کاک ئیحسانی مهلا فوئاد ئهمهیه یهکگرتوو
Tuesday, 24/08/2010, 12:00
1376 بینراوە
له روانگهی مافی وهڵامدانهوه هیوادارم توانیبێتم گهر به شێوهیهکی خێراش بێت تیشك بخهمه سهر چهند لایهنێکی بنهڕهتی که پهیوهنده بهو بابهتهی کاک ئیحسانهوه ههیه که چهند ڕۆژێك لهمهوپێش له سایتی بهڕێزتان نووسیبووی،وابزانم مافی ڕهوای خۆشمانه که وهڵام و ڕای جیاوازمان ههبێت و هیوادارم ئهم جیاوازییه فهرههنگهکهمان دهوڵهمهندتر بکات بۆ گهشتن به ئاسۆیهکی گهشتر و به سنگێکی فراوانهوه تێبینیهکانم وهرگرن
ئهمهوێت له سۆنگهی ئهم بابهتهوه چاوێکی خێرا بخشێنین به ڕووه گهشهکانی بوون و کارو مێژووی یهکگرتووی ئیسلامی له سهر گۆڕهپانی کوردستان وهکو ئهزموونێکی نوێی خهباتی سیاسی و مهدهنی و ئاینی و کۆمهڵایهتی هاوچهرخ. که بهداخهوه ئهو دهسته دهرهکیانهی که ههمیشه بهختهوهری میللهتی کوردیان نهویستووه وناوێت و ههمیشه به شێوهیهکی سلبی دهست وهرئهدهن له کاروبارهکانهوه و لێرهو لهوێ دهیانهوێت ئهو کانییه ڕوونه لێڵ بکهن له بهرچاوانی تینووانی ئازادیی ومافی مرۆڤ و دادپهروهریی و نیشتمانپهروهریی و ههر جارهی به جۆرێك دهیانهوێت یهکگرتووی ئیسلامی پێ لهکهدار بکهن،جارێک به ناوی ئهجندهی دهرهکی و جارێک به تیرۆریست و جارێکی تریش به ناوی نا نیشتمان پهروهریی هتد...
زۆر به راشکاویی و مهوزوعی جهخت لهسهر ئهوه دهکهم که گهر به چاوێکی ئینسافانهوه بڕوانینه پهیڕهو و کاری چهند ساڵهی یهکگرتوو ئهو ڕاستییهمان بۆ دهردهکهوێت که تووشی ئهو 3 ههڵه گهورهیه نهبوون که پارته گهورهکانی تری تێ کهوتوون که ئهوانیش بریتین له:
یهک/دهستییان نهچووهته خوێنی هیچ تاکێکی کوردهوه ههرچهنده خۆشیان به زۆر فۆرمی جیاواز تووشی بهرهنگاربوونهوه هاتوون و ئهمه وای لێ نهکردون عهقلانییهت و مهنتیق لهدهست بدهن و بکهونه گێژاوی بهرهنگار بوونهوهی هێزهوه، چونکه دڵنیان که ئهمه کێشهکان خهستتر دهکاتهوه و تاکهکانی کورد زۆر ماندوون بهو هۆیهوه
دوو/یارییان به داهاتی ئابووریی تاکی کورد نهکردووه و له گهندهڵیهوه نهگلاون و ڕۆژێک له ڕۆژان ئهو بودجه زهبهلاحهیان لهبهردهستا نهبووه که هێندهی هی 2 وڵاتی وهک ئوردون و یهمهن دهبێت له ساڵێکدا
سێ/ئهندامهکانیان پێشینهیهکی خاوێنیان ههیه و لهو ههموو فایله زهبهندانهی خیانهتدا پاکن و تیایدا بوونیان نییه، بگره زۆربهیان کهسانی خاوهن بڕوانامهو ئهکادیمی و مهدهنیین که ههرگیز کاریان بۆ گرتنه دهستی کورسی حوکم نهکردووه، بۆیه چهکیان ههڵنهگرتووه و ستهمیان له کهس نهکردووه
ئاشکرایه بهرنامهی کاری یهکگرتوو ههڵهێنجراوی ئایینی پاکی ئیسلام و داب و نهرێتی کوردهواریی ڕهسهنه و تێڕوانینێکی گشتگیریان ههیه بۆ ئاینی ئیسلام و به مانای ژیانی لێک ئهدهنهوه و ڕێبازێکی ئاشتیانهو مهدهنیان ههڵبژاردووه بۆ کاری خۆیان، که له ههمووی گرنگتر ئهوه بوو کاتێک جهنگهکهنی براکوژیی له گۆڕێدا بوو ئهوان بیریان له سهرپهرشتی بێوهژن و ههتیوو و نهوهی ئهنفالکراوهکان و پرۆژهکانی ئاوهدانکردنهوه ئهکردهوه، له کاتێکدا لێرهو لهوێ ئهندامهکانی ڕاپێچی زیندانهکان ئهکران و تهنانهت سهرانه لێ سهندن ئهوانیشی گرتبووهوه. ئهمه له کاتێکدایه که ههموو کارمهندهکانی ئهم گروپه میانهڕهوه نهوهی ئهم میللهتهن و ههڵقوڵاوی ئازارهکانی نهتهوهکهیانن کهچی تاوانبار ئهکرێن به خهم ساردی بۆ مافه ڕهواکانی میللهتهکهیان که ئهوان یهکهم کهسن له ههموو کۆڕ و کۆبوونهوه وپێش هاتهکاندا داکۆکییان لێ کردووهو خزمهتکردنی مرۆڤی کوردیان به کاری ئهکادیمی و کهسانی خاوهن بڕوانامه کردووهته ئامانجی سهرهکیی خۆیان و لێی لایان نهداوه و واقیعیش ئهمهی سهلماندووه، ههمیشه خاکی کوردستان به دیاریی خوای گهوره دائهنێن بۆ ئێمهی کورد و دیاریش ئهزیزه و دهبێت پارێزگاریی لێ بکرێت، بهڵام نهک به دواکهوتنی کوێرانهی ئهو دروشمانهی لێره ولهوێ ههڵئهدرێت و کهچی ههر بانگهوازکارانیشی به شێوهیهکی پراکتیزهیی دژی ئهو دروشمانه دهوهستنهوه
بێگومانم کاری مرۆڤ ههرچهندێک به وردهکاریی بهئهنجام بگهیهنرێت و به شێوهیهکی زانستی بهڕێوهبچێت ئهوا له کهم و کوڕیی بهدهر نابێت و ناشتوانیین بڵێین ههموو ئهندامهکانی یهکگرتوو فریشتهن و له ئاسمانهوه هاتوون ،بهڵام به بهراورد به پارتهکانی تر و واقیعی چهکدارێتی و گرووپچێتی نا دیموکراتی ڕهوشی کوردستان، دهتوانیین بڵێین که یهکگرتووی ئیسلامی کوردستان ههمیشه ئهستێرهی هیوایهکی پرشنگدار بووه بۆ نهوهکانی داهاتوو و کۆمهڵگایهکی تهبا و ژیانێکی شارستانی و کارێکی زانستی و ئهکادیمیانه که کۆمهڵگای ئێمه زۆر ئاتاجی جێ بهجێ کردنی ئهو شێوازهیه له ژیان تاکو لهو ههموو قهیرانه یهک به دوای یهکه ڕزگارمان بێت که ڕۆژانه ههمووان گازندهیان لێ دهکهین و گیانی شهکهتمان ماندووتر دهکات
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست