کورد خۆی بە حکوومەت دەزانێ کەچی لە بەغا قسەکەری ڕەسمی نییە..!
Monday, 29/11/2010, 12:00
1680 بینراوە
فەوزای سیاسی تەنها دەنگە دەنگی سیاسییەکان نییە لە هۆڵ و ناو پەڕلەمان ،بەڵکوو ئەو بێسەروبەرییە کە تووشی بوون وە ئەو مێشکە پاشکەوتووییە ، لەو ئەرکانەی کە لە پێناویدا بوون بە پەڕلەمانتار ،هەرزانترین و ئاسانترین پیشە لەم ووجۆرە ووڵاتانە سەرکووتکەر و نا یاساییانە بوون ئەندام پەڕلەمانە(چونکە کونییەی ئەو کەسەی کە دەبێت بە پەڕلەمانتار گرنگ نییە ، گرنگ پاڵاوتنێتی لەلایەن حیزبەوە، هەروەها جاهیلبێ و ژیر بێت هەمان بڕیارە)، .بەتایبەتی لە عێڕاقی عەرەبی و لە عێڕاقی کوردیدا (بۆیە عێڕاقی کوردی ، چونکە خوازیارنیم دڵی سەرانی کورد و پەڕلەمانتارییەکانیان بشکێنم ، و بڵێم کوردوستان).
١/ لەم ماوەییەی کە سەرانی کورد (لە ئقلیمەکەی عێڕاق = عێڕاق) خەو و پشوویان نەبوو بۆ سازکردنەوە و دروستکردنی حکوومەتی عێڕاق. پەڕلەمانتارە کوردەکان هەر خەریکی فرکەفرک بوون بۆ سازدانی قسەو باس لە هەموو کەناڵە ڕاگەیاندنە ، عەرەبییەکان(ئەوە باسی شکاوی و قوپاوی زمانە عەرەبییەکە نەکەین کە پێی ئەدوان، لە بیروبۆچوون و خوێندنەوەکانیان لەسەر دەورو هەڵوێستی کورد دوو پەڕلەمانتاری کورد نەبوو قسەکانیان وەک یەک بێت ،هەر یەکەیان لە ئاوازێک بۆ حەزی خۆی دەیخوێند لەبەر ئەوەی ئەم برادەرە پەڕلەمانتارانە موڵک و قسەکەری حیزبەکەیان بوون وە لە قازانج و سروشتی پارتەکەیان ئەیان خوێند ،زۆر جار سەریشیان لەو کەناڵانە دەشێواند کە بۆی ئەدوان، نەیان دەزانی ئەمانە نوێنەری نەتەوەیەکی جێنۆساید کراو نین.ئەم پاشا گەردانییەش لای ئەم هەڤاڵە پەڕلەمانتارانە دەگەڕێتەوە بۆ داماوی و نەزانی خاوەنەکانیان و ئەوەی خۆیان ناویاناوە حکوومەت و پەڕلەمان (هەرسێ باڵە ئیسلامیەکان لە سێ ئاواز ،پارتی ئاوازی خۆی ، یەکێتی ئاوازی خۆی ، گۆڕان لە ئاوازی خۆی...هتد) ،پڕۆگرامی تەلەفزیۆنی من جیاوازم هەر لەوان دەهات ، حکوومەتێک گەر خۆی هێندە بە ژیر و سەلار بزانێت نە ئەبوو لە حەوت ساڵی لە نێو دوژمنی شۆڤێنی عەرەبی قسەکەرێکی یاسای بڕواپێکراو بۆ خۆی دروستبکات . هەر بۆ شەخسییەتی سیاسی نێونەتەوەی بۆ کۆمێنت و وەڵامدانەوە و هەڵوێستگرتن و ،پیشاندانی یەک بڕیاری (بۆ کێشە نەتەوەیی و هەڵواسراوەکان لەگەڵ دوژمن).ئەمە چمکێکی هەرە بچووکی ئەم فەوزاییە کە کوردی تێدایە لە بەغا.
٢/ دووفاقی لە هەڵوێست و بڕیاری سیاسییەکانی کوردی باشوور ،کە لە میدییاکانی حیزبی خۆیان دەدوێن ،کوردی عەیارە ٢٤ن ، بەڵام کە لە فەیحا یان ئەلشەرقییە قسەدەکەن ، ئەبنەوە بە کوردی بڕۆنزی سیاسییەکانی کورد لە پەڕلەمانی عێڕاق بە ڕۆژی نیوەڕۆ بە زمان و نووسین دەڵێن عەرەب دوژمنی کوردە وە هەمیشە دەڵێن کورد لە بەغا دەبێت یەک ڕیز و یەک هەڵوێست بێت ، چونکە شەڕی مان و نەمانە بەڵام لە هەمانکاتدا دەبن بە گۆچانە ئەفسووناوییکەی موساو هەرچی هەرچی و پەرچی و ئەنفالچی و ناڕەسەنی عەرەبی وەک ئوسامە نوجەیفی و ساڵح موتڵەگ و عەلاوی بەعسی هەیە لەسەر یەک مێزی ٢٠مەتر بە ١٥مەتر کۆدەکەنەوە. ئەمەیە کارەسات ئەمەیە تراژیداییای نەتەوەیەکی بێکەس کە تا بینەقاقای لە ملکەچیدایە وە خۆیکردوو بە غولامی داگیرکەرەکەی .بڕۆن مێژووی هەموو مرۆڤایەتی بخوێننەوە بزانن یەک نموونەی وەک کوردی تێدایە. بەمەرجێک خۆیان باشدەزانن بێئابڕووترین عەرەب ئووسامە نووجەیفییە .بەڵام کورد هەڵیبژارد و کردی بە سەرۆکی ئەو پەڕلەمانەی کە لێی تۆقیووە (دوای هەڵبژاردنی بە دوو ڕۆژ کاک مەحموودی عوسمان ووتی شەری مادەی ١٤٠ لەگەڵ کاکە ئووسامەدا زۆر سەخت دەبێت ، باشە ئەمە گرێو نییە لەسەر کەری دۆڕاو. قسەکەرەیەی لیستی گۆڕان بەم جۆرە و بەم زمانە وەسفی پەڕلەمانەکەی عێڕاق دەکات هەر چۆن لە سایتی سبەیدا بڵاوکراوەتەوە (محه‌مه‌د تۆفیق ره‌حیم:ئه‌و حكومه‌ته‌ی پێكدێت چ به‌رنامه‌یه‌ك ده‌گرێته به‌ر و چی جێبه‌جێ ده‌كات و داخوازییه‌كانی كورد له كارنامه و پلانی خۆی چۆن جێ ده‌كاته‌وه، به‌و پێوانه‌ش ده‌زانرێت كورد قازانجی كردوه، نه‌ك به وه‌رگرتنی پۆست، واته له ماوه‌ی جێبه‌جێكردنی به‌رنامه سیاسییه‌كه‌ی ده‌توانێت ته‌قیمی بكه‌ین، ئایا كورد ده‌ستكه‌وتی هه‌بوه، یان نا، ئه‌م ده‌ستكه‌وته‌ی باسی ده‌كه‌م كورد وه‌ك نه‌ته‌وه ده‌ڵێم، نه‌ك شه‌خس و فراكسیۆنێكی دیاریكراو، چونكه ده‌ستكه‌وتی كورد ئه‌وه‌یه تا چه‌ند خواسته‌كانی له ئیداره‌ی عێراقیدا جێبه‌جێ ده‌كرێت و كێشه‌كانی نێوان ئێمه و به‌غدا چاره‌سه‌ر ده‌بێت یان دەڵێت هیچ مه‌سه‌له‌یه‌كی نه‌ته‌وه‌یی نابه‌ستینه‌وه به هه‌ڵوێستی سیاسییه‌وه). من لێرە لەو بەڕێزە دەپرسم ئایا ئەمە بانێکەو دوو هەوانییە؟ هەمیشە هەڵوێستی سیاسی ناوەخن و کرۆکی هەڵوێستی نەتەوەیەک و نیشتیمانێک بووە گەر لەسەر نەتەوەیەکی ژێردەستی وەک کورد قسەدەکەن. هەموو چلاکوانان و چاودێرە سیاسییەکان پێیان وایە کورد خاوەنی هیچ پێگەیەک نییە لەم حکوومەتە سوونی و شیعییەی کە پێکیهێنا هەموو ئامانجەکانی حیزبە ئیقلیمییەکانی عێڕاق تەنها سەرکەوتنی دەستپێشخەرییەکەی سەرۆکی هەرێم بوو وە ئەو پۆستە کارتۆنییەی کە مام جەلال وەریگرت (بۆ ئەوەی سەری کورد بکەنەوە بە حووشتری عەرەبی ، وە کورد هەموو هێما و کارەکتەرە نەتەوەییەکانی خۆی لە دەستبدات). حەز دەکەم بەو بەڕێزە بڵێم ئایا حەوت ساڵ مەحەک نییە بزانین عێڕاق چییە و کێ خاوەنێتی و ئیستراتیجێتی عەرەب چۆنە ، ئایا هەموو کورد بە (پەڕلەمانتارەکان ،سووپا سالار ،جێگری ئەنجوومەنی وەزتران ،وەزیرەکان و سەرۆک کۆمار... هتد) توانیان یەک مەتر لە خاکی داگیرکراوی کوردوستان بخەنەوە سەر ئەو نیشتیمانەی کە کردیان بە ئقلیمێکی سێ شاری.بەداخەوە ئەمەشیان تراژیدییایەکی گۆڕانخوازانە. کە بە هەمان نەخشەی هاوپەیمانی بیردەکەنەوە. وە هیچ سووکە ئەجێندایەکی تریان لا نییە.
٣/ ئیستراتیجێتی کورد ئەمڕۆ لە بەغا فڕی نییە بەسەر نەتەوەوە ، هەمووی کات بەسەر بردنە و درێژکردنەوەی کاتی بەسەرچووە،تەنانەت دەوام کردنیش لەو پەڕلەمانە بووە بە شەفت ،ئەو هاشەوهووشییەی دەیکەن لە بەرامبەر میدییاکان تەنها بۆ سپی کردنی ڕووی سیاسیانە و سەلماندنی بوونیانە لە خزمەتکردن بە عێڕاق و پاراستنی کوورسییەکانیانە. هەڵوێستی سەرانی کورد لە بەغا حەوت ساڵ پێش ئێستا زۆر کوردانەتر و بەهەڵوێستر بوو بەرامبەر عەرەب ، ئەمڕۆ کوردی سیاسەتیچی لە بەغا لە پاشەکشێدایە و خاوەنی باڵۆنێکی بەتاڵن لە خزمەتکردنی کێشەکانی کورد یەک سەروەریی بڵێن کە بۆ کوردیان دەستەبەر کردووە لە (لە پارەی باش وەرگرتن و مێزی میوانداری ، ڕۆشتن بە ئیفاد ، پارووی چەور ، دامەزراندی کچ و کچەزاو و کووڕە زاو و ئامۆزاو خزمی نزیکیان لە پۆست و پلەی بەرز) چیان بۆ کورد کردووە لە بەر ئەوە ئیستراتیجێتی کور دتەنها مووچەخۆریە بۆ عێڕاق ، گەر یەک مانگ ئەو ١٧% ببڕێت ، بە زاوییەکی ٣٦٠پلەیی دەگۆڕێن بەرامبەر ئەو عێڕاقەی کە بەقەدەر نەتەوەی عەرەب پێوەی ماندوو بوون.(((کورد دەڵێت تا بیکەی بێگانە پەرستی هەر دەهێنی نووشووستی))).
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
