سه‌رۆكێ هه‌رێمێ ...... وكۆنگره‌ى نه‌ته‌وه‌يى
Thursday, 29/08/2013, 12:00
1336 بینراوە
سه‌رۆك ئه‌و كه‌سه‌يه هه‌ر وه‌كو "جۆن وليام گاردنه‌ر" دبپَژيت رۆله‌كێ مه‌زن دخۆَلقاندنا شێوازى بيرِكرنا جڤاكيدا هه‌بيت، مينا سۆمبوله‌كێ خزمه‌تا يه‌كبوونا ملله‌تى بكه‌ت و ده‌ربرينێ ژوان بۆهايا بكه‌ت يێن كو هه‌موو جڤاكى پێكڤه گرێدده‌ت!، ئه‌ڤه ژى ب من نيشان و خه‌سلَه‌تێن كه‌سه‌كێ دوگمه‌نن كو ب "سۆمبول"، ئانكو ياكو مه‌به‌ستا مه ب "سه‌ركرده‌ى سۆمبول" تێ بناڤكرن، هه‌ر ئه‌و كه‌سه‌يه يێ شيانێت ده‌ست نيشانكرنا ئارمانجان هه‌بيت و بشێت بێ ترِس بۆ ملله‌ت و دوژمنێ خۆ ئاشكرا بكه‌ت و ژلايه‌كێ دن شيانێت وێ چه‌ندێ ژى هه‌بن، ملله‌تى ژرِێره‌و و بابه‌تێت لاوه‌كى دوور بكه‌ت و سه‌ره‌رايى هه‌ر ته‌نگه‌ژه و كێشه وناكوكيه‌كێ كو مينا كه‌ره‌سته‌يه‌كێ ژه‌هراوى دناڤ له‌شێ واندا و وان به‌ر ب مرنێ دبه‌ت، ئه‌و يێ وان به‌ر ب ئێك ئاراسته‌يى و بۆ ئێك ئارمانجێ، به‌ر ب سه‌ركه‌فتنێ ورزگاريێ دبه‌ت، ئانكو هه‌موو شێانێت خۆ دمه‌زێخيت ملله‌تێ وى يه‌كرێز وسه‌رفه‌رازبيت.
به‌لێ ملله‌تێ كورد ژى ئيرۆ گه‌له‌ك به‌خته‌وه‌ره كو خۆه‌دى سۆمبوله‌كێ مينا سه‌رۆك " مه‌سعود بارزانى" يه كو ئه‌و هه‌موو نيشان ژخه‌سلَه‌تێن جه‌نابێ وينه وب زه‌لالى و بكريار دكه‌سايه‌تيا ويدا هه‌ست پێ دهێنه‌كرن، ژبه‌ركو ژيانا خۆ هه‌موو ته‌رخانكريه ته‌نها ملله‌تێ وى به‌خته‌وه‌ر و سه‌رفه‌رازبيت، ژبه‌ر هندێ ئيرۆ زۆرينه‌يا جڤاكێ كوردى هه‌بوونا جه‌نابێ وى ب گرنگى دزانن و پێشرِه‌وييا وى ب پێدڤى ددانن، ژبه‌رڤێ ژلايێ ملله‌تى ڤه ب (پێشمه‌رگه‌يێ سه‌رۆك و سه‌رۆكێ پێشمه‌رگه) هاتيه ب ناڤكرن، ئانكو ئه‌و "سه‌رۆك"ه يێ هه‌موو ده‌مه‌كێ ئاماده‌بيت بمريت داكو ملله‌تێ وى بژيت، نه‌ك به‌روڤاژى!!، هه‌ر بۆ رِاستييا ڤێ، به‌رده‌وام جه‌نابێ وى ته‌كه‌زيێ دكه‌ت "يێ دبن ئالايێ كوردستانێ ژدايكبوويى و ئاماده‌يه دبن وى ئالايى ڤه بمريت"، ديسان جه‌نابێ وى دبيره‌وه‌رييا فيسته‌ڤالَا يۆبيلا زێرينا شوره‌شا ئه‌يلولا مه‌زندا ئه‌وا ل رێكه‌فتى 10ى ئه‌يلولا 2012ێ ل زاخو ب رِێڤه‌چووى (ستراتيژيه‌ت وئارمانجاخۆ) جاره‌ك دن ئاشكراكر وگۆت " من نه‌ڤێت كورد ژ چو كه‌سه‌كێ خۆ كێمتر بدانن و مه‌به‌ستا من ژوه‌رگرتنا پۆستێ سه‌رۆكاتيا هه‌رێمێ ئه‌وه داكو ناڤ ماليا كوردا رێكبێخم و ئێدى وه‌نه‌كم خوونا كوردان ب ده‌ستێت كوردان برێژيت" و رِاگه‌هاند " ئه‌م كورد يێ به‌ره‌ڤ پێشڤه دچين و ئێدى به‌ره‌ڤ پاشڤه نازڤرين"، هه‌ر ژبۆ ڤێ مه‌به‌ستێ جه‌نابێ وى ب رژدى داكوكى لسه‌ر به‌ستنا كونگرێ نه‌ته‌وه‌يى كر داكو هه‌موو كوردان سه‌ره‌رايى هه‌ر ناكوكى و تێروانين و ئايدولوژييه‌كێ لسه‌ر ئێك رێره‌وێ و به‌ره‌ڤ ئێك ئارمانجا نه‌ته‌ويى ببه‌ت، نه‌خاسمه ده‌ڤه‌را رۆژهه‌لا ناڤه‌رِاست يێ به‌ره‌ڤ ب گوهورينى دچيت و رژێمێن تاكرِه‌و وشمولى يێن به‌ر ب مرنێ دچن و جڤاكێ نێڤده‌وله‌تى ژى ب ڤى كه‌توارى رازييه و داگيركه‌رێن كوردستانێ ژى يێ دانپێدانێ ب راستيێ دكه‌ن و ژلايێ سايكولوژى ڤه گه‌هشتينه وێ باوه‌ريێ ئارام و سه‌قامگيرنابن ئه‌گه‌ر كيشه‌يا كوردان چاره‌سه‌رنه‌كه‌ن، ب تايبه‌تى توركيا كو به‌رى چه‌ند سالان ب بيهستنا په‌يڤا (كورد) شێت دبوون و ئيرو سه‌رۆك وه‌زيرێ وێ "ره‌جه‌ب ته‌ييب ئه‌ردوغان" ل ئامه‌دێ خۆ ب خوه‌ديێ كيشه‌ييا كوردى دايه نياسين و يێ هه‌ولا چاره‌كرنێ بۆ دكه‌ت! و ل ئيرانێ ژى "حه‌سه‌ن رۆحانى" سه‌روك كومارێ نويێ ئيرانى دهه‌وا پرۆپاكنده‌يا خۆ يا هه‌لبژارتناندا به‌حسى به‌شدارييا كوردانكر دحكومه‌تا نوى يا ئيرانێ دا، ب من ئه‌گه‌ر ژلايێ پراكتيكى ڤه وه‌سان ژى نه‌بيت، لێ ئاماژه‌يه‌كا ئه‌رێنى يه كو مه‌لايێت ئيرانێ يێ كوردان قه‌بوول دكه‌ن و ژخه‌وا ئينكاركرنێ هوشياردبن! و ل سوريێ ژى كوردان پترييا ناوچه‌يێن كوردستانێ رزگاركريه، لێ پێدڤى ب يه‌ك رێزيێ و چاره‌سه‌ركرنا ناكوكيێت خۆيێن لاوه‌كى نه داكو ئه‌ڤ ده‌رفه‌ت ژده‌ست نه‌چيت و هه‌روه‌سا باشورێ كوردستانێ ژى وه‌كو ئاشكرا مينا ده‌وله‌ته‌كا بهێز دناڤ هاوكێشه‌يێن هه‌رێمايه‌تى و نێڤده‌وله‌تى حساب و رِه‌فتار دگه‌ل دهێته‌كرن، واته ئه‌ڤ چه‌رخه شانسى كوردايه به‌ر سه‌ركه‌فتنا ب ئێكجارى؟!، لێ ئه‌گه‌ر كورد ل ئاستێ به‌رپرسياره‌تيێ بن؟ واته هه‌موو كێشه‌يێن خۆ دگه‌ل ئێك و دژى ئێك دگورێدا بدانن و خۆ ژێ رزگاربكه‌ن و ژبۆ ڤێ باشترين كار به‌ستنا كونگرێ نه‌ته‌وه‌يى بوويه ياكو ئيرو بوويه راستى و هه‌روه‌سا سه‌ركه‌فتنا كار و ئه‌ركێ وێ يه و ئه‌ڤه ژى ب من پێدڤى ب كه‌سه‌كێ دكه‌ت كو ده‌ربرينێ ژهه‌موو بۆهايێت نه‌ته‌وايه‌تى بكه‌ت و هه‌موو جڤاكێ كوردستانێ پێكڤه گرێبده‌ت كو ببيت "سه‌رۆكى َ مه‌عنه‌وى" بۆ كوردستانا مه‌زن و بۆ هه‌موو كورده‌كێ و وه‌كو مه‌رجعه‌كێ رێز بۆ بهێته‌گرتن و ژلايه‌كێ دن هه‌موو تاكه‌كێ كورد وكوردستانى شانازيێ پێ بكه‌ن داكو دوژمن ژى حسابێ بۆ وان بكه‌ن ونه‌چار ببن ده‌ستێت خۆ ژ سه‌ر مافێن وان راكه‌ن و پشت رِاستم بۆ ئه‌ڤێ قوناغا گرنگ وهه‌ستيار ل گوره‌ى سه‌ربۆران ته‌نها كه‌سه‌كه له‌سه‌ر ئاستێ نافخويى كو مه‌به‌ستامن كوردستانه يێ مه‌قبووله و لسه‌ر ئاستێ ده‌ره‌كى ژى جهێ رێزێ وسه‌نگه‌كا تايبه‌ته ئه‌و ژى جه‌نابێ "سه‌رۆك بارزانى" يه.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
