دكتۆر موسه‌ننا به‌ڕاست تۆ تجمید نه‌كراوی ؟؟
Tuesday, 17/01/2012, 12:00
1386 بینراوە
سه‌ره‌تا دوای ده‌ست خۆشیه‌كی گه‌رم بۆ سایته‌كه‌تان كه ویستم جه‌نابی دكتۆر موسه‌ننا لێره‌وه پرسیاره‌كه‌م ببینێت و خه‌ڵكیش ببن به دادوه‌ر ، كه دكتۆر موسه‌ننا ئه‌مین له‌سه‌ر په‌یجی تایبه‌تی خۆی له فه‌یس بووك نوسیویه‌تی كه ئه‌و هه‌واڵانه ئه‌سڵ و ئه‌ساسیان نییه كه باس له تجمید كردنی من ئه‌كه‌ن له ناو یه‌كگرتوو ئه‌ی به‌ڕێز ئه‌گه‌ر كه هه‌واڵی وا ڕاست نییه ئه‌ی جه‌نابتان چۆن بوو له هه‌رچی كه‌ناڵی سه‌ر به ده‌سه‌ڵات و ئۆپۆزسیۆنه ده‌ركه‌وتن به‌ڵام جارێ نه‌مان بینی له كه‌ناڵی خۆتان (سپێده) ده‌ربكه‌ون ئایا گه‌لی كوردستان تی ڤی له سپێده له ئێوه نزیكتره ؟؟ یان تۆ هه‌ر له‌سه‌ره‌تاوه تجمید كرابووی ؟؟ ئایا بۆ تۆ هه‌ر هه‌فته و له شوێنێك كۆڕت ئه‌به‌ست به‌ڵام جارێك نه‌مان بینی كه قسه‌یه‌كی جه‌نابت له‌سه‌ر كه‌نأڵه‌كه‌تان ده‌ر بكه‌وێت ؟؟ ئه‌ی ئه‌گه‌ر تجمید كردن ئه‌وه نه‌بێت ئه‌ی خۆ به مانا ساكاره‌كه‌ی نییه كه له ناو سه‌لاجه تجمید بكرێیت ؟؟ هیوادارم كه دكتۆر موسه‌ننا خۆی وه‌ڵام بداته‌وه ئایا تجمید كراوه یان نا ، خوێنه‌رانی ئه‌م بایه‌ته‌ش خۆیان دادوه‌ر بن .
له‌گه‌ڵ ڕیزم به‌ڵام جه‌نابت زۆر له مێژه تجمید كراوی هه‌ر له‌و ساته‌وه كه خۆت كاندید كرد بۆ په‌رله‌مانی عیراق كه خۆم یه‌كێك بووم له‌و كه‌سانه‌ی كه ده‌نگم پێت داو ئه‌ویش به هۆی لێهاتووی كه‌سه‌كه‌وه ده‌نگم دا چونكه ئه‌بێت بزانین ده‌نگدان متمانه‌یه و (سی ڤی) هه‌موو كاندیده‌كانی پارێزگای سلێمانی سه‌ر به لیستی یه‌كگرتووم خوێنده‌وه و به به‌راورد له‌گه‌ڵ هه‌موویاندا جه‌نابت به‌رزترین بڕوانامه‌ت هه‌بوو له نێوانیاندا و زۆرتین خزمه‌تت كردبوو به‌م كاروانه به‌ڵام ئایا ئه‌مه‌شیان سه‌ره‌تای تجمید كردن نه‌بوو كه تۆ كاندیدی ژماره 4 بویت هه‌مووشمان ئه‌زانین كه ژماره‌كان یه پێی لێهاتویی ئه‌و كه‌سه داده‌نرێت .
ئه‌مه‌ش دووباره پرسیارێكی تر درووست ده‌كات كه ئایا یه‌كگرتوو بۆ ئه‌بێت زوڵم له تۆ بكات ؟؟ ئایا ئێوه‌ش وه‌كو حیزبه‌كانی تر خه‌ریكی ململانێنی نا ته‌ندرووستن ؟؟
زۆر پرسیاری تر له‌م نووسینه هه‌یه و دكتۆر موسنناش ئاگادار ئه‌كه‌مه‌وه ئه‌گه‌ر خۆی ئاگادار نییه و ئه‌ڵێت تجمید نه‌كراوم ئه‌وا من به حوججه‌تی نزیكیم له پارته‌كه‌ی به‌ڕیزتان و یه‌كێك بووم له ده‌نگده‌ران به ئێوه من به تۆ ئه‌ڵێم كه تۆ تجمید كراوی ئه‌گه‌ر نازانی و هه‌واڵیش هه‌یه كه به‌ڕێزت بڕیارێكت له‌سه‌ر درابێت كه به هیچ شێوه‌یه‌ك له سپێده ده‌رنه‌كه‌وی .
دووباره ئه‌یلێمه‌وه تۆ تجمید كراوی چونكه : من خۆم یه‌كێك بووم له بینه‌رانی ئه‌و زنجیره لێدوانه‌ی كه له‌گه‌ڵ په‌یجی شه‌قام سازت دابوو قسه‌یه‌كی خۆت له‌م زنجیره چاوپێكه‌وتنه پێمان ئه‌ڵێت تۆ زۆر له‌مێژه تجمید كراوی تۆ وتت كه باوكی من یه‌كێك بووه له دامه‌زرێنه‌رانی یه‌كگرتوو و خۆم باش ئاگادار بووم له كاتی وه‌فاتی باوكی به‌ڕیزتان و ئایا بۆ كه‌ناڵه‌كه‌ی به‌ڕیزتان به‌یاننامه‌یه‌ك یان سه‌ره‌خۆشییه‌كی بڵاو نه‌كرده‌وه به هۆی وه‌فاتی یه‌كێك له دامه‌زرێنه‌رانی حیزبه‌كه‌ی ئایا ئه‌مه له تجمید كردن تێنه‌په‌ڕی ؟؟ ئایا ئه‌مه تجمید كردنه یان له‌ناو بردن ؟؟
نازانم ئایا به‌ڕێزتان ئه‌ته‌وێت چۆن تجمید بكرێی ئینجا بڵێی تجمید كراوم ئایا ئه‌وانه‌ی من باسم كرد هه‌مووی نیشانه‌ی تجمید كرن نه‌بوو به‌ڵكو هه‌ندێكی لای من واتای له‌ناو بردن بوو نه‌وه‌ك تجمید كردن.
ئه‌وه‌ش ئه‌وه ده‌ر ئه‌خات كه جه‌نابت ڕاستت كرد تۆ ڕه‌نگه تجمید نه‌كرابی به‌ڵكو له‌ناو برابیت نازانم ئایا له‌مه زیاتر چی پێویسته بۆ له‌ناوبردن و تجمید كردن و لێدانی پله‌ی كه‌سێك .
ئایا ئه‌مه ئه‌وه ناگه‌یه‌نێت كه یه‌كگرتوو سته‌م له كه‌سێكی وه‌كو تۆ ده‌كات ؟؟ئه‌گه‌ر ئه‌مه‌ش سته‌م نه‌بێت ئه‌وا باوه‌ڕ ناكه‌م چیتر سته‌م بێت ، له كۆتاییدا ته‌نها وته‌یه‌كی جوانت بیر ده‌هێنمه‌وه (ئه‌وی له مافی خۆی زیاتری ده‌وێت سته‌مكاره و ئه‌وه‌ی له مافی خۆی خۆشده‌بێت گێله)
هیوادارم خه‌ڵكی خۆیان دادوه‌ری بكه‌ن ئایا یه‌كگرتوو سته‌م له جه‌نابت ئه‌كات یان نا
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
