درۆی گۆرانکاری هەوا و پروپاگەندەی کەناڵە کوردیەکان - بەشی یەکەم

Monday, 01/10/2012, 12:00

1750 بینراوە

ماوەیەکە لە کەناڵەکانی میدیای کوردیەوە بۆ چەند جارێکە بەرنامەی تایبەت و نوچە وهەواڵ بڵاودەکەنەوە ،لە سەر گۆرانکاریەکانی هەوا کە ئەوەش جێی دڵ خۆشی هەمو لایەکە کە میدیای کوردیش هاوبەش بێ لە هۆشیارکردنەوەی کۆمەڵگای کوردی لەو بوارانەوەو کۆمەڵیش زانیاری هەبێ لە گۆرانکاریەکانی هەوا و هەر نەبێ هەندێ ووڵامی هەبێ بۆ ئەو پرسیارە زۆرانەی کە لە ئاکامی ئەو روداوە سەیرانە گەڵاڵە دەبن کە لە جیهان رووئەدەن .بەڵام کاری میدیای کوردی راستەقینە گەیاندن وبڵاوکردنەوەی زانیاری باوەرپێکراوە ، کە بەداخەوە راگەیاندنی کوردی و میدیاکانی خۆیان هیلاك ناکەن بۆ دۆزینەوەی راسترینیان ،بەڵکو تەنها خۆیان بەوەوە سەرقاڵکردووە کە لە کەناڵە عەربی و بیانی یەکان بابەت وبەرنامە وەربگرن و بە دەیان هەڵەوە وەریگێرنە سەر زمانی کوردی و دۆبلاژی بکەن .

راستی یەکان بائاشکرابکەین
بە پێی ئەو بەرنامانەی لەسەر بەگەرم بوونی هەوا پێشکەش کراوە ،کە ئەوانیش هەمان شت لە میدیاکانی بیانی یەوە وەریانگرتووە، هۆکاری دیاردەی بەگەرم بوونی هەوایان بۆ زیاد بونی رێژەی دووهەم ئوکسیدی کاربۆن لە رێژەی هەوادا گەراندۆتەوە . بەڵام بۆ ؟ لە ووڵاتە پێشکەوتووەکان کە سەرچاوەی ئەم دەنگۆیانەن ،بیر لە هەموو پرۆژەیەك دەکرێتەوە کە زیاترین داهاتی هەیە ،دانانی باجیش بۆ بەرهەم هێنانی دووهەم ئۆکسیدی کاربۆن بە بیانوی بیسبوونی ژینگە یەکێکە لەو داهاتە خەیاڵیانەی کە ئەگەر وەك یاسایەك چەسپا داهاتێکی گەورەو لەبن نەهاتوو بۆ خەزینەکانیان فەراهەمدەکات . ئاشکرایە لە ئەنجامی کارکردنی بەردەوامی مرۆڤ بۆ بەرهەم هێنانی وەزە و لە دەرئەنجامی کارکردنی کارگە گەورەکان و زەبەلاحەکان،رێژەیەکی زۆری دوهەم ئۆکسیدی کاربۆن وەك باشەرۆ بەرهەم دێت .ئەوەش ئاشکرایە کە لە تەواوی ئەو وڵاتەپێشکەوتوانە و ئەو ووڵاتە سەرمایەدارنە دا سەرجەم ئەو کارگە زەبەلاحەنە موڵکی کەرتی تایبەتن وە لەبەر ئەوەی داهاتی ئەو ووڵاتانەش بەرێژەیەکی زۆر لەسەر باج وەستاوە ، هەر بۆیە ئەم دەنگۆیانە وەك پلانێك هاتۆتەکایەوە .چونکە نەك تەنها یەك جۆر باج بەڵکو دەیان جۆر باج ئەتوانن دابنێن ، بەلایەنە زانستی یەکەیشی یەوە ئەگەر لێکی بدەینەوە ،رێژەی دووهەم ئۆکسیدی کاربۆن لە هەوادا دیاری کراوە بە 0،038 % رێژەی زیادبوونی گازی دووهەم ئۆکسیدی کاربۆن کە لە لایەن مرۆڤەکانەوە بەرزبۆتەوە ، وەك زاناکان لێکیان داوەتەوە 1،2% کەواتە هەر وەك لێکیان داوەتەوە ئەو بەشەی کە مرۆڤ وەك پاشەرۆ بەرهەمی ئەهێنێ لە گازی دیۆ ئۆکسیدی کاربۆن لە کاری رۆژانەدا ، بەرهەمهێنانی وزە ، کۆمپانیاکانی نەوت و هتد 0،00046 % بەرامبەر بەیەكەیەکی هەوا ، یان بەشێوەیەکی تر یەكەیەك بەرامبەر 217،391 واتا رێژەیەکی هیچە بەرامبەر ئەوەی کە بەشێوەیەکی سروشتی لە هەوادا هەیە . بێجگە لەمەش دەیان ملێۆن ساڵە ژیان لەسەر زەوی بەردەوامەو هەزاران جار زەوی توشی بەرزبونەوەی پلەی گەرما و دابەزینی بووە .کەواتە ئەو بارسەنگی یەی کە هەیە لە سروشتا جێی ترس نی یە . ئەمە یەکێ کە لەو ئاکامانەی کە گەورە زاناو پرۆفیسۆری ئەمەریکی (س. فرید سینگەر) کە بۆخۆی لە پێشەنگی ئەو زانایانە بوو کە پێداگرییان دەکرد لەوەی کە بەرزبونەوەی رێژەی دیۆکسیدی کاربۆن هۆی بەرزبوونەوەی پلەی گەرمای زەوی یە .
بەگەرم بوونی هەوا پەیوەندی دورو نزیکی نی یە بە زانستەوە بەڵکو هەوڵێکی میدیای یەو پروپاگەندەیە .
ئەمە پروپاگەندەی میدیای ئەو ووڵاتانەیە کە سیستەمی دراو دەیانبات بەرێوە ، ئەو وڵاتانەی هیچ گرنگی یەك نادەن بە ژیانی مرۆڤ و هیچ گرنگی یەك نادەن بە تێكدانی سروشت ، بەڵکو پێش ئەوەی بیر لە کاری مرۆڤایەتی بکەنەوە بیر لە بازار و قانزاجیان دەکەنەوە .ئەم پارچە ڤیدیۆیەی خوارەوە رەنگە وڵامی هەموو پرسیارەکان بداتەوە ، وە رەنگە بەرپەرچی هەموو ئەو بۆچونانە بداتەوە کە ئەڵێت هۆی بەگەرم بونی هەوا زیاد بوونی دیۆئۆکسیدی کاربۆنە ، بە تایبەتی ئەوەی کە زانایان لە کۆنگرەی کۆبنهاگن وەك بەڵگە ئاماژەیان پێکردووە .دەیان پرۆفیسۆر و دەیان زانا بەڵگەی ئەوە پیشان ئەدەن ، کە لە سی ساڵی رابردوو زەوی سارد بووە نەك گەرم ، وە گەرم بون و سارد بونی زەوی سروشتی یە .

http://www.youtube.com/watch?feature=player_embedded&v=cCnOk_uQlIE#%21
ئەم بەگەرم بوونی هەوایە بەرای من هیچ زیانێك ناگەیەنێ بە زەوی چونکە ،لە سەر بنەمایەکی هەڵە بنیادنراوەو مەرامی سیاسی لەپشتەوەیە ، ئەوەی کە زیانی گەورە بە زەوی و مرۆڤایەتی ئەگەیەنێ پرۆژەیەکی جهەنمی یە وناوی هارپە کە لە بەشی دووهەم باسی دەکەین .