لیستی گۆران به شێکه له‌هێزی گۆران .....
Tuesday, 26/05/2009, 12:00
30658 بینراوە
مێژوو سه‌لماندویه‌تی , که‌گۆڕان و پێشکه‌وتن ،مه‌سه‌له‌یه‌کی پێداویستیه، هیچ هێزێک ناتوانێت تاسه‌ر بیوه‌ستێنێ. هه‌ر له‌م باره‌وه ئه‌گه‌ر سه‌یری قۆناغه‌کانی مرۆڤایه‌تی بکه‌ین، هه‌ست ده‌که‌یت ولاته کۆیله‌کان دوێنی، ئیمڕۆ بونه‌ته قوتابخانه‌ی دیموکراسی ومافی مرۆڤ.
چه‌ند ساڵێکه له‌باشوری کوردستان ره‌وتێک یان ده‌توانین بڵێین (ڕێنیسانسی سیاسی کورد) به‌ره‌و قاڵبی مه‌یدانی هه‌نگاو هه‌ڵدێنێت و بارودۆخه سیاسیه‌که‌ی شله‌ژاندوه و بۆته هێزێکی فشار لهبهرامبهر پاوانخوازی ئه‌رز وئاسمانی دوو پارت وبنه‌ماڵه‌دا . ده‌توانین سه‌ره‌تای ئه‌م گۆرانه به‌سه‌رهه‌ڵدان و هاتنه ئارای هه‌ندێ گروپی رۆشنبیرىو سیاسی و جه‌ماوه‌ری، به‌تایبه‌تی میدیای ئازاد ، له‌نیشتمان و هه‌نده‌ران لێک بده‌ینه‌وه،که‌توانیان کۆمه‌لگا هوشیار تر بکه‌نه‌وه، زۆر دیواری ترس وبڤه‌ی پۆلێ ئه‌کته‌ری سیاسی نه‌گۆری 50 ساله تێک بشکێنێنن، ناڕه‌زایه‌تی جه‌ماوه‌ری و هه‌ناسه‌ی دیموکراسی به‌رفراوانتر بکه‌ن، به‌تایبه‌تی ، تیرۆر و زیندانی سیاسی باجی قورسی لێ ده‌که‌وێته‌وه .
ئه‌م ناڕه‌زایه‌تیه به‌رفراوان و هه‌مه جۆرانه ،کاریگه‌ریه‌کانی گه‌یانده ، ناو ده‌سه‌لات ،حزب ، بنه‌ماڵه‌ی بڕیار به‌ده‌ست . ئه‌وه‌ی هێزیشی پێبه‌خشی وته‌کانی پێدا ، پێویست بونی قۆناخه‌که و خۆنه‌گونجاندنی پارتی ویه‌کێتی له‌گه‌ل هاوکێشه‌ی نوێی جیهان و درێژدانیان به سیاسه‌تی برسی و ئابلۆقه‌دانی مادی ،دهنگه ناڕه‌زایه‌تیه‌کان، چاره‌سه‌ر نه‌کردنی گه‌نده‌ڵی و په‌ڕینه‌وه‌ی بۆ ناو سه‌رجه‌م پێکهاته‌ی له‌شی حزب و ده‌سه‌لات ، هاتنی ئه‌مه‌ریکا بۆ ناوروداوه‌کان و سه‌رهه‌ڵدانی ره‌وتێکی ئۆپزسیۆنی کوردستانی به‌هێز له‌هه‌نده‌ران و هێنان و چاودێریکردنی ڕێکخراو مرۆڤ دۆست و په‌رله‌مان و میدیا ئه‌وڕپی وئه‌مریکیه‌کان .
لێکدانه‌وه‌ی هه‌ر روداو و مه‌سه‌له‌یه‌ک ، له‌به‌ها زانستیه‌که‌ی داده‌ماڵێت و به‌کارێکی هه‌رزه‌کارانه له‌قه‌ڵه‌م ده‌درێت ، کاتێک رق وقینه ، هه‌ڵچون وبڕیاری پێشوه‌ختی به‌سه‌را بدرێت ، بۆیه سه‌رباری هه‌ر ره‌خنه وتێبینیه‌کمان له‌سه‌ر نه‌وشیروان و هاوڕێکانی هه‌بێت، به‌لام ده‌بێت بابه‌تیانه هه‌ڵیان بسه‌نگێنین نه‌وه‌ک به ڕقه‌وه . که دورکه‌وتنه‌وه‌یان له حزب وگردبونه‌وه‌یان له گرده‌که و دامه‌زراندنی کۆمپانیای وشه ،به‌نزینێکی زۆری به ئاگری ره‌وتی گۆڕینی کۆمه‌لگادا کردوه ، به‌تایبه‌تی دوای راگه‌یاندنی لیستی گۆران . راستیه‌کانیش له‌م وشانه چڕده‌که‌ینه‌وه، یه‌که‌م جاره پارتی ویه‌کێتی به‌رونی ترس و دڵه‌ڕاوکێیان لهبهرامبهر هێزێک هه‌ست پێ ده‌‌کرێت، که‌به‌راده‌یه‌ک پڕۆژه له‌دوای پڕۆژه به دۆلاره شاردراوه‌کانی گه‌ل جێ به‌جێ ده‌که‌ن، له‌ئه‌هرامه‌کانیانه‌وه هاتونه‌ته سه‌رشه‌قام و ماڵه قوڕه‌کان، تائێستا دور له توندوتیژی مامه‌له ده‌که‌ن،لیستی کاندیدی ئه‌م جاره‌یان پاکتر کردۆته‌وه . ئاخر ئێمه پارتی ویه‌کێتی ده‌ناسین نه خاوه‌ن ئه‌م سیمایه‌ن، نه له‌هه‌لبژاردنه‌کانی پێشوو وا شله‌ژابون.
هه‌موو کاتێک سه‌روه‌ری بۆ دهنگه یه‌که‌م وسه‌ره‌تا‌کانه، بۆیه ئه‌م ره‌وته سه‌ره‌تایه‌ی که ناڕێکخراو و هه‌مه‌جۆر بو ،به‌لام سه‌روه‌ریه‌کی گه‌وره‌ی مێژویی بۆخۆی تۆمار کرد، که ئه‌م ڕه‌وته له‌گه‌رمه‌ی ده‌سه‌لاتی حزبی و حکومی نه‌وشیروان مسته‌فا و هاوڕیکانی له‌مه‌یدان بوو وه قوربانی و شه‌ونخونی زۆری دا،به‌ڵام گۆمه‌که‌ی پێ نه‌شله‌قا ، به‌لام به‌هاتنه مه‌یدانی ده‌نگ و ره‌نگه‌کانی گرده‌که‌و کۆمپانیای وشه‌و لیستی گۆران ،سه‌ره‌تای گۆرانه‌‌کان ته‌کانی زیاتری پێ درا که‌ده‌بێت لێره‌دا ئاماژه به‌وه بکه‌ین که بچوکترین پاشه‌کشه به‌هه‌ر بیانویه‌ک بێت ، باجێکی گه‌وره‌ی مێژویی به‌دوادێت . وه ئه‌گه‌ر مرۆڤ سه‌یری روداوه‌کانی ئیستای باشور بکات ، هه‌ست ده‌کات له‌ناو گۆڕان ده‌ژیت وه‌ک،دهنگه ناڕه‌زایه‌تیه‌کان زۆرتر و ڕێکخراوتر و بوێرانه‌تر بونه ،وه له‌حاله‌تی هیڕش بردنن نه‌وه‌ک داکۆکی و په‌راوێز ، خه‌باتی مه‌ده‌نی ودیموکراتی به‌ره‌و پێش ده‌چیت ، بڕیار له ده‌ست حزب و بنه‌ماله کالتر ده‌بێته‌وه و سه‌ره‌تای ڕێجکه یاسایه‌کان هه‌نگاوی بۆ ده‌هاوێژرێت ، ده‌سه‌ڵات له پاشه‌کشه و هه‌ولێ گۆڕینی خۆی به خێرا ده‌دات ، ترس و جه‌به‌روتی به‌ره‌و لاوازی ده‌چیت .. هه‌موو ئه‌مانه سه‌ره‌تای گۆڕانی گه‌لێک گه‌وره‌ن چونکه هه‌نگاوه سه‌ره‌تایه‌کان قورسه ،به‌ڵام ناشێت له و خه‌یاڵه بژین ، ڕه‌وتی گۆڕینی سیاسی ودیموکراتی ،به‌یه‌ک قۆناخ سه‌رکه‌وتن به‌ده‌ستدێنێت به‌لام کاروانه‌که هه‌ربه‌رده‌وام و به‌هێز ده‌بێت
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
