ده‌نگی كه‌ركوكیه‌كان بۆ كه‌ركوك
Thursday, 04/02/2010, 12:00
1067 بینراوە
كۆمه‌ڵه‌ی گه‌لی كوردستان له سوید
له‌مانگی داهاتوودا هه‌لبژاردن له‌عێراقدا ده‌كرێت و كورد ده‌كه‌وێته قۆناغێكی نوێی به‌رده‌می هه‌لبژاردن. له‌و هه‌لبژاردنه‌دا هه‌ریه‌كێك له‌نه‌ته‌وه‌كانی عێراق خۆیان ده‌توانن قه‌باره‌و هێزی خۆیان دیاری بكه‌ن . بۆ ئێمه‌ی هاوولاتی كوردستانی نه‌ك به‌ته‌نیا گرنگی له‌وه‌دایه كه به‌شداری له‌هه‌لبژاردن بكه‌ین ، به‌ڵكو له‌وه‌شدایه که‌‌ده‌توانینن چه‌ند كورسی له‌په‌رله‌مانی ئاینده‌دا مسۆگه‌ر بكه‌ین . چونكه‌سه‌رئه‌نجامی ئه‌و هه‌لبژاردنه‌ده‌بێته‌بنه‌مایه‌ك بۆ زۆربه‌ی بریاره‌گرینگه‌كانی پرسی كه‌ركوك بۆ ئاینده‌یه‌كی دوور.
ئێمه ده‌زانینن كه‌ناشۆنالیزمی عه‌ره‌بی به‌هه‌موو تایفه‌و مه‌زهه‌ب ورێكخراوه‌ئایدۆلوژیه جیاوازه‌كان ده‌یانه‌وه‌ی نه‌ته‌وه‌كانی تر په‌راوێز بخه‌ن وخۆیان بالاده‌ست بن،هه‌روه‌ها تورکومانه‌توندره‌وه‌کان به‌هه‌مان شێوه ، هه‌روه‌كو ده‌بینین له‌خۆشاردنه‌وه‌و كه‌مته‌رخه‌می كردنی له‌چاره‌سه‌ری ناوچه جێناكۆكه‌كان له‌وانه‌ش پارێزگای كه‌ركوك .
کۆمه‌ڵه‌که‌مان هه‌موو پارێزگاو شاره‌كانی كوردستان به‌گرینگ ده‌زانێ، به‌ڵام له‌هه‌موویان گرنگتر پارێزگای كركوكه، چونكه ناشۆنالیزمی عه‌ره‌بی نایه‌وێ ئاسه‌واری ته‌عریب و داگیركردنی ناوچه‌كه بسرێته‌‌وه به‌خۆشی خۆی وهه‌میشه له‌هه‌ولی پشی پشیشدایه تاكو خۆیان به‌ته‌واوی ده‌گرن و پلانه‌كانی نه‌ته‌وه‌یان جێبه‌جی ده‌كه‌ن.
ئێستا تاكه‌هیوایه‌كی ئاشتیمان له‌به‌رده‌مدا مابێت ده‌نگی هاوولاتیه كوردستانیه‌كانه له‌پارێزگای كركوك تا سه‌نگ و قورسای خۆمان به‌دیاربخه‌ین .
بۆ ئه‌م مه‌به‌سته كۆمه‌ڵه‌ی گه‌لی كوردستان له سوید بانگه‌وازی هه‌موو تاكه‌كانی ره‌وه‌ندی پارێزگای كركوك و رێكخراو لایه‌نه سیاسیه‌كانی كوردستان له ئه‌سكه‌ندنافیه ده‌كات بۆ كۆبوونه‌وه‌یێك، تا هه‌موومان پێكه‌وه به‌رنامه‌یێكی پوخت دابرێژین، به‌مه‌به‌ستی هاندان وهاوكاری كردنی هاووڵاتیه‌كه‌ركوكیه‌كان بۆ ئه‌وه‌ی زۆرترین ژماره‌یان بتوانن به‌ره‌و سندوقه‌كانی ده‌نگدان بچن. هاوكات بتوانینن كاریگه‌ریمان له‌سه‌ر هێزه‌كانی كوردستان هه‌بێت بۆ دابینكردنی پێداویستیه‌كانی هه‌لبژاردن و به‌پیروه‌چوونی ده‌نگی هاوولاتیانی كه‌ركوك.
كۆمه‌له‌ی گه‌لی كوردستان لای گرنگ نیه‌هاووڵاتیانی كه‌ركوكی ده‌نگ به‌کام لیستی کوردستانی ده‌ده‌ن ، به‌لای ئێمه‌هه‌رده‌نگێك هه‌نگاوێكه بۆ ده‌رچوونی كه‌ركوك له‌ژێر نه‌هامه‌تیه‌كانی داگیركردنی. هه‌ر بۆیه‌ش پێمان وایه ده‌نگی كه‌ركوكیه‌كان ده‌بێت بۆ كه‌ركوكیه‌كان بێت.
كۆمه‌ڵه‌ی گه‌لی كوردستان له سوید
تێبینی: ده‌توانن پێشنیاره‌كانتان پێشوه‌خت بۆ ئه‌م ئه‌درێسه بنێرن تاكو كاته‌كانی كۆبوونه‌وه‌كه باشتر به‌كاربێنین.
[email protected] كاتی كۆبوونه‌وه‌كه.
یه‌ك شه‌ممه‌رێكه‌وتی
2010/02/14
13:0 -15:30كاتژمێر
شوێن
Norgesalen
Kista trff, Stockholm
بۆ زانیاری زیاتر ده‌تونن په‌یوه‌ندی به‌م ژماره‌ته‌له‌فۆنانه‌بكه‌ن.
0046702026001
0046737005545
0046739395997
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
