مه‌سعوود بارزانی سه‌رۆکێ چه‌قۆکێشا یه
Tuesday, 18/05/2010, 12:00
1381 بینراوە
نه جاره‌کێ و دو جارا ، به‌لکو گه‌له‌ك جاران ، مه‌سعوود بارزانی ئه‌و راستیه په‌یتاندیه کو نه که‌سه‌کێ سیاسیه و کێر سیاسه‌تێ نایێت ، به‌لکو که‌سه‌کێ تیرۆرسته و عه‌قلیه‌تا وی یا تیرۆرستا یه. ئو یێ کو دیرۆکا ڤی کابرایی بزانت ، دێ بۆ وی بنه‌جهـ بت کو ئاخفتنا من کاکلا راستیێ یه.
ڤێجا که‌ره‌م بکن کو بۆ وه به‌حسا ئاخفتنه‌کا وی بکم کو ل پێش (150- 200) که‌سا گۆتیه. هه‌رچه‌ند ده‌مه‌کێ درێژ ب سه‌ر ڤه چوویه ، به‌لێ دیرۆك و عه‌قلیه‌تا وی یا به‌رێ دیار دکت. ئو گاڤا کو عه‌قلیه‌تا وی یا هینگێ و یا نۆکه بدین به‌رێك دێ دیار بت کو ئه‌ڤ کابرا ژ به‌رێ وه‌ره هه‌ر چه‌قۆکێش بوویه و گیانێ خوین رشتن و تیرۆرکرنێ هه‌بوویه.
ل سالا 1985ێ ، ده‌مێ کو باله‌فڕێن رژێما سه‌ددامی ئۆردوگه‌هێ کوردا ل گوندێ زێوه ل ئیرانێ ئاگرباران کری و ژ (300) که‌سا پتر هاتنه کوشتن و بریندار کرن ، مه‌سعوود بارزانی پشتی چه‌ند رۆژه‌کا چوو زێوه. هینگێ گه‌له‌ك کوردێن کو ل باژێڕێن ئیرانێ یێن دوور دژیان ، ل هاوارا خه‌لکێ ئۆردوگه‌هی چووبوون. مه‌سعووی ئه‌و کۆم کرن و بۆ وان ئاخفت و سوپاسا وان کر کو زه‌حمه‌ت کێشانه و ل هاوارا برایێن خوه یێن کورد هاتنه. وه‌کی ئاخفتنا وی ب دوماهیك هاتی ، هنده‌ك پسیار ژێ کرن و وی ژی ژ لایێ خوه ڤه به‌رسڤا وان دا.
ل وێ سالێ ل باژێڕێ قه‌زوینێ یێ ئیرانێ گه‌لشه‌ك (مشکلە) د ناڤبه‌را ئه‌ندامێن پارتی و هنده‌ك کوردێن دی دا چێ ببوو و ببوو شه‌ڕ. ئینا ئێکی ژ کوردێن کو ژ قه‌زوینێ هاتبوون ، پسیار ژ مه‌سعوودی کر و گۆتێ : " ئه‌زبه‌نی " تو چ دبێژی بۆ وی که‌سێ کو وێنێ بارزانی دڕاندی ؟ ئو ئه‌م چ بکین ؟ مه‌سعوودی ئێکسه‌ر و وه‌کی هه‌ر چه‌قۆکێشه‌کی بێ کو هزرا خوه بکت، گۆت : ما که‌سه‌ك نینه کو هۆسا (ب ده‌ستی نیشادا) دو کێرکا ل بنزکا وی بدت ؟
فه‌ره‌نسۆ حه‌ریری ل پشت وی بوو ، ئێکسه‌ر گۆت : گه‌لی برا ! ئه‌ڤ پسیارێن هۆسا نه یێن ڤان جهانن و هیڤیدارین کو ڤان جۆره پسیارا نه‌کن و سوپاسا وه دکین کو وه زه‌حمه‌ت کێشایه و هاتنه ڤێرێ ، ئو کۆمبوون ب دوماهیك ئینا.
ژبۆ دیرۆکێ ئه‌ز دبێژم : که‌سێ کو ئه‌ڤ ئاخفتن بۆ من گێڕایه ، د ناڤ وێ کۆما خه‌لکی دا یێ کو مه‌سعوودی بۆ وان دئاخفت و (2- 3) مێترا ژ مه‌سعوودی دوور بوو ، ئو وی گه‌له‌ك جاران د جڤاتا دا ئه‌ڤ به‌حس گێڕایه. ئو بۆرینا بیست و پێنج سالا د سه‌ر ڤێ ئاخفتنا مه‌سعوودی را ، نابت ئه‌گه‌را هندێ کو بێژین ئاخفتنه‌ك بوو هینگێ کر و چوو ، چنکی ئه‌و سه‌رۆکێ حزبه‌کێ یه و هه‌می ئاخفتن و کریارێن وی ب حسابن. ئو هه‌که‌ر هه‌ر ئاخفتنه‌ك هات گۆتن یان کریاره‌ك هات کرن ، پاشی بێژین کو ل گه‌ل وێ رۆژێ چوون ، هینگێ چ رامان بۆ هیندێ نامینت کو حساب ل گه‌ل دکتاتۆرا بێت کرن ژبه‌ر کریارێن وان یێن به‌رێ ، ئو هه‌روه‌سا نڤیسین و خواندنا دیرۆکێ ژی دێ ژ قه‌ستی بت. نه‌خێر ، نه کو به‌س ئاخفتنه‌ك بوو کو کری ، به‌لکی ئه‌ڤه عه‌قلیه‌تا وی یه. هه‌ر ژ هینگێ وه‌ره مه‌سعوود بارزانی ئه‌ڤ عه‌قلیه‌تا چه‌قۆکێشی و تیرۆر کرنێ هه‌بوویه. ئه‌گه‌ر به‌س دڕاندنا وێنێ بارزانی تاوانه‌کا هند مه‌زن بێت حساب کرن کو مه‌سعوود ب ده‌ڤێ خوه و ب ئاشکرایی د ناڤ خه‌لکی دا فه‌رمانا کوشتنا وی ده‌ربێخت ، پا ئه‌گه‌ر که‌سه‌ك هه‌ڤڕکیێ ل گه‌ل بکت یان مه‌سعوود هه‌ست بکت کو کورسیکا وی دێ هه‌ژت ، دێ چ بێژت یان دێ چ کت ؟
ڤێجا وه‌کی ئه‌م دبینین کو مه‌سعوود بارزانی رۆژنامه‌نڤیسه‌کێ ئازادهزر وه‌کی سه‌رده‌شت ئۆسمانی تیرۆر دکت یان له‌شکه‌رێ رژێما سه‌ددامێ تینت د هه‌ولێرێ دا ، یان باله‌فڕ و ده‌بابێن تورکیایێ تینت کو کوردا
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
