراپتکرد، تەنانەت، دەبێت بۆ ئیشە باشەکانی دستەڵاتیش بڵێت، خراپت ئەنجامدا، ئێمە زۆر زۆر، لە تۆ باشترو چاکترمان پێدەکرێت. ئەو حزبە ئۆپۆزسیۆنانەی کە دەشڵێن، دەستەڵات کاری باش و خراپی هەیەو، دەبێت دەستخۆشی باشیەکانی لێبکەین. ئەوا ئەو حزبانە، ئۆپۆزسیۆن نین، ئەوانە حزبی هەڵپەرست و، پلەو پایە خوازن، مشەخۆرو دزو تاڵانچین، وەکوو دەستەڵاتەکە. ئەمەیە ئۆپۆزسیۆن بوون و ئەرکی ئۆپۆزسیۆن، لە تەواوی دونیادا، پێچەوانەکەشی، گەر پێتوایە دەستەڵات دەتوانێت کاری باشبکات، ئەی تۆ بۆچی دەبیتە ئۆپۆزسیۆن؟! ماوەیەکە بەرزی و نزمیەکی زۆر لە هەڵوێستەکانی، کۆمەڵ و یەکگرتووی ئیسلامیدا هەیە،هەڵوێستەکان و، ڕەخنەکانی کۆمەڵی ئیسلامی، دژ بە دەستەڵات، بە گوێرەی باشی و خراپی پەیوەندی و بەرژەوەندیەکانی، ئیرانە، لەگەڵ مەلایی و جەلالیدا. یەکگرتووی ئیسلامیش بەهەمان شێوە، کاتێک تورکیا پەیوەندیەکانی لەگەڵ بنەماڵەی بارزانیدا باشە، یەکگرتوو،بەرامبەر بنەماڵەی بارزانی، زۆر نەرم و نیانەو، قەرەبۆی بارەگا سووتاوەکانیشی پێدەدرێتەوە، گەر بنەماڵەو تورکیاش، بەینیان خراپ بوو، ئەوا یەکگرتووش، بەرامبەر بنەماڵە تووندتر دەبن. ماوەتەوە قادر عەزیز، بەناو ئۆپۆزسیۆن، بەڵام بەکردەوە، چاودێری مەلایی و جەلالیە، لەسەر ئۆپۆزسیۆن. کە ناکرێت، باسی لێوە نەکەین. هەموومان دەزانین، کە مەلایی و جەلالی، بەتایبەتیش نێچرو مەسعود، هەرچی سووکایەتی پێکردن و، ڕیسوایی دونیا هەیە پێیانکرد، حزبەکەیان وەکوو، کۆنە پەرۆک دادڕی، وەهاش لە فاقیاندابوو، بەردەوام لە ترس و دڵەڕاوکێدا دەژیا، بەردەوام دەپاڕایەوەو دوعای ئەوەی دەکرد، کە خوانەکات قسەیەک، یان بیانۆیەک، بکەوێتە دەست زەحمەتکێشانی بنەماڵەی بارزانی، لەسەر قادر عەزیزو شکایەتی لێبکەن، کەچی هەمان قادر عەزیز، تەنها بە، ١٢ سەعات، پێش بەستنی کۆنگرەی حزبەکەی، بە بڕیاری ئێران، بۆ پاکانەو، لێخۆش بوون و یارمەتی، هەر بەتەنیا خۆی کوتایەوە، دیوەخانەکەی بنەماڵەی بارزانی و، لەلایەن فازل میرانیشەوە پێشوازیکرا، ئەم سەردانە کتوپڕەش، لە خۆرانەبوو، بەبێ تەنازولاتیش نیە، ئاکامەکانیشی دەردەکەوێت و ناشاردرێتەوە. هەردوای ئەمە قادر عەزیز، بە پشتیوانی هەمان بنەماڵەی بارزانی، کە هیچ نەما بوو، پێینکەن، چوو لە کەناڵی، نالیا تیڤیدا، داوای (شەهادەی سلوک و خۆچاککردن)، لە زەحمەتکێشانی جاسووسەکانی پاراستن دەکات!! ئەو کۆنگرەی کە، بە پەلە کڕوزێ بەستاشی، بڕیاری خۆی نەبوو، بەڵکو بریارێکی ئێران و بنەماڵەی بارزانی بوو، جەلال تاڵەبانیش، تا ڕادەیەک. ئاکامەکەشی لاواز کردنی دەستەڵاتڕۆیی جەلال تاڵەبانی بوو، لە حزبەکەیدا، لە پێناوی دەستەڵاتڕۆیی بنەماڵەی بارزانی، ئەوانەو زۆر شتیتریش کە لێرەدا جێگایاننابێتەوە. قادر عەزیز گوایە ئۆپۆزسیۆنە، کەچی دەڵێت: مەرج نیە ئێمە لەسەر هەر هەموو کێشەکان، هاوڕاو هاوهەڵوێست بین، لەگەڵ لایەنەکانی تری ئۆپۆزسیۆن دژ بەدەستەڵات. هەرەوەها، مەرج نیە، بەشداری هەموو چالاکیەکانی ئۆپۆزسیۆن بکەین، دژ بەدەستەڵات. مەرجیش نیە هەموو ئەو شتانەی ئۆپۆزسیۆن ڕەخنەی لێدەگرێت دژ بەدەستەڵات، ئێمەش پێمان ڕاستبێت و ڕەخنەی لێبگرین. پرسیارەکە لێرەدا بۆ قادر عەزیز ئەوەیە، ئەمە چ (بدعەیەکەو) لە کوێت هێناوە، بۆ بوون، بە ئۆپۆزسیۆن؟ ئەم سیاسەتەت هەڵپەرستیە، تەنها بۆ پارەو پلەو پایەیەتە، ئەو سیاسەتەت، بۆ لاواز کردن و هەڵتەکاندنی ئۆپۆزسیۆنە. باشتریش وایە، تۆش چیتر، خۆت ووتەنی، نان و پیاز بە ئۆپۆزسیۆن بوونەوە نەخۆیت، چونکە تۆ ناتوانیت، خۆت ڕاستکەیتەوە، یان ڕوونتر بڵێین ناتەوێت.
دیسان لێرەشدا دووبارەی دەکەمەوە، کە لەم ڕەوشە سیاسیە ئێستای کوردستان، ئەرکی بزوتنەوەی گۆڕان، تەنها ڕزگارکردنی کۆمەڵگای کوردی نیە، لە دەستەڵاتی داگیرکەری خۆماڵی، مەلایی و جەلالی دزو تاڵانچی، بەڵکو ئەرکی ڕزگارکردن و گەڕاندنەوەی، شوێن و پێگەی ستراتیژی ئابووری و سیاسی کوردو کوردستانیشە، لە هاوکێشە سیاسیەکانی ناوچەکەو دونیادا. نەوەک وەکوو ئەوەی، تا ئێستا مەلایی و جەلالیەکان، بە تایبەتیش مەسعودی خائین و جاش، دەیکەن، لە جاسووسی و نیشتمانفرۆشی و هەراجکردنی سەرەوەت و سامان و نەوتەکەی.خۆشیان نایشارننەوە، لەوەی کە جاسووسی(بەینەلمولەلین) مەلا بەختیار، لە هەولێر ووتی:"ئێمە وەکوو یەکیەتی، پەیوەندیمان لەگەڵ ٣٦ دەزگای سیخوڕی نێودەوڵەتی هەیە، پارتیش زۆر زیاتر لەو ژمارەیە، پەیوەندی بە دەزگا سیخوریەکانەوە هەیە، لە کەناڵی نالیا تیڤیشدا،ووتی:" ئێمە، وەکوو مەلایی وجەلالی، هەردوو لامان سوپای داگیرکەرانی کوردستانمان، بۆ کورد کوژی هێناوەو هاوکاریشمانکردوون". ئەوەتا هەر لەسەرەتای دەستپێکی شۆڕشی گەلانی سوریاشەوە، میتی تورکی و ئیتلاعاتی ئێرانی، مەسعودو جەلال بارزانی سیخوڕیان، بەکارهێناوە بۆ پاراستنی بەرژەوەندیەکان. ئیتلاعاتی ئێران، سەرەتا بەناو حکومەتە کوردیەکەی، لە جەلالیەکان ستاندەوەو، خستیەوە دەست بنەماڵەی خائینی بارزانی، بۆ یارمەتیدانی بەشاری دیکتاتۆر، لێرەدا تەنها یەک نموونە دێنمەوە، کە لە کوردستان پۆست، بڵاوکرایەوە ئەویش فەزیحەی ئەو(٦٠٠ملیۆن)دۆلارەی نێچیری خۆفرۆش بوو، کە لەفڕۆکەخانەی لوبنان حزبوڵڵا دەستی بەسەرداگرت، ئەوەش جگە لە سیناریۆیەکی پەردەپۆشکردن زیاتر، بۆئەو یارمەتیەی بنەماڵە، بۆئەسەد، شتێکی ترنەبوو. ئەوەی جێی سەرنجە، ئەو کات لە کوردستانیش، کێشەی تێپەڕاندنی بوودجە، لە پەڕلەمان هەبوو، لەنێوان دەستەڵات و ئۆپۆزسیۆندا، کەچی کەس باسی ئەو ٦٠٠ ملیۆن دۆلارەی نەکرد بە ئێستاشەوە، هەتا ئەو ڕۆشنبیرە جاشانەی، بۆ چەواشەکردنی ڕای گشتی، کە ئیزن و ئیجازەشیان، لە مەلایی و جەلالی وەرگرت، بۆ خۆپیشاندان و نارەزایی، دژ بە تێپەڕاندنی بوودجە، ئەوانیش تا ئێستاکە هەر بەیەک دێریش، لە ڕۆژنامە ڕوو زەردەکانیان، لە نێچیری جاسووسیان، نەپرسی ئەو پارە هی کێ بوو، بۆ گەیشتە ئەوێ؟ وەها خۆیان بێئاگاکرد، وەکوو ئەوەی پارەکە هی میللەت و داهاتەکەی نەبێت. ئینجا ئیتلاعات، جەلال تاڵەبانی خائینی، خستە پاڵ مالیکی و، مەسعودیشی لێهاندا، بە بیانۆی متمانە....تد. هەموو مەبەستی ئیتلاعات ئەوەبوو، کە مالیکی ملکەچ بکات و بیخاتە ژێر باری، مەرج و داواکارییە سیاسیەکانی لەعیراق، دوای ڕووخانی ئەسەد، بۆ ئەوەی ئێران، بتوانێت عیراق بکاتە ئەلتەرناتیڤی سوریاو، بەرەی دژو بەرگری، پاشانیش بڵاوکردنەوەی، دەستەڵاتڕۆیی، سیاسی و ئابووری و جاسووسیەکانی. ئیتلاعات ئامانجی خۆی پێکاو، سیناریۆی متمانە وەرگرتنەوەشی لە مالیکی کۆتاییپێهێنا. لە ژێرەوەش سەر لەنوێ(زەواجی موتعەی، بە مەسعود و مالیکیش کرد) ئەوەتا ئێستاکەش وەک دەبیستین، مەسعودی خائین، چاوەڕوانی گەرانەوەی جەلال تالەبانی بەربووکیەتی، لە ئەڵمانیا، بۆ ئەوەی بیبات بۆ مالیکی و، بچێتە مانگی هەنگوینی. میتی تورکیش هەمانشێوە، مەسعودی خێڵەکی بەکار هێناو هاتە ناو گەمەکەی متمانە، تورکیا، دوو ئامانجی هەبوو، یەکیان وەرگرتنی هەقدەستی خۆی بۆ ڕووخانی بەشار ئەسەد، چونکە تورکیا خۆی بە تەنیا، دەرەقەتی تێچووەکەی نایەت و، ووڵاتە عەرەبیەکانیش، ناتوانن ئەو هەموو پارەیە بدەن. ئەوبوو مەسعودی جاش، گرێبەستەی هەڕاجکردنی نەوتی لەگەڵ تورکیا کرد، شایەنی باسە، ئەوەی هەیە دەڵێت: ئەو گرێبەستە ناشەرعیە، تەنها تورکیا دەڵێت: گرێبەستەی شەرعین!! ئامانجەکەی تری تورکیا، ئەوە بوو هەر لەگەڵ پاشەکشەکردنی، بەشار ئەسەد، لە ناوچە کوردیەکان، شەڕی کورد کوژی، بە مەسعودی جاسووس دروستبکات، بەڵام پەکەکە، لووتی تورکیاو بنەماڵەی بارزانی شکاند و فەشەلی پێهێنان. سەیرکەن بە دریژایی مێژوو ئا بەمشێوەیە، هەموو شەڕو ململانێ و ناکۆکیەکانی ناوچەکە، هەمیشە کوردستان سەنتڕالەکەی بووە، خوێن و خاک و سەروەت و سامانی کوردیش، بە دژی ویستی کورد، دیاری و تێچووی شەڕو هەقدەستەکەی بووە!! ئێستا مەسعودی جاسووس، ٣١ی تەباخچی، دەزانی بێڕەوشتی مانای چیەو کێ بێڕەوشتە؟ بە پێی یاسای ڕەوشت، تۆ دوا کەسیت، ئینجا بۆشت نیە، باسی بکەیت.