چەند زانیاریەكى ڕاچڵەكێنەر لە كتێبی ئەو (حەسەن بەنا) یەى كە كەس نایناسێت

Friday, 15/07/2011, 12:00

2057 بینراوە

به‌شی دووه‌م.
توند وتیژى لە تەعالیمەكانى مورشیددا
لەو بەشەدا نوسەر (حلمی النمنم) لەو بەشەدا باس لە توندوتیژى گروپە ئایینیەكان دەكات وباسی ئەوە دەكات كە ئیخوان لەگەڵ ڕودانى هەركارێكى توندوتیژ شانازى بەخۆیان دەكەن كەوا ئەوان میانەڕەون بەڵام ئەوەى ژیان وتەعالیمەكانى حەسەن بەنا بخوێنێتەوە دەزانێت كەوا ئەو گروپ وگروهانە لە پاڵتۆی ئیخواندا دەرچوون، بەبەڵگەى ئەوەى (شوكری مستەفا) ئەندام بوو لە ئیخوان ویەكێك بوو لەوانەى دادگایی كرا لە ڕێكخراوى سەید قوتب لە ساڵی 1965ن هەروەها جەمال بەناى برا بچوكى بڵاویكردۆتەوە كەوا ێالح سریە قوتابیەكى حەسەن بەنا بوە ونامەیەكى پڕ لە سەرسامى بۆ حەسەن بەنا نوسیوە، ئەو ێالح سریەى كە سەرۆكایەتى هەوڵێكى كودەتاى كرد كە ناسراوە بە عەمەلیەى (الفنیە العسكریە) لە ساڵی 1974 لە قاهیرە. (ل 34)
ئینجا نوسەر دەڵێت ئەگەر ئەوەى باسمان كرد قابیلی ڕەخنە وتانە بن بەڵام زۆربەى ئەو بیرۆكە توند وتەكفیریانە لەنێو (رسالە التعالیم) ى حەسەن بەنا دەدۆزرێنەوە ئەو رسالەیە ئاڕاستەى هەموو ئەندامانى ئیخوان نەكرا بوو بەڵكو وەك لە سەرەتای رسالەكەدا دەڵێت:"ئەوە پەیامى منە بۆئیخوانە موجاهیدەكان لە نێوان الاخوان المسلمین، ئەوانەى باوەڕیان بە بەرزى دەعوەكەیان وقودسیەتى بیرو وفیكرەكەیان هەیە، وعەزیمەتیان كردوە پێەوە بژین ولە پێَناویدا بمرن، تەنها بۆ ئەوانە ئەو وشەیە كورتە ئاڕاستە دەكەم . ئەو وشانەش وانە نین بۆ لەبەركردن بەڵكو تەعلیماتن بۆ جێبەجێ كردن" (ل 34)
لە تەعلیمى ژمارە 16 بەنا داواى دابڕان دەكات لە هەموو جۆرە وەزیفەیەك لە حوكمەت تەنها ئەگەر یەكێك ناچار بێت و ئەگەر لەوەزیفەدا بووش با وازى لێ نەهێنێت تەنها ئەگەر پێچەوانەى كرد لەگەڵ ئەركەكانى دەعوەدا!!
لە تەعلیمى 21 داوا دەكات " خزمەتى سامانى ئیسلامى گشتى بكرێت بە هاندانى بەرهەم ودامەزراوە ئیسلامیەكان وتاپێت بكرێت نەهێڵی هەتا قرشێكیش بكەوێتەدەستێكى نا ئیسلام"
ئەوەش لەناو وڵاتێكى فرە ئاییندا كێشەیەكى زۆر دروست دەكات ئینجا چی دەكرێت ئەگەر موسڵمان پێویستى بە بەرهەمى نا ئیسلامى ناوەكى ودەرەكى هەبوو وەك دەرمانى نەخۆشیەكانى شەكرە ودڵ وشێرپەنجە كە زۆربەیان بە دەستى نا موسڵمان دروست دەكرێن (ل 35)
لە تەعلیمى 25 بە حەرفی داوا دەكات: " موقاتەعەى دادگا ئەهلیەكان وهەر قەزایەكى نا ئیسلامى بكەیت، وهەروەها موقاتەعەى یانە ورۆژنامە وكۆمەڵە وقوتابخانەكان و هەیئاتەكان بكەیت كە بەرهەڵستى بیرۆكەى ئیسلامی تۆ دەكەن" كە ئەوەیان هەرە ترسناكترینی تەعالیمەكانە بەماناى موقاتەعەى دەوڵەتى نوێ ودەسەلاتى دادگایی بكات، ئەو دەسەڵاتە قەزائیەى كە ڕێكخەرى كۆمەڵە لە بەندەكانى ماف و ئەركە یاسایەكاندا. (ل 36)
لە تەعلیمێكى ترى ترسناكدا ژمارە 35 دا هاتوە:"ان تحارب اماكن اللهو فچلا عن ان تقربها" لێرەدا چەمكى شوێنەكانى ڕابواردن دیاری نەكردوە، چونكە بابەتەكە رێژەییە، كەسانێكى موحافیزكار هەن هەتا چایخانەكانیش بە اماكن اللهو دەزانن، ئینجا جۆری موحارەبە كردنەكەشی دیار نەكردوە ئایە بە تەقاندنەوەى دەكرێت یان بە شكاندنى كەل وپەلەكانیدا، واتە حەسەن بەناى مورشید كارى لێكدانەوەى بۆ خودى (موجاهیدەكان) جێهێشتوە وەك مەسەلەى كوشتنى موستەشار الخازندار وەك كەسانێكى ئیخوان دەگێڕنەوە كە بەنا لاى سەرۆكى رێكخراوى تایبەتى چەكدارى عبدالرحمن السندى وتویەتى: "خۆزگەخوا رزگارى دەكردین لێی... ئەگەر یەكێك لەدەستى ڕزگارى كردباین) وسەرۆكى رێكخراوى تایبەتیش ئەو قسانەى بەناى بە فەرمانێكى ڕاستەوخۆی كوشتنى خازندارى حسێب كرد.. (ل 37)
لە بەشی پێنجەم باسی كوشتنى د. احمد ماهر دەكات لە35 فبرایەرى 1945 دا كە چۆن بكوژەكەى (محمود العیسوی) ئیعترافی نەكردوە بە پاڵنەرى تاوانەكەى تا شێخ سید سابق لە رۆژنامەى (المسلمون) دانیپێدانا كە بەدەستى رێكخراوى تایبەتى ئیخوان كوژرا وهەروەها گوتى كە العیسوی سەر بە رێكخراوى تایبەتى بوو بە شێوەیەكى نهێنى هەرچەندە بۆ تەمویه وپەردەپۆشی ببوە ئەندامى حزبی نیشتیمانى، گرنگى شایەدیەكەى سید سابق لەوەوە دێت كە خۆی ئەندامێكى كاراى رێكخراوى تایبەتى بوو. (ل 44)
شایەدى دووەم لە شیخ احمد حسن الباقوری دا دەرچوو، ئەو پیاوەى كە خەریك بوو ببێتە مورشیدى گشتى اخوان لە پاش بەنا بەڵام لەبەر لایەنگیرى مەلیك فاروق حسن هوزەیبی بوە مورشید. باقورى لە یاداشتەكانى لە رۆژنامەى (المسلمون) دا بەو شێوەیە باسی ئەو بابەتەى كرد: "لە بەدبەختى دەعوەدا ئەو رێكخراوى تایبەتى یە بڕیاریدا تۆڵەى خستن وسەرنەكەوتنى مورشید لە هەڵبژاردنەكانى دائیرەى ئیسماعیلیەدا بكاتەوە، وبەپەرۆشترین كەس بۆ بیرۆكەى تۆڵەسەندنەوە پارێزەرێكى لاو بوو مەشقی دەكرد لە نوسینگەى عبالمقێود متولی، ئەو پارێزەرە لاوەش ناوى (محمود العیسوی) بوو، هەركە حكومەتى د. احمد ماهر جاڕی جەنگیدا لە دژی وڵاتانى میحوەردا تا میسر بتوانێت ئامادە بێت لە كۆنگرەى سوڵح ئەگەر دیموكراتیەت سەركەوت بەسەر نازیەت وفاشیەت... رێكخراوى تایبەتى ئەوەى بە هەل زانى بۆ تۆڵە سەندنەوە لە سەرۆك وەزیران بۆیە (محمود العیسوی) ئاڕاستە كرد بۆ كوشتنى د. احمد ماهر پاشا ئەویش توانى لەناو پەرلەماندا كۆتایی بە ژیانى بهێنێت، ئەو ژیانەى كە ئەو بە میسرى بە خشیبوو لەوەتى نیشتمانپەروەرى ناسیبوو، ڕەحمەتێكى گەورە وفراوانى خواى لێ بێت" (ل 45 -46)
هەرچەندە هیچ بەڵگەیەك نەبوو كە ئەو هەڵبژاردنە تەزویری تێدا كرابێت سەرەڕاى ئەوەش بەنا خۆی خەڵكى ئیسماعیلیە نەبوو ولە 1932 شەوە ئەوێی بەرەو قاهیرە بەجێهێشتبوو پاش ئەوەى چەندین كێشەى لە دواى خۆی جێهێشتبوو.
بە نیسەبەت (محمود العیسوی) كە بەرەسمى سەر بە حزبی نیشتیمانى بوو، ئەوە محمود عساف لە یاداشتەكانیدا چارەسەری ئەو مەتەڵەمان بۆ دەكات كە باسی چاندنى ئەندامە ئیخوانیەكان دەكات لە ناو حزبەكانى ترى میسریدا وەك شیوعی و (مێر الفتاە) هەندێكیان مانگانەشیان بۆ بڕیبۆوە، كەوابوو سمینى دیوارى حزبەكانیتر لەناو ئیخواندا بنەمایەكى كارپێكراو بوو ئەوەش لە بنەڕەتدا پرنسیپێكى موخابەراتى بوو. (ل 49)
كارى ئەو رێكخراوى تایبەتى یە هێندە ئاڵۆز بوو تا ئەو ڕادەیەى هەندێك پێیان وایە لە دەست بەناش دەرچوبوون، بەڵام السندى سەرۆكى ئەو رێكخراوە هەردەم دەیگوت: كەوا حەسەن بەنا فەرمانیان پێدەكات بۆ هەر كارێك، شێخ محمد الغزالی لە (من معالم الحق فی كفاحنا الاسلامى الحدیپ) دا دەڵێت: "بەنا رێكخراوى تایبەتى دروست كرد كە بریتی بوون لەو لاوانەى مەشقیان دەكرد لەسەر كوشتار... ئەو لاوە نهێنیانە شەڕێكى گەورە بوون بەسەر جەماعەت لە دواییدا دەستیان كردە رشتنى خوێنى یەكتر وبوونە ئامرازى تێكدەرى وتۆقاندن لە دەستى كەسانێك فیقهیان نەبوو لە ئیسلامدا..." الغزالی لێرەدا ئاماژە دەكات بۆ كوشتنى سید فایز لەلایەن رێكخراوى تایبەتى كاتى قوتوێك شیرینى بۆمبكراویان بۆ ناردە ماڵەوە، هۆكەشی دەگەڕێتەوە بۆ ئەوەى كە مورشیدى ئەو كاتە حسن هوزەیبی بڕیارى دابوو سید فایز بكاتە بەرپرسی رێكخراوى تایبەتى...
"د.عبدالعزیز كامل لە یاداشتەكانیدا دەڵێت لە ساڵی مارسی 1948 ئامادەى كۆبونەوەیەك بوو لە مەڵبەندى گشتى ئیخوان بە ئامادەبوونى مورشیدى گشتى حەسەن بەنا وسەرانى تەنزیمى خاێ (رێكخراوى تایبەت) كۆبونەوەكە دەربارەى كوشتنەكەى المستشار احمد الخازندار بو. ئوستاد بەنا گوتی: ئەوەى ئەو گوتیەتى دەربارەى حوكمەكانى خازندار دەربارەى كەیسەكانى ئیخوانەكان ئەوەندە بوو (خۆزگە خوا لە دەسى رزگاری كردباین).یان خۆگە لێی رزگار دەبوین، یان خۆزگە یەكێك لە دەسى رزگاری كردباین، ئەو مانایەش لە چوارچێوەى خۆزگە دەرناچێت وناگاتە سنورى فەرمان كردن، چونكە فەرمان دیاریكراوە بۆ كەسێكى دیاریكراویشە، ئەوەى فەرمانى دەرنەكردوە واتە كەسیشی تەكلیف نەكردوە بە جێبەجێكردنى" (عبدالعزیز كامل: فی نهر الحیاە ێ 46، المكتب المێری الحدیپ، گ 2006 م)
ئینجا د. عبدالعزیز كامل دەڵێت كە پرسیارێكى ئاراستەى بەنا كرد:
- فەزیلەتتان فەرمانى راشكاوتان بۆ عبد الرحمن السندی دەركردوە؟
- نەخێر.
- خوێنى خازندار بە ئەستۆی خۆت دەگریت وپێیەوە دەچیتە حزوری خوا لە رۆژی قیامەتدا؟
- نەخێر.
هەمان پرسیارەكانى لە عبد الرحمن السندی بەرپرسی رێكخراوى تایبەتى كردوە بەو شێەیەك
- فەرمانت لە كێ وەرگرتوە لەو بارەیەوە؟
- گوتى: لە ئوستاد (حەسەن بەنا)
- خوێنى خازندار بە ئەستۆی خۆت دەگریت وپێیەوە دەچیتە حزوری خوا لە رۆژی قیامەتدا؟
- نەخێر.
لە كۆتایدا عبدالعزیز كامل دەڵێت بە عبد الرحمن السندی گوت: "ئوستاد نكولى لێدەكات وتۆ نكولی لێدەكەیت، ئوستاد تەبەرا دەكات تۆش تەبەرا دەكەیت" عبد الرحمن السندی لە وەڵامدا گوتى: كاتێ ئوستاد دەڵێت كە ئەو ئاواتەخوازە رزگاری بێت لە الخازندار، ئەو حەز ورەغبەتەى ئەو لە رزگار بوون لێی فەرمانێكە لەلاى ئەودا" (ل59 -60)
نوسەر لە تەعلیقێكدا لەسەر ئەو بابەتەدەڵێت: " هەرچەندە هەردوو لا نكولی دەكەن ومورشید دەڵێت ئەو فەرمانى نەداوە بەڵكو تەنها تەمەناى كردوە رزگارى بێت لە خازندار، هەتا ئەگەر بە شێوەیەكى ڕاستەوخۆش فەرمانى نەدابێت ئەو هەر بەرپرسیارەتى هەڵدەگرێت، ئەگەر سەرۆكى دەوڵەتێك لەگەڵ سەرۆكى موخابەرات دانیشێت وبڵێت كە ئەو ئاواتەخوازە رزگاری بێت لە كەسێك ، ئەو قسەیە لە روى پراكتیكیەوە فەرمان كردنە بە شێوەیەكى ڕاستەوخۆ... بابەتى فەرمانى ڕاستەوخۆ و فەرمانى ناڕاستەوخۆ تەنها سوفسەتەیەكى اجرائییە، كێشە نییە مورشید ئاواتەخوازی دەرببڕێت لەنێو خەڵكى ئاسایی ، بەڵام لە نێو خەڵكى جەنگاوەر كە لە ژێر فەرمانى ئەون وخۆی سەركردەى باڵایانە كارەكە جیاوازە" (ل 60)
هەتا سەركردەیەكى ترى رێكخراوى تایبەت محمود الێباغ لە یاداشتەكانى خۆی (التێویب الامین، ێ 33) كە بەژدارى ئەو كۆبونەوەیە بوە بە شێوەیەك لە شێوەكان پشتڕاستى هەڵوێستى عبد الرحمن السندی دەكاتەوە كاتێك جەخت لەسەر ئەوە دەكاتەوە "كە هیچ سەركردە وبەرپرسێك لە رێكخراوى تایبەت بۆیان نییە هیچ كارێك بكەن بەبێ روخسەت وفەرمانى مورشیدى عام، و هەموو كارەكانى سەرانى رێكخراوى تایبەت بریتیە لە كارە رێكخراوەیی وپەروەردەییەكان ودانانى پلانى جێبەجێكردن بۆ ئەو ئۆپەراسیۆنانەى كە فەرمانیان بۆ دێت بە جێبەجێكردنى لە لایەن كەسی مورشیدى عام" (ل 61)
كەوابوو مورشیدى عام حەسەن بەنا لێرەدا لەبەرامبەر تاوانى خوێنڕشتنە وئامادە نییە بە ئەستۆشی بگرێت و كەسی بەرپرسیش لێی سزا نادات وبەپێی ئیسلام كوشتنى هەڵەش سزاى هەیە كەچی هەر بێدەنگى لێكرا وەك بڵێی هیچ ڕوینەداوە، ئەو خوێن ڕشتنە ئاسانەى كەسانى تر رێگاى ئاسانتر كرد بۆ كەسانى تر خوێنى ئیخوانەكان وخودى مورشیدى عام بڕێژن...
دەبوایە مورشیدى عام چاكتر چاوى بە زەرورەتى وجودى رێكخراوى تایبەت بخشێنێتەوە نەك ئە رێكخراوە زیاتر بەكار بهێنێت بۆ تەسفیە كردنى نەیارەكانى چونكە ئەو كارانە یارى كردنە بە ئاگر...
"شتێكى تر كە زیاتر دەیسەلمێنێت كە حەسەن بەنا ئاگادار بوە وفەرمانى دابوو بە كوشتنى المستشار احمد الخازندار ئەو ڕوداوەیە كە نوسەر وكەسایەتى ناودار فتحی رچوان لە وتارێكیدا لە گۆڤارى الدوحەى قەتەرى باسی دەكات ئەوەیە كە لە ئێوارەى ئەو رۆژەى خازندار تیرۆر كرا بە شێوەیەكى سەرپێیی چاوى بە حەسەن بەنا كەوتن و بەنا بەو پەڕی متمانە بەخۆوە پێیگوتبوو :(هە.. هل ادرك الناس الان ما یمكن ان نفعلە) واتە ئێستا خەڵكى دەزانێت كە ئێمە چیمان پێدەكرێت؟! (ل 62)
لە بەشی پێنجەمى ئەو كتێبەدا نوسەر باسی بیانوەكانى ئیخوان دەكات بۆ كوشتنى النقراشی لە 1948، ئەویش ئەوەیە كە النقراشی بڕیاری هەڵوەشاندنەوەى ئیخوانی داوە لە وەڵامدانەوەى فەرمان وفشارەكانى هێزە بێگانەكانى ئینگلیزى وفەرەنسی وئەمریكى، ئەو فەرمانانەش بە پاڵنەرى زایۆنیزمى دەرچوە وەك تۆڵەیەك لە رۆڵی قارەمانانەى ئیخوان لە جەنگى فەلەستین، وئەگەر جەماعەت حەل نەكرابا ئەوە هێندەى نەمابوو فەلەستین بەدەستی ئیخوان ڕزگار بكرێت وئیسرائیل بە یەكجارى لەناو ببرێت!! وەك محمود الێباغ ود. حسان حتحوت وكەسانى تر وا دەڵێن...
مورشیدى عام حەسەن بەناش كە برەو پێدەر وتیۆریستى ئەو بیروبۆچونە بوو ئەو قسانەى هەمووى دوبارە كردۆتەوە لە یاداشتنامەیەك لە ژێر ناونیشانى (قچیتنا) وەك وەڵام لەسەر یاداشتنامەكەى عبد الرحمن عمار وەكیلى وەزیرى ناوخۆ سەبارەت بە هەڵوەشاندنەوەى جەماعەت: لەو یاداشتنامە یەدا هاتوە:" ئەستەمە پاڵنەرى هەقیقی بۆ ئەو هەنگاوە بوێرەى حكومەت تەنها گومان بێت لە ئامانجەكانى ئیخوان یان وەك سەرچاوەیەك بۆ هەڕەشەكردن بن لە ئسایش وئاشتى، كە ئەوەش هیچ بەڵگە وبورهانێكى لەسەر نییە، پاڵنەرى هەقیقی بە مەزەندەى ئێمە لە هەل قۆزتنەوەى بێگانەكانە لە ڕوودانى چەند ڕوداوێك لەگەڵ شڵەژانى سیاسەتى نێودەوڵەتى ونیگەرانى هەڵوێست وبارودۆخى فەلەستین، وسیاسەتى هەنگاوێ بۆ پێشەوە ویەكێكى تر بۆ دواوەى میسرە بۆیە فشارەكانیان لەسەر حوكمەت زیاتر توند كرد، هەتا عمار بەگ یش ئەو لێدوانەى دا، ودانی بەوەدا هێنا كە باڵوێزەكانى ئینگلیزى وفەرەنسی وئەمریكى لە شارى فاید كۆبونەوە وبۆ النقراشی یان نوسی بە ڕاشكاوى داواى پێویستى هەڵوەشاندنەوەى ئیخوان یان كردبوو، دەبوایە بەڕێزیان بەرپەچی دابانەوە لەو دەست تێوەردانە لە كاروبارى ناوخۆیی...لەجیاتى ئەوە وەڵامى ئەو ویستە بێگانەیەى دایەوە وبڕیاری هەڵوەشاندنەوەى دەركرد وبەو شێوەیە دوژمنى پێخۆش كردین وئیماندارانى غەمگین كرد" (ل 68)
نوسەر لە كۆمێنێكیدا لەسەر ئەو ڕوداوە دەڵێت: "ئەو دەقە گوزارش دەكات لە غرور ومتمانەیەكى ڕەها بە خود كاتێ وا دڵنیا كە ئەستەمە بڕیارى هەڵوەشاندنەوە لەبەر ئەو هۆیانە بن كە لە یاداشتنامەكەى عبد الرحمن عمار هاتوون، دوایی دەكەوێتەوە ناسازى لە قسەكانى كاتێ دەڵێت"هەندێ ڕوداو ڕویان دا" بێ ئەوەى دەستنیشانیان بكات، یان دیارى بكات كێ ئەنجامى داون، بەڵام لە نێو ئەو ڕوداوانە (ڕەشەكوژی سەرۆكى دادگا بوو لەسەر شەقامى گشتى..بەنسبەت خستنە پاڵی چیرۆكى كۆبوونەوەى هەرسێ سەفیرە بیانیەكەش بۆ عەمار بەگ، ئەوە عەمار بەگ ئەو قسەیەى بەناى بەدرۆ خستەوە لە دواییدا ونكولى لە گوتنى كرد لە هەموو لێكۆڵینەوەكانى دادوەرى گشتى لەپاش كوشتنى نەقراشی... حەسەن بەنا لەو بەشەدا درۆی دەكرد وشوێن كەوتوانیشی باوەڕیان پێدەكرد، بەڵگەنامەیەكى زۆر ئاشكرابوون لە دوای شۆڕشی 23ى یۆلیۆی 1952 ئەگەر شتگەلێكى وەها ڕویاندابا ئەفسەرە ئازادەكان نەیان دەشاردەوە، سەرەڕاى ئەوەى كە بەڵگەنامە بێگانەكانى دەربارەى ئەو قۆناغە ئاشكرا كران لەوەش گرنگتر پەیوەندیەكانى ئەو سێ وڵاتە (بەریتانیا وفەرەنسا و ئەمریكا) تا ئەو ڕادەیە لێك نزیك نەبوون، چونكە ئەمریكا هەوڵى لابردنى هەردوو دەوڵەتەكەى دەكرد لە ناوچەكە..." (ل 69)
بە نسبەت كێشەى فەلەستین یش، ئیخوان تەنها لایەن نەبوون لە بایەخ دان بەو كێشەیە ویەكەم لایەنیش نەبوون، بەڵكو لەوەتى كێشەى فەلەستین هاتۆتە ئاراوە دەوڵەتانێك وئەحزابێكى زۆر نانى پێوە دەخۆن ئەوە دەولەتى سوریایە چل ساڵە هەر قەوانى كێشەى فەلەستین لێدەدات وخەڵكى پێ هەڵدەخەڵێنێت ، وئەوە حزب الله ى لوبنانى هەموو ئامانجى تەبشیری شیعەگەرێتى لە ڕێگاى كێشەى فەلەستین جێبەجێ دەكات، لە لێدوانێكى بۆ گۆڤارێكى ئێرانى نێر الله لە وەڵامى ئەو شیعە توندڕەوانەى كە ڕازینەببوون حزب الله هێندە خۆی خەریك بكات بە كێشەى فەلەستین كە زیاتر كێشەى سونە ناێبیەكانە وتبوى ئێمە خۆشەویستى شیعە وحوسێن وێحیفەى سەجاد مان بردە ناو هەموو ماڵێكى سونە لەسەر كۆڵى كێشەى فەلەستین!!! داهێنانى ئیخوان لەوەدایە كە ئەوان یەكەم حزب بوونە كە ئەو كێشەیان بەكار هێناوە بۆ پروپاگەندەى سیاسی ئەگینا حزبی مێر الفتاە یەكەم كەتیبەى خۆبەخشی جەنگاوەرى ناردە فەلەستین لە ساڵی 1948 پاش سەردانى احمد حسین بۆ فەلەستین، هەتا جەماعەتى شباب سیدنا محمد لە گۆڤارى نەزیر نوسیبویان: " كلمە حق یجب ان تقال.. مێر الفتاە تتقدم الێفوف" (ل 75)
ئینجا هەر لە گەرمەى هەڵمەتى پارە كۆكردنەوە بۆ كێشەى فەلەستین، ناكۆكیەكى گەورە تەقیەوە لە نێو ئیخوان لە نێوان حەسەن بەنا وكۆمەڵێك لە ئەندامان لە سەرەتاى 1940، كاتێ ئەو ئەندامە یاخیانە لە گۆڤارى نەزیر لە 1ى فبرایەرى 1940 بەیانێكیان بڵاوكردبۆوە ب ناونیشانى: "قچیە فی سبیل الله... موقفنا النهائی من جمعیە الاخوان المسلمین" (دۆزێك لە پێناو خوادا...هەڵوێستە كۆتاییمان دەربارەى جەمعیەتى ئیخوان المسلمین) لەو بەیاننامەیەدا ڕەخنەیان لە حەسەن بەنا گرتبوو لە چوار كێشەى سەرەكیدا كە سێیەمیان بە ناونیشانى (التلاعب المالی) تێیدا هاتبوو كە داوایان لە مورشیدى عام كردوە دەستەیەكى بەهێز و وریا دروست بكات بۆ چاودێرى دراوى وپاراستنى ولێپرسراو بن لەبەردەم ئیخوان، كەچی فەزیلەتى مورشید گوێی لەئاست ئەو داخوازیانە داخست وپشتى لێكرد كە داوایەكى عادیلانەیە ولەگەڵ سادەترین پرنسیپەكانى كارگێڕی دەگونجێت" (ل 71)
لدواییدا باسی دەستێوەردانى دراوى دەكەن بە ژمارە لەو بەیاننامەیەدا كە 18 كەس واژۆیان كردبوو ئەندامێكى پێشوى مكتب ارشاد وچەندین ئەندامى ئەقالیم وكۆلیژەكانى زانكۆی قاهیرە و ئەزهەرى تێدابوو كە لە دواییدا جەماعەتى (لاوانى محمد h) یان پێكهێنا. ئەو تۆمەتانەى كە لەو بەیاننامەیەدا هاتبوو زۆر ڕوشێنەر بوون بە هەقی حەسەن بەنا بەتایبەتى دەربارە تۆمەتە مالیەكان وسەرەڕاى تۆمەتێكە تر كە پەیوەند بوو بە بابەتى ڕەوشتى هەبوو.. پاش وەڵامدانەوەى حەسەن بەنا زیاتر توڕەبوون وتاوانباریان كرد بە شێواندنى ڕاستیەكان لەوەڵامدا نوسیبویان: " تۆ ئەمین نەبویت لەگێڕانەوەى ڕوداوەكان وشێواندنت بە توندترین شێواز لەوانەیە هێشتا ئەو فەرمودەى پێغەمبەرت h لەبیر مابێت كە دەڵێت ئیماندار لەوانەیە غەش بكات ولەوانەیە دزى بكات بەڵام هەرگیز درۆ ناكات" (ل 74)
ئینجا نوسەر باسى زیادەرەوى ئیخوان دەكات لە ڕۆلیان لە كێشەى فەلەستین، ودەڵێ لە یەك ملیۆن ئەندام كە ئیخوان دەڵێن هەیانبوو تەنها 600 كەسی خۆبەخشیان هەبوو بۆ جەنگ لە فەلەستین، وئەو ئەركانەى پێیان درابوو ئەركى جەنگى سوك بوو، چونكە لەشكرێكى نیزامى نەبوون وچەكەكانیانیش سوك بوون هەتا " شەهیدى قارەمان احمد عبد العزیز لە ڕاپۆرتیكیدا كە بۆ سەرۆكى كۆمكارى وڵاتانى عەرەبی بەرزیكردۆتەوە باسی بارودۆخى ناوچەى خواروى فەلەستین دەكات بەتایبەتى سەربازگەى نێیرات كە ئیخوانى لێبوو، ودەڵێ: " چەكەكانیان وتوقومونیەكانیان زۆر كەم وسنوردارن" باسی 119 كەسیان دەكات لە فڕگەى غەزە ودەڵێت: " ئەوانەى بارودۆخیان زۆر خراپە لە ڕووى جل وبەرگ وچەك، هەتا هیچیان نییە چەكەكانیان پێی پاك بكەنەوە" ئینجا دەڵێت: ئیخوان تەنها فەرمانیان لە شێخ فەرغەلی وەردەگرت وچالاكیەكیان ئەنجامدا لە دژى كۆلۆنی (مستعمرە)ى (كفارا ئاروم) تێیدا ئازایەتیان نواند و12 كەسیان شەهید بوون و6 یانیش زامدار بوون، بەداخەوە جێبەجێكردنى پیلانەكە لە سەركردایەتیدا زۆر خراپ بوو وهەروەها چەكەكانیان گەنجاو نەبوون لەگەڵ چالاكیەكەدا، بۆیە شەرەكیان دۆڕاند..." (ل 79)
هەروەها دكتۆر سەروەت عەكاشە كە ئەفسەر بوو لە موخابەراتی شاهانەد وبەرپرسی كەرتى خوارووى فەلەستین بوو لەشەڕی 1948 دا هەمان ڕاستیەكان دوبارە دەكاتەوە: " لە خواروى فەلەستین هێزە خۆبەخشەكان خەفیف بوو بەسەركردایەتى احمد عبد العزیز چاكترین هێزى خۆبەخشەكان لە ڕووى ڕێكخستن وچەكداریەوە هەرچەندە ئەوەش كەموكورتیەكى زۆری هەبوو لە لایەنى مەشق وچەكى نوێدا" ئینجا دەڵێت:" لەشكری زایۆنى بریتیبوو لە 40 هەزار كە لە ئاستێكى بەرزى مەشقدار بوون، سەرەڕاى 20 هەزارى تر كە لە خوارەوەى ئاستى یەكەم بوون... چەك وتفاقێكى بێ شوماریان لەبەر دەستدا بوو لە چەكى قورس وزرێپۆش وكولوپەلی جەنگى ... كە ئەوەش هێزێكى ئاگرى گەورەى بۆ لەشكریان دابین دەكرد ولەگەڵ خێرایی لە جوڵەدا" (ل 80)
ئایە خۆبەخشانى ئیخوان بە 600 كەسەوە، بە مەشقێكى كەم وسنوردار و بە چەكى سوكەوە دەیانتوانى لەشكرى زایۆنى ببەزێنن بەو هەموو چەك وئیمكانیات، وجگە لە بەژدارى زۆربەى سەربازەكانى لە جەنگى جیهانى دووەمدا، نەك ئەوە هەتا تێكڕای خۆبەخشەكان ولەشكرەكانى عەرەب كە 12 هەزار جەنگاوەر بوون دەیانتوانى ئەو ئەركە جێبەجێ بكەن؟!" (ل 81)
كەس ناتوانێت نكولی لە قارەمانیەتى تاكەكەسی بكات كە كەسانێك لە نێو خۆبەخشەكان یان لەشكرى نیزامى پێی هەڵستان.... قارەمانیەتى دەگمەنمان بینى لە كۆلۆنیل محمد نجیب وئەفسەر عبد الحكیم عامر وجمال عبد الناێر، ئەگەر قارەمانیەتى ڕیزپەڕى وەهاش لەلایەن ئیخوانەكان ڕویاندا بێت كەس ناتوانێ نكوڵیان لێبكات، بەڵام چەند نوسەرێكى ئیخوان بڵێن كەوا خەریك بوو ئیخوان ئیسرائیل تەفروتونا بكات ئەگەر بڕیارى هەڵوەشاندنەوەى ئیخوان نەدرابایە، ئەوە تەنها درۆ وتەدلیس وساویلكەیی وسەتحیەتە لەباسكردنى دۆخەكەدا، سەیر لەوەدایە كە ئەو درۆیە بەردەوام بێت وئەو تەدلیسە درێژەى پێ بدرێت لەپاش تێپەڕبوونى زیاتر لە 60 ساڵ لە لەدەستدانى فەلەستین وئاشكرابوونى ڕاستى وبەڵگەنامەیكى زۆر!!!