مەسعودی دیکتاتۆر دوا شەڕی بێ ئومێدانە لە پێناومانەوە دەکات

Saturday, 12/03/2011, 12:00

1377 بینراوە

17-2-2011 ڕۆژێکی نوێ بوو، چەخماخەی وەرچەرخانێکی ڕەگ و ڕێشەیی بنەڕەتیانەو، هەنگاوێکی گەورەو یەکلاکەرەوەی گواستنەوە بوو، لە قۆناغێکی دواکەوتووانەی کۆن و بەسەرچووی ماوە تەواو بووی مێژوو، بۆ قۆناغێکی نوێ و مۆدێرنی سەردەمیانە. ئەم ڕۆژە خوێناویەی شاری سلێمانی هەمیشە قوربانی و چاونەترس، ڕۆژێکی پڕشنگدارە، لە گۆڕینی تەواوی ڕێڕەوو ڕەوڕەوەی فکرو سیاسەتی چەوتانەی بزوتنەوەی ئازادی و ڕزگاریخوازی گەلی کوردستان، بۆ سەر ڕێڕەوە ڕاست و دروستە خۆڕسکەکەی خۆی. ڕۆژێکە، لە بەرەو سەر هەڵکشانی شۆڕشی نوێ و زانستیانەی جەماوەری کۆمەڵانی خەڵکی کوردستان، بە بەشداری هەر هەموو چین و توێژە ڕۆشنبیرو کۆمەڵایەتیەکانیەوە، بەتایبەتیش بەشداری هێزی لاوان و گەنجان تیایا، بە شێوەیەکی بنەڕەتی و بەرفراوان. بۆ یەکەمین جارە لە مێژووی کۆن و نوێ بزوتنەوە نەتەوەیی و شۆڕشە ڕزگاریخوازەکانی گەلی کوردستان، شۆڕشێکی وا ڕەگ و ڕیشە داکوتراوو، بنەما هەڵچنراو، بە زانست و ڕۆشنبیری و دیموکراسیەتی ڕاستەقینە، بەرپا ئەکرێت. ئەوەشە ئەم ڕاپەڕینەو شۆڕشە نوێیەمان، لە هەموو ڕوێکەوە لە گشت شۆڕشە تەقلیدی و کلاسیکەکانی پێشووترمان جیا ئەکاتەوە، بە تایبەتیش لە ڕووی فکرو سیستەم و ئامرازو کەرەستەو نوێنەرایەتیکردن، لە بەشدار بوونی ڕاستەوخۆی تەواوی جەماوەر، لە سەرپەرشتی و سەرکردایەتیکردن و بڕیاردان و جێبەجێکردنیاندا. یەکەمین جاریشە، تاک بەتاکی کۆمەڵگای کوردی، بە کۆی سەرجەم چین و توێژە کۆمەڵایەتیەکانیەوە، بە وشیارانەو بە ئاگایانە، وە بە تێگەیشتنی تەواویش، لە ناوەرۆک و شێوەی ململانێی بە دەستهێنانی بەرژەوەندیە ئابوری و مافە کۆمەڵاتیەکان، لە گەڵ تەواوی مافە مەدەنی و سیاسی و ئازادی و ڕۆشنبیریەکانیانەوە، چ لە سەر ئاستی تاک، وە چ لە سەر ئاستی کۆمەڵ، لە پێناویاندا هاتوونەتە گۆڕەپانی خەبات و تێکۆشان. کۆمەڵگای کوردی زۆر دەمانێکە ، هەمیشە لە هەوڵی بێ وچان و بەردەوامیدا بوە، بۆ گۆڕانکارییەکەی بنەڕەتیانەو دەرچوون، لەم بارو دۆخە دواکەوتووە، ئابووریەو کۆمەڵایەتیە سیاسیەی کە تیایەتی. هەر کاتێکیش هەلی بۆ ڕەخسابێت ئەوەی لە دەستی هاتبێت، لە خوێن بەخشین و گیانفیداکاری، کردویەتی بۆ ڕزگار بوون و ئازادی. جەماوەری خەڵکی کوردستان، سەرکەوتنی بەرچاوو کاریگەریشیان لە مێژوودا بەدەستهێناوە، هەروەک سەرکەوتنەکانی ئازاری 1991. بەڵام، وەکو هەمیشە، لە بەر لاوازی ئاستی وشیاری و ڕۆشنبیری لە لایەک، وە نەبوونی حزبێک یان بزوتنەوەیەکی جەماوەری شۆڕشگێری سەرکردە،لە لایەکەی تر، نەک هەر نەیتوانیوە، ببێتە خاوەنی سەرکەوتنەکانی و تەوزیفیان بکات لە پێناو بەرژوەندیەکانی خۆیدا، بەڵکو زۆر بە ئاسانی ئەم سەرکەوتنانەی لێ دزراوەو داگیرکراوە، لە لایەن ئەو حزبانەی، کە ئێستا وەکو دەستەڵاتێکی داگیرکەر بە زۆر خۆیان بە سەردا سەپاندوە. بنەماڵەی بارزانی دزو تاڵانچی و یەکیەتی نیشتمانی و تەواوی ئەو حزبانەی کە لە شاخ بوون، دوای 20 ساڵ هاتنەویان بۆ شارو گرتنە دەستی دەستەڵات، هەر بەهەمان ئەقڵیەت و فکرو سیستەم و ئامرازو کەرەستە کۆنەکەی شاخیان دەستەڵاتیان بەڕێوە برد. بە بێ ئەوەی بتوانن سیستەمێکی نوێ و دیموکراسیانەی حوکمڕانی دابمەزرێنن. نەیانتوانی کەمترین گۆڕانکاری بکەن نە لە خۆیان وەکو ئەندام و سەرکردە، وە نە لە حزبەکانیان. ئەوەی کردیان تەنها کردنی بەرگێکی کوردی بوو، بە بەر سیستەمە حوکمڕانیە کۆنە جێماوەکەی حزبی بەعس و سەدام حوسێن، کە تا ئێستاشی لە گەڵدابێت بەردەوامن لەسەری. دەستەڵاتی بۆگەنی بنەماڵەی بارزانی و یەکیەتی لەم 20ساڵەی حوکمڕانیان، جگە لە سەر دزین و تاڵانی سەروەت و سامانی ئەم میللەتە بترازێت، لە سەر هیچ شتێکی تر کە لە بەر ژەوەندی کۆمەڵانی خەڵک دابووبێت وا هاوڕاو یەکدەنگ نەبوینە. بەم سیاسەت و ئەقڵیەتە سەقەتەشیان خۆیان بە تەواوەتی لە کۆمەڵگا دابڕاند، وە کەلێنێکی گەورەی ئەوتۆشیان لە نێوانی خۆیان و کۆمەڵگادا دروستکردوە، کە بە هیچ شێوەیەک چارەسەری ناکرێت، بێجگە لە ڕۆیشتنی ئەم دەستەڵاتە بە یەکیەتی و پارتی و تەواوی ئەو حزبانەشی کە خۆیان بە بنەماڵەی بارزانی و پاراستنەکەی فرۆشتووە. ئەم دەستەڵاتە گەندەڵەی یەکیەتی و بنەماڵەی بارزانی، نەک هەر نەیانتوانی کۆمەڵگای کوردی بەرەو پێش ببەن و گۆڕانکاری تیا بکەن، بەڵکو لە زۆر لایەنەوە کۆمەڵگای کوردیان گەڕاندۆتەوە پێش حوکمڕانی حزبی بەعس و سەدام حوسێن! ئەوەی بنەماڵەی بارزانی و یەکیەتی نیشتمانی و حزبە بچوکەکان لەم 20 ساڵەی دوایی کردیان ئەوە بوو، داگیرکردنی موڵکی گشتی و موڵکی هاوڵاتیان و تاپۆکردنی، وە دزین و تاڵانکردنی سەروەت و سامانی ئەم میللەتەو دابەشکردنی بەسەرخۆیاندا. ئەو زوڵم و زۆرداریە و سەقەتی فکری و سیاسی ئەم دەستەڵاتە داگیرکەرە خۆماڵیە، بوو بە هۆکارێکی سەرەکی، لە پەلە پێکردن بە وشیار بوونەوەو بە ئاگاهاتنەوەی تەواوەتی، تێکڕای چین و توێژەکانی کۆمەڵگای کوردی، هەروەها پێگەیاندن و کامڵبوونی زروفە زاتی و بابەتیەکەی، کە لە ئەنجامدا بزوتنەوەی گۆڕانی، وەک بزوتنەوەیەکی شۆڕشگێڕو نوێ و مۆدێرنی لێ پەیدا بوو، کە ڕێک وەڵامدەرەوەی خواست و، ویستی گەلی کوردستانە بۆ ئەم قۆناغە هەستیارە مێژووییە، بۆ ڕێبەرایەتی و سەرخستنی ڕاپەڕین و شۆڕشی نوێمان. هێزو تەوژمی پەتای ڕوخانی دیکتاتۆرەکانی ڕۆژهەڵاتی ناوەڕاست، هێندە خێرا دەڕوات و دروێنەیان ئەکات، هیچ بوارو کاتێکی بۆ بەڵێنە مرداربوەکان و نا بەجێکانی، دیکتاتۆرەکان بۆ چاکسازی نەهێشتۆتەوە. ئێستا ئەو یارییەی دیکتاتۆرەکان بە ناوی چاکسازی دەیکەن، نەک هەر لەکاتە ئەسڵیەکە نیە، بەڵکو لەکاتی ونیشدا نیە.ئەو یارییەی دەیکەن ئەوە پێکوتنی ناو تابوتەکانیانە پێش لە گۆڕ نانیان. جا نەگبەتیەکەی مەسعودی کوڕی مەلا مستەفا بارزانی ئەشقی و ئاشبەتاڵچی دیکتاتۆر، ئەوەیە کە تا ئێستا هاڕەی دێت و تێنەگیشتوە، کە ئێستا ئەویش وەکو دیکتاتۆرێک لە ناو تابوتدایە. درکی بەو گۆڕانە گەورەی دونیاو، ناو کۆمەڵگای نەکردوەو نایبینێت، کە ئەوان وەکو بنەماڵەی بارزانی هیچ پێگەو خانەیەکی سروشتی و کۆمەڵایەتی بوونیان لە کۆمەڵگای کوردیدا نەماوە، وە کۆمەڵگای کوردی وەکوو لاپەڕەیەکی ڕەشی مێژوو دایخستون و لاپەڕەیەکی نوێیانکردۆتەوە، بە سەریاندا، کە بە هێزی نوێی کچان و کوڕانی پێگەیشتوو بەزانست و ڕۆشنبیری، سەردێری نووسراوەتەوە. کەچی مەسعود بارزانی نەزان، هەر بە هەمان ئەقڵیەت و سیاسەتە دواکەوتووانەکەی باوکی حوکمڕانی دەکات، وە پێیوایە بە کوشتن و تۆقاندن دەتوانن کۆمەڵانی خەڵکانی کوردستان سەرکوتکەن و دەستیان لە داواکارییەکانیان پێهەڵگرن. مەسعودی دیکتاتۆر هەر بە هەمان تفنەنگە بە میرات بۆ ماوەکەی باوکی مناڵ و لاوی کوردی سلێمانی و شارو شارۆچکەکانی تری کوردستان خەڵتانی خوێن دەکات، لە سەر ئەوەی بەردێکیان بۆ ڕزگاری و بەدەستهێنانی ئازادی خۆیان تێدەگرن، لە سەر ئەوەی جامێکی پەنجەرەی مۆڵگەکەیان لێ دەشکێنن. کەچی سەڕای ئەمەش، ئەو مەسعودە دیکتاتۆرە، دێت و خۆشی بەناو بە پێشمەرگە دادەنێت. بەڵام مەسعودی دیکتاتۆر، تۆ هەرگیز پێشمەرگەی ڕاستەقینە نەبوویت و نیت، سەرت دای لە نوکی پێڵاوی شەهیدەکانی شاری سلیمانی و تەواوی شەهیدو بریندارەکانی ڕاپەڕین. تۆش مەلا مستەفا بارزانیە دۆڕاوەکەی باوکت ئاسا، ئەشقیت. چونکە تفەنگی پێشمەرگەی ڕاستەقینە، نەوەک بەرەو سنگی مناڵی کورد بگرە، بەرەو سنگی هەرچی مناڵ هەیە لەسەر گۆی ئەم زەویەدا ناتەقێت، تفەنگی پێشمەرگەی ڕاستەقینە هەرگیز ڕوو بە سنگی مرۆڤی کورد ناتەقێت. بەڵام ئەو تفەنگەی باوکە ئەشقیەکەت، کە ئێستا لە دەستی تۆ دایە، ئەوە هەر لەسەرەتاوە بۆ کورد کوژی دروستکراوە، کە بەدەست باوکیشت بوو هەر کوردی پێ کوشت، ئەوەتا تۆش، وەکو باوکت ئەشقی ئاسا، درێژەی کورد کوشتنی پێ ئەکەیت، لە پێناوی مانەوەی خۆت و بنەماڵە هەمیشە خۆفرۆش و دزو تاڵانچیەکەتان. چاک بیزانە کوڕەکەی مەلا مستەفا بارزانی ئەشقی، کاتی ئێوە بەسەرچووە تەواو بووە، چاکسازی بکەیت یان نەیکەیت، ببیت بە کەسێکی دیموکراسی یان بەردەوام بیت لە سەر دیکتاتۆریەت، بێجگە لە ڕۆیشتنی خۆت و بنەماڵە بۆگەنەکەتان و دەرچوون و دوورکەتنەوەتان لە پڕۆسەی سیاسی کوردی هەتا هەتایە، ڕێگایەکی ترت نیە. یەکیەتی نیشتمانی و بنەماڵەی بارزانی دزو تاڵانچی، ڕۆژگاری فکرو ئەقڵیەتی ئێوە بەسەرچوو، ئێوە مەحاڵە چیتر بتوانن لەگەڵ پێشکەوتنی زانست و تەکنەلۆژیای سەردەم ڕێگا بکەن، مەحاڵیشە بتوانن لە بیرکردنەوەو خواست و ویستی گەنج و لاوەکانی ئەمڕۆی کۆمەڵگای کوردی تێبگەن. کۆمەڵگای کوردی بە ئاگا هاتووە، بزوتنەوە سیاسی و ڕۆشنبیری و فکریەکەشی، لە قۆناغی پێکۆڵکردن و داتەپین و سوڕانەوەی بێ هیواو نائومێدانە لە بازنەی بەتاڵدا، بە ڕێبەرایەتی بزوتنەوەی گۆڕان، پەڕیەوە بۆ قۆناغی نوێی و هەڵسانەوەو خۆ فۆرماتکردنەوە و ئەکتیڤکردنەوەی بزوتنەوەی جەماوەری و سیاسی و فکری و ڕۆشنبیری، بە جۆرێک، کە هەرگیز بە هیچ شێوەیەک مومکین نیە، لەوەی کە جارێکی تر کۆمەڵگای کوردی، بگەڕێتەوە دواوە بۆ ڕۆژی پێش 17-2-2011. ئەو زەمەنەتان گوزەشت و بە سەرچوو، ئەو باوکەشتان مرد، لەوەی چیتر بتوانن بە ئارەزوی خۆتان کوشت و بڕمان لێبکەن و بە ئارەزوی خۆشتان خوێنمان بفرۆشنە داگیرکەران و دوژمنەکانمان لە پێناو پارەو بەرژەوەندیەکانی خۆتان. مەسعودی مەلا مستەفای ئەشقی ئاشبەتاڵچی، ئەوکاتەی سۆرانی مامە حەمەتان لێ تیرۆرکردین، ڕاچڵەکین، وەکاتێک سەردەشت عوسمانیشتان لێ تیرۆرکردین، تەواو بەئاگا هاتین ئێمەی بەرەی گەل. هەروەک کاکە سەردەشتی سەرقافڵەکەشمان، وەسیەتی کرد خاڵەکەمان داناو لە ڕستەیەکی نوێدا لە بەردەوامیەت کەوتینە ڕێ، کە لە 17-2-2011 دا ڕێژینی جوانە مەرگ هاورێکانیتان، لە جەستەی ئێمە تیرۆرو بریندارکرد، ئەوە تەواو وشیار بووینەوە، چووین بۆمەیدانی ئازادی و سەرکەوتنی بەرەی گەلمان ڕاگەیاند. ئەمڕۆ مەیدانی ئازادی شەرعیەت و دەستەڵاتی ڕاستەقینەی گەلە، هەر کەسێک یان هەر لایەن و حزبێک، گەر بەدوای بەدەستهێنانی شەرعیەت و مۆڵەت، دەگەڕێت با بچێت لە دەستەڵاتی ڕاستەقینەی گەل، لە مەیدانی ئازادی مۆڵەت و شەرعیەتی سیاسی خۆیان وەربگرن، چونکە شەرعیەتی ڕاستەقینە وا لە مەیدانی ئازادیە. ئەو حزب و لایەن و کەسایەتیانەی کە تا ئێستاش خۆیان یەکلانەکردۆتەوە لە نێوانی دەستەڵاتی گەندەڵ و بەرەی گەل، تا کات بەسەرنەچووە زوو یەکلایی بکەنەوە، ماوە نەماوە، ئیتر ڕۆژگاری سیاسەتی خەڵک هەڵخەڵەتاندن و هەڵپەرستی سیاسەتی ڕەمادی کۆتایی هات و بەسەر چوو، بۆیە دەبێت، یان ڕەش یان سپی هەڵبژێرن. یان لە گەڵ بەرەی گەل بن، یان دژ بە بەرەی گەل بن؟ حزبە بچووکەکانی هەولێر کە زۆربەتان کارتۆنین، تا ئێستا ئێوە وەکو (سۆزانیەکی سیاسی) جارێک لە باوەشی یەکیەتی، جارێکیش لە باوەشی پارتی لەزەتفرۆشی سیاسیتانکردوە، دژ بە خواست و داواکاریەکانی جەماوەری کوردستان، بەتایبەتیش ئەو حزبانەی، کە خۆتان بە چەپ دادەنێن، وەک حزبی شوعی و حزبی سۆسیالست و حزبی زەحمەتکێشانی کارتۆنی، ئەوەتا یان وەرنەوە بەردەم بەرەی گەل و داوای لێبوردن بکەن و بۆ خۆتان دانیشن، یان ئەوەتا وەکو سۆزانی سیاسی، لە باوەشی بنەماڵەی بارزانی، لە گەڵ ئەوان کۆتاییتان دێت. دوا وتەشم بۆ ئەو بەشەی سەکردایەتی یەکیەتی نیشتمانی کوردستان، بەتایبەتیش جەلال تاڵەبانی، کە بە دەست و مست و هێزو توانای خۆی ئەم کەسایەتیە سیاسیەی ئەمڕۆی بۆ خۆی دروستکردوە، جەلال تاڵەبانی تۆ کەسایەتی و سەرکردایەتی بوونت وەکو مەسعود بارزانی نەفام و نەزان، بەمیرات بۆ نەماوەتەوە، تۆ بە ماندو بوونی خۆت بوویتە ئەو جەلال تاڵەبانیەی ئەمڕۆ، وە زۆر چاک دەشزانیت، بۆ کەسایەتیە سیاسیەکان سەروەری مێژوو، وە مانەوە بە زیندویەتی لە مێژووی میللەتی خۆیان چەند گرنگەو بە بەهایە، وە زۆر چاک دەشزانیت، کە تەنها تاکە (دێرێک لە سەروەری مێژوو) بە هەر هەموو موڵک و پارەی سەر گۆی ئەم زەویە ناکڕدرێت، بەڵام هەرچی سەروەری مێژوو هەیە بە ىڕە پارەیەکی کەم دەسڕدرێتەوە. جەلال تاڵەبانی ئێستا تۆ لە بەردەم دوو ڕیانی و سێیەمینیانت نیە، یان سەروەری و نەمری و رەحمەتی مێژوو، یان بە بچووکی مردن و لەعنەتی مێژوو. زۆریشمان پێخۆشە یەکەمیان هەڵبژێریت و چارەنووسی خۆت لە بنەماڵەی بارزانی جیاکەیتەوە، چونکە ئەوان کۆتایی یەکجارەکیان هاتووە.