لە منەوە بۆ تۆ بۆلا سەعید

ئەو شاعیرە
زۆر ماهیرە
لەدەرباری گەورەكانا هەمیشە
دەست بەكەوگیرە
بۆ وەسفی زل
قەڵەمەكەی بە برشتە
ماست و ژارە دۆ و پەنیرە
........
ئەو شاعیرە
پیاوێكە سیفەت ژنانی
دزێكی خاوەن راو تەكبیرە
.......
ئەو شاعیرە
بۆ دۆلار بۆ ڤیلا
كۆپان لەكۆڵە بارگیرە
بۆ خۆفرۆشی
هەتا مردن بێ نەزیرە
.......
ئەو شاعیرە
ریوی شار و
شیری سەر شەقامی پان و
لەناخی مرۆڤایەتیدا
هەتا مردن هەر ئەسیرە
......
ئەو شاعیرە
لە كۆتادا قەڵەم دز
دووچاوی بز
سەریكی كز
هیوایەتی دزی و درۆ و تەشهیرە
.......................................