خۆش نشینەکان

Saturday, 17/05/2014, 12:00

1765 بینراوە

ئەگەر کۆماری ئیسڵامی بۆی کرابایە بە خڕوپتوونی بە نوسەرو شاعیرو پێنوس بە دەست وسیاسەت بازو،،،،، رۆژهەڵاتی کوردوستانی دەگوت: ها ئەوە پاسپۆڕت ئەوەش پارە بڕۆن روو لە هەندەران کەن! وەکو پەنابەر هەم ئێمە پارەتان پێدەدەین وهەم لەوێش پارەی بێکاری وەرگرن!؟ بەڵام ئەو کارە دەست ناداو نایەتە گونجاندن. چون دەسەڵات لە رووناکبیرو حیزبی بەتاڵی هەندەران زۆر زیرەکترە. باش دەزانێ زۆرینەیان لە هەندەران قازانجیان زیاترە تا لە ناوەوەی ئێران وکوردوستان. ژیانی کۆمەڵگای کورد بە تایبەت رۆژهەڵاتی وڵات وێنەی ئاوێنەیەکی بێ جەلا دەچێ کە کەس رووی راستیەکانی تێدا نابینێ. هەر کەس بۆ خۆی لە ژووری گەرمو نەرم ڕۆنیشتووە دووراودوور بڕیاری قەبە قەبە دەدا. لە ناو خۆی وڵاتیش خەڵکی هەژای ئێمە وادەزانێ ئەوەی لە دەرەوە دەژی هەموویان نوخبەی سیاسین ورزگاردەری زەمین وئاسمانن..
دوو کەس (ژن ومێرد) وێڕای منداڵ ودەوروبەری نزیک بۆ خۆیان دادەنیشن پڕۆگڕامێکی کۆپی کاردادەڕێژن وئاڵایەک لە مەسعود بارزانی وەردەگرن ووێنە ژێستێکی سیاسیانی ها بگرە پێنوسی قۆڕ بەسەر، لە کوردوستانی گەوەرە بستێکی کەم بێ وەری ناگرن ! و سنگ وبەری نەیاران بە دەردی کۆتەرەداران دەبەن.بۆ چما کەس دەوێڕی بیاندوێنێ! هەتا بازاڕیان گەرم بوو وخەنجەری مووبڕیان لە پشتێند بووکەڵەشێری کوردیش نەیدەوێڕا لە حاند وان بخوێنێ! دەیانگوت : ئیلاو بیللا بە شەڕی چەکداری چوار دەورمان دەڕووخێنین! زمان لە ئاستیان نەدەگەڕا. نێونرکەش بە پێی فیلان .بە هیچ چاکەیەکیان نەدەزانی ئەگەر زۆریشی پێ با،لە هیچ خراپەیەک رووگەردان نەدەبون ئەگەرچی زۆریشی تێچووبا.
وەک گوڵەبەڕۆژە رۆژ روو لە کوێ کا رووی لێ دەنێن.هەتا سەردەمێک بوو تێگڕا دەیانگوت دەبێ ئەزموونی دەسەڵاتدارانی ئەو جووتە بنەماڵەیە بپارێزین و سەردەمی جیهانگیری نەماوە شەڕی چەکداری کاتی بەسەر چووە وبەسیاسەت دەبێ کێشەی کورد چارەسەر بکرێ. لەسەت ساڵی رابوردوودا ئەوی بەسەر کورد هاتووە کەمتر نەبووە لەهی نەتەوەکانی دی هۆیەکان زۆرن بەڵام ئاماژە بە دوو هۆی سەرەکی دەکەم. کاتێک کە دونیا بە سیاسەتی دوو جەمسەری بەرێوە دەچوو، ئیمپریالیزم و کومونیزم دوو ئیدئۆلۆژیای دژ بە یەک بون کە وەک داشە هارە بۆگیانی نەتەوەکانی بندەست رۆڵی سەرکیان دەگێڕا .
دوو روداوی مێژوویی نەتەوەکەمان بۆ نمونە دێنمەوە،سەردەمی کۆماری کورد لە شاری مهاباد دیتمان چۆن دوای ساڵێک بەسەر ئەو رووداوە مێژووییەدا سۆڤیەتی پێشوولەسەر سیاسەتی رزگاری خوازی وئیدەی چەپ وقازانجی ئابوری ئەو کۆمارەی کردە قوربانی نەفتی باکوری ئێران.! هاوتەریب لە گەڵ ئەو سیاسەتەشدا ساڵی ١٩٧٥ شۆڕشی مەلا مستەفای لە ماوەیەکی بە فیتی ئامریکاو هاوفکرەکانی ئاشبەتاڵی پێ کرا! نەسەردەمی کومونیزمی سۆڤیەت ونەسەردەمی ئیمپریالیزمی ئەو کات نوسەرو شاعیرو دیرۆکناسی کورد بە پێی پێویست هەڵویستیان نەبووو هەرکەس ئەوی دیکەی تاوانبار دەکرد.
رووداوە دووهەم کە لە رووداوی یەکەم تاڵترو بە ژانترە بەڕێوەبردنی سیاسەتی رزگاریخوازی (بەڕواڵەت رزگاری خوازی) لە لایان بنەماڵە سەرکردەو حیزب و رێکخراوی کوردی بووە کە بە هەڵبژاردنی رێڕەوی هەڵەو دەست درێژ کردن بۆ بیانی بازەرگانیان بە دۆزی کورد کردووە و نەگەشتونە ئامانج. نیو سەدەی رابووردوو ئاڵوگۆڕی مەزن چێ بون ئیدەی چەپگەرایی بۆ دۆزی کورد چی بەدیاری پێ نییەوبەرژەوەندی ئابوری بە هەر بەهایەکی بێ ئەخلاقی قسەی یەکەم دەکا. ئەگەر ساڵان زلهێزێک هەبوو ئێستێ بەدەیان کەوتونە سەر جەستەی ئەو خاکە بریندارە و بە مەیلی خۆیان گەمەمان پێدەکەن.
گوتنێکی کوردی هەیە کە دەڵێ ،، خوویەک کەگیرا بە شیری تەرکی ئەستەمە بە پیری.! مەبەست ئەوەیە کەسانێک هەن کە لە هەندەران دەژین وئاگایان لە بێبەختی وهەژاری زوڵمی نەیاران نییتە وقسەی زل زل دەکەن (منیش لە هەندەران دەژیم بەڵام هەمیشە حەولمداوە کە قسەی بێ بنە ما نەکەم پێشم وایە لێرەڕا دووژمنم بۆ ناڕووخێ وکاری من نییە) هەر ئاڵوگۆڕێکی تازە کە بێتە گۆڕی لە ناو سیستمی چارەسەری بۆ کێشەی کورد لە رۆژهەڵاتی وڵات پێویستی بە شیکردنەوەیەک زانستیانە هەیەو بۆ پێناسەی ئەو سیستمەش باشتری کار هەر رووداوەکانی رابوردووی مێژووی خۆمانن کە باشترین وانەمان پێدەڵێن.
سەردەمك، لینینیزم، مارکسیزم ،مائۆییزم ، قڕانیان خستبووە ناو کچ وکوڕی کورد لە رۆژهەڵاتی وڵات! کار گەیشتبوو جێیەکی ئەگەر دوو کەس ژیانی هاوبەشیان پێک هێنابایە پەڕتووکێکی لنینیان لەنێوا خۆیاندا دەکردەمەرج بۆ ژیانی هاوبەشی!! بەدەیان وێنەو لۆگۆی کەسانی بیانی لە ناو ماڵەکاندا بەسەر دیوارانەوە بون! حیزبەکان لەسەر بنەمای چەپی سەر بە بیانی وەک کاڵایەکی سووک دەکەوتنە بەر دەستی بازاڕی سیاسی تا ئەو سەردەمی کە رەواجیان دەما وپاشێن بە ئاڵۆگۆڕێکی بچووک دەبونە بابردەڵەی مێژووی نادیار.
یەکێک لە تایبەتمەندیەکانی نەتەوەی هوشیار ودوورناس لەوەدایە کەمێژووی خۆی بە بەسەرهاتەکانی تاڵو شیرین بە پێوانەی رۆژەوەی سیاسی هەڵسەنگێنێ.بەو واتایە رابوردوو بکاتە هەوێنی ئەزمونی داهاتوی. ئەو رێرەوە لە چینو توێژەکانی جۆراوجۆری کۆمەڵڵگای ئێمەدا بە دەگمەن هەڵدەکەوێ. سیاسەتی کلاسیک وکۆن وداماڵدراو بۆتە نوشتەی بەر کەوامان لە یەخەی خۆمانی ناکەینەوە! لە رۆژهەڵاتی وڵات حیزب هەیە کە خۆی بە میراتگری قۆناغێکی گرینگی مێژوویی بەناو دەکا، حیزب هەیە کە بۆ رزگاری رەنجدەرو زەحمەت کێش سەرەی بەستوەو نۆرەی کەس نادا! ئەو رێک ٣٠ ساڵ زیاترە بە بێ دەسەڵاتی داڕزاوی کورد لە باشور ناتوانن پەرداغێک ئاو بخۆنەوە لە قسەی زل زیاتر.
ژیانی کەمپنشینی فێری کردون کە بڵێن: چون ئێمە هیچمان لە باراندا نییە نابێ کەسی دیش خەبات بکا! لەو ماوەیەدا ئاڵوگۆڕێکی نوێ لە تێکۆشان لە رۆژهەڵاتی وڵات دەستی پێکرد بە ناوی،، کۆدار،، ئەو حەڕەکەتە بۆ داهاتوو چەندە سەرکەوتوو دەبێ زەمان نیشانی دەدا.سەرکەوتنی ئەو حەڕەکەتە هەروا ئاسان نایەتەدی. سەرچاوەی هزرو ڕامانی ئەو رێبازە هی بیانی نییە وئەزمونێکە کە لە باکوری وڵات هەستی پێکراوە ،بەردەوامی رێڕەوێکە لە رۆژئاوای وڵات، ئەمن لەو زڕە نوسەرو خامە بە دەستانە دەپرسم؟ ئەوانە کامیان بە گوناح پێناسە دەکرێ؟ ئەو حەڕەکەتە هێستا دە رۆژی بەسەردا تێنەپەڕیوە کە دەیان تانەو قسەی بێ مانای کەوتە ئەستۆی! کۆتوشەڵوار لەبەرو بۆینباغ لە مڵەکانی مفتەخۆری هەندەری بە نەزۆک وشکستخواردوو،،،،،یان قەڵەم داوە. ئەوانەی کەوا بیر دەکەنەوە هەزار جار خۆزگەم بە دووژمن.رزگار کردنی وڵات لە بەرانبەر بە بەڕێوە بردنی زۆر هاسانە. گرینگ پاراستنی دەسکەوتەکانە. ئەوەی کەمن لە باشور دەیبینم ئاسۆیەکی روونی تێدا بەدی ناکەم بە مەرجێک ئاڵوگۆڕی بنە ڕەتی بێتە گۆڕێ ئەوەش زەحمەتە کە عەشیرەو بنە ماڵە دەست لە میراتی خۆیان هەڵگرن.
باشترین هەڵویست وگوتن لەم چەندرۆژەی رابوردوودا لەسەر زاری ئەندامێکی ناوەندی حیزبێکی رۆژهەڵات کە لێیان پرسی ئەگەر هاتوو کۆماری ئیسلامی کوتوپڕ رووخا؟ ئێوە چۆن سیاسەتێکتان دەبێ؟ بەمەرجی پاراستنی ناوەکەی خۆی گوتی: هیوادارم قەت ئەو کارە روو نەداو کۆماری ئیسلامی نەڕوخێ! چون بەو حاڵو باڵەی کە ئێمەی تێداین کوێرە گوندێکمان بۆ بەڕێوە ناچی.! من لەسەر ئەو باوەڕەم ئەوەقسەی مرۆوێکی سیاسەت زان ودوورناسە.منیش وەک تاکی کورد دەڵێم هەتا نوسەرو رووناکبیرو خۆشنشینەکانی هەندەران ئەوە شێوەی بیر کردنەوەیان بێ با کۆماری ئیسلامی لە جێی خۆی بمێنێ تا ئێمەش لە خەوی ئەسحابی کەهف ڕادەبین کە بەیان ئەنگووت قسەی دوارۆژ بکەین.
جەعفەر کەریمی
١٧/٥/٢٠١٤