بازارێت كرین و فروتنا خانیا ل ئسپانیا درەوشەكا خراب دانە ژبەر لێدانێت بەنكا

Sunday, 09/09/2012, 12:00

1334 بینراوە

د هەیڤەكێ دا پتر 60 ملیار دولار ژ بەنكێن ئسپانیا هاتنە راكێشان:

قەیرانا دارایى یا جیهانى ئەوا ل سالا (2008) چێبوى گەلەك كاودانێت مەزن و نەرێنى(سلبی) گەهاندە ووڵاتێ ئسپانیا ، ناهێتە پێشبینى كرن جیاوازى و باشى یەك تێدا بهێتە كرن حەتا نوكە ، ل سەر ئاخفتنا (مارك ستاكلین) خودانێ جهێ (سبانبش بروبرتى إن سایت) یێ ئەلكترونیا خانووبەرى (العقاری) ئەڤ كەسە دبێژیت بو روژناما (نیویورك تایمز) : چێنابیت ئینكارا گهورینەكا مەزن بهێتە كرن.
هەروەسا ئیشارەت كرە وان ئاریشا ئەڤێت بازارێت ئەردو خانیا(سوق العقارات) ل باژێرێت سەرەكى ل ئسپانیا بو زێدەكرنا یەكێت ئاكنجیبوونێ لناڤ قەیرانا (الرهن العقاری) هەروەسا بەرزبوونا نرخێت یەكێت ئاكنجیبوونێ ل دەمێت (فترات الأنتعاش).
دجەند راپورتەكادا دهێتە دیاركرن مەترسیەكا مەزن یا هەى بو ژ ناڤچونا ئابوورى یا ئسپانى و ئیفلاس بوونا بەنكا ، پتر ژ (60) ملیار دولاران هاتینە راكێشان ژلایێ خودانێت حسابێت بەنكى ل ئسپانیا دهەیفا(تموز)یا بوورى دا وئەڤ راكێشانە یا بەردەوامە ، ئەڤ پارە یێ دهێتە ڤەگوهاستن بو بنگەهێت دارایى ل زیوریخ و جنێف و لەندەن.
بەرامبەر ئەڤان ئاستەنگا دابەزینا نرخى ل زوربەى جهێت ئسپانیا ب رێژەیا 75% پشتى بلندبونا وان ل سالا 2007 ، هەروەسا زڤرینا دروست كرن و ئاڤاكرنا یەكێت نوى یێت ئاكنجیبوونێ ب رێژا 95% ل سەر ئاخفتنا (ستاكلین).

هندەك كەرتێت بازارێت بچیك وەكى خانیێت مەزن(منازل فخمە) سەبارەت وان كەسێت دهێن دكرن ئەڤ كەسێن هەنێ دحازرن بو ئەداكرنا پارێ وان لسەرئێك(نقدا) بو نموونە نزم بوونا نرخا ل بەرشەلونە ما بەینا 20 و 25 % ، چونكى هەژمارێت جهێن ئاڤاكرنێ دسنوردارن وەكى ساحلێ (كوستا برافا) دكەڤیتە باكوورێ شەرقێ ئسپانیا.

(ألیكس فوغان) خودانێ كومپانیا (لوكاس فوكس) یا خانیا لێدوانا وى بو روژناما (نیویورك تایمز) زوربەى وان كەسێت تشتێت خو دفروشن ل ئسپانیا حەزدكەن ب رێكا دان و ستاندنێ فروتنێ بكەن ل سەر كێمكرنا بهایێ وان ب رێژا دناڤبەرا 10 و 15 % ، ئەڤ جەندە ژى دمینیت ل سەر وى جهى(موقع العقاری)...
(فوغان) دبێژیت بهایێ وان ڤیلا ئەوین دكەڤنە سەر ساحلى دناڤبەرا (750) هزار یورویا و (3) ملیون یورویا ، ئەڤە ژى دهێتە دیاركرن لدیف جهێ وێ كا دكەڤیتە كیش جهى و نێزكبوونا وێ ل دەریای یان ژى ل نیڤا باژێرى.

باراپتریا وان كەسێت بیانى(اجانب) ئەڤێت خانیا ل ئسپانیا دكرن ئەوروپى نە ، چونكى لدیف ئاخفتنێت (فوغانى) ئەڤ جهە دبەرنیاسن ب فرەلایەنیا روشنبیرى ئەڤە ژى وێ چەندێ رادگەهینیت بو پتر ئینانا سەرنجا خەلكى بو كرینێ ل ڤان جها ژ ئاسیا و روژهەلاتا ناڤین ، زوربەى خەلكێ بیانى خانیا دكرن ل سەر ساحلێ (كوستا برافا) ئەو كەس ژ دەولەتێن ئەوروپا باكور ب تایبەتى (بریگانیا فرنسا سویسرا هولەندا ئەلمانیا).
هەروەسا (فوغان) دبێژیت دڤان سالێت بوورى دا ئەڤان جها گەلەك كەس ژ وولاتێت دویر هاتن ئەڤان خانیا بكرن ل (كوستا برافا) وەكى (روسیا ئەمریكیا).
پێدڤى یە ل سەر ڤان كەسێن بیانى ژمارا كارتا باجێ هەبیت (بگاقە الچریبیە) دگەل ژمارا بەنكى یا نافخویى ، بەلێ وولاتێ ئسپانیا چ مەرجێت تایبەت نینن بو كرینا ئەردو خانیا ، بهایێ رسوماتێت معاملێ نێزێكى 10 % یە ژ بهایێ كرینێ ، ئەڤە ژى لدیڤ ئاخفتنا (توم میدمینت) رێڤەبەرێ (لوكاس فوكس كوستا برافا) هەروەسا باجا ڤەگوهاستنێ نێزیكى 8% یە ژ بهایێ كرینێ...

(فوغان) دبێژیت حكومەتا ئسپانیا دئەڤ سالەدا ئەڤ رێژە كێم كریە بو 4% ، ئەڤ بریارە ژى دهێتە جێبەجێكرن ل سەر عقاراتێت نوى ئەڤێت دهێنە كرین ئێكسەر ژلایێ كومپانیا گەشەپێدانا خانووبەرى بو وێ چەندێ پتر باشبونا بازارێت خانیا ب تایبەت بو وان خانیا ئەڤێت نوى هاتینە دروست كرن و نەهاتینە فروتن ، هەروەسا حكومەت هەولدەت بو دارێژتنا یاسایا كوچبەرا یا نوى رێكێ بدەتە هاولاتیێن وان دەولەتا ئەوێن نە ئەندام د ئێكەتیا ئەوروپی دا بو وەرگرتنا ئیقامێ ل ئسپانیا دەمێ ئەف كەسە خانیەكى دكریت بەلێ پێدڤى یە نرخێ وى ژ (250) هزار یورویا كێمتر نەبیت ، هەروەسا رسوماتێت توماركرنا خانى نیزیكى (1500) یورویا یە.