لەدوای شەڕی داعش نۆرەی هێرشی حەشدی شەعبیە بۆ سەر باشووری کوردستان

بەرهەرشێوازێک بێ هاوپەیمانان ناهێڵن داعش سەرکەتنی نیزامی بەدەست بێنی وببێتە مەترسی بۆ سەر ئاسایشی نەتەوەەیی وبەرژەوەندی ئابوری خۆیان. لەبەرەی ئەو جەنگانەی کە لەدژی داعش بەڕیوەدەچێ، بەرەی شەڕ لەسای دەسەڵاتی هەولێرو سڵێمانی وەک چێشتی مجێوری لێهاتووە کە کەس خەتی کەس ناخوێنێتەوە. شەڕی مانەوەی بارزانی بە سەرۆکی داسەپاو، شەڕی سیاسی لە ناو پارڵمان، داخویانی بەرپرسان لەسەر مێدیاوچاپەمەنی هێدی هێذی بۆنی ئاژاوەیەکی نەخوازراوی لێدێ کە خەریکە خۆی لەشەڕەتەقە نزیک دەکاتەوە! هاتونەهاتی مووچە لەبەغدا، رێژەی فرۆشتنی نەوت، درێژەی کاری دزسالاری و،،،،،، دەسەڵاتی ناوەندیش لە بەغدا وەک ماری سڕخۆی مەڵاسداوە بۆ رۆژی خۆی! ئاخر ئەوان مامۆستای بەئەزمون وکارامەیان هەیە، ئەوەش دەسەڵاتی تارانە لەئێران.

کۆپی چۆنیەتی داگیرکردنەوەی رۆژهەڵاتی وڵات، ئەوە خەریکە بۆ باشووریش دادەڕێژڕێ. لەرۆژهەڵات ناوی ئەو هێزە،،بەسیج،، بووە. بەڵام لە باشور ناویان ناوە،،حەشدی شەعبی،،. با بارزانی وبنەماڵەی تاڵەبانی هەرخۆهەڵاوێن وبڵێن دونیا دۆستی ئێمەیەوجێمان ناهێڵێ.لەدونیای سیاسەتدا لەوسەردەمە، ماسییە گەورەکان ئەوانی چووک قووت دەدەن هەتا بۆ خۆیان زیندوو بمێنن.

لەسەردەمی دامەزراندنی،،پاڕتی،،پاشآن،، یەکێتی،،هەتا ئەوڕۆکە ئەوجووتە حیزبە ئەوەندی کە لە دونیای دەرەوە خەریکی سازان ومامڵەی سیاسی بون کە بۆ مانەوەی خۆیان، نیو ئەوەندە ستڕاتیژیان نەبووە بۆ رزگاری نەتەوەیی. بۆ رۆژی تەنگانە، بۆ رۆژی چاوەڕوان نەکراو. بۆرۆژێک کە ئەگەردەسەڵاتی ناوەندی ویستی تاسکڵاوی شەرعی یان سیاسیان لەسەر بنێ چبکەن.ئەودەردە گرانە وایلێهات کە حیزبەکانی کون ونوێ لە رۆژهەڵاتی وڵات تووشی ژیانی ئوردووگانشینی کرد! ئەوانیش بۆ چارەسەری کێشەی کورد هیچ ئالتڕناتیویکیان دوای خۆیان بە جێ نەهێشت. ئێستێش چاوەڕوانی رەحمەتی هاوپەیمانانن کە وەک ساڵی ١٩٧٨ دەسەڵاتی ناوەندیان بۆ بڕووخێنن وئەوانیش سەلانە سەلانە بێنەوە وهەمیسان ببنەوەکەڵەگا لەسەر خەڵکی هەژار!

دەڵێن: هەولێرو سلێمانی پڕە لە عەڕەب! بە پێی قسەی ئەو کەسانەی کە لە هاتووچوودان ئەگەر ئاوا بڕوا ئەودووشآرەو شارەکانی دیش دەکەنە کەرکوک! بۆئەوەی لەداهاتوودا خال وماددەی بۆ دانێن کە ئایا کوردستانین یان عێڕاقی.! هەرکەس پێی وابێ ئەو کارە بە هەڵکەوت دەکرێ لە گوێی گادا نووستووە. لەسەردەمی مالیکیدا ئەو سیاستە بووە ستڕاتیژی ناوەند بۆ بە عەڕب کردنی کوردستان. ئێستێش بەردەوامە. هەروەک چۆن لەرۆژهەڵاتی وڵاتدا فارس وئازەری جێگیر کراون کار گەیشتۆتە ئاستێک لە ناوبنەمالەی کورددا منداڵ بە زمانی فارسی دەئاخفێ.! هەرچەند ئەورێژەیە زۆریش نەبێ بەڵام هێدی هێدی بەخشکە دەستی پێکردووە.

" پێکهێنانی،، هێزی بەرگری میللی،، "

 عەشیرەی بارزانی وبنەماڵەی تاڵەبانی ئەگەر هەزار ساڵان بە گوێیاندا بخوێنی، هەرەئەودەڵێن کە بۆ خۆیان دەیزانن! هەرکاتیش تووشێ شکست بون یەخەی،، پێشمەرگەی،، هەژار دەگرن! وبەکوشتی دەدەن. بەڵگەش ساڵی ١٩٧٥ کە شۆڕش بەقسەی کەسێک بەتاڵکراودیتمان چمان بەسەرهات. بەڵگەی دووهەمیش ئەوە٢٤ساڵ تەمەنی ئەو دەسەڵاتەیە کە لەهیچ بوارێکدا نەیتوانیوە کورخوازانی هەڵسوکەوت بکا ، ئەگەر یەک هەنگاوی باشێ هاویشتبێ ٩ هەناگاوی بەرەو دواوە ناوە. یەک وڵات لەدونیادا نابینی لەبواری سیاسی وجوغڕافیایی وێنەی کوردستان بچێ. لەوەش بترازێ چۆنیەتی بەڕێوەبردنی بەشێک لەو خاکەش وێنەی هیچ کوێی دونیا نییە. وڵاتێک هەرئان تووشی کارەسات ببێ، کەچی بەرپرسەکانی خەریکی دابەشکردنی میراتی بابوباپیریان بن. لەهەمانحاڵدا ئەوە نەهامەتیەی کە عەشیرەی بارزانی وبنەماڵەی تاڵەبانی بەسەر حیزبەکان وخەڵکی رۆژهەڵاتیان هێنا لە مێژووی گەلان دا بەدەگمەن دەبینرێ. بەشێکی مەزن لە دانیشتووانی ١٢میلیونی لە خاکی کورد بەدەستی کوردیەخسیرکرابێ! وحیزبەکانیان وەک بارمتە لە کۆمپەکاندا بەرەوتوانەوەچوابێ!

هێزی بەرگری میللی، جودا لە سیستمی هێزی پێشمەرگایەتیە.(لەرۆژئاوای وڵات ئەوهێزە دوای هێزی گریلا زۆر قارەمانانە ئەرکی نیشتمانی خۆی بردەسەر) ئەو هێزە بە پێی ئاسای نێونەتەوەیی هێزێکی قانونی ورەوایە بۆ بەرگریکردن لە گیان وکەرامەتووخاکی هەر نەتەوەیەک کە هێرشی بکرێتەسەر. کەسانێک لە چین وتوێژی جیاوازپەروەردە بکرێن. بۆ ئەو کارەش بەرپرسانی جێگای متمانەو شارەزا پێویستە. کە بەداخەوە لە سیستمی ژێردەستی ئەو دەسەڵاتە گەندەڵەدا ئەرکی ئاوا جێگای نابێتەوە هەروەها ئەو پێشنیارەی منیش قەت جێبەجێ ناکرێ چون کاک سەرۆک تەنیا لەفکری دەسەڵاتی خۆیدایە نەک پاراستنی دەسکەوتەکانی نەتەوەیی. هەڵاتنی چەکدارانی بارزانی لە بەرەی شەڕی شەنگال، رادەستکردنی ئیزەدیەکان بە دڕندەکانی داعش بەڵگەیەکی مێژووییە بۆ سەلماندنی ئەو قسەیە. ئەو جنایەتەی ئەو بنەماڵەیە دەرحەق بە ئیزەدیەکان کردی،لەهەر کوێی ئەو دونیایەدا کرابا حەوت پشتی دەسەڵات لێکۆڵێنەوەی دەگەڵ دەکرا.

" سناریوی دوای شەڕی داعش بۆ باشووری وڵات"

یەک: حیزبوڵڵای عێڕاق + حەشدی شەعبی.

دوو: حیزبوڵڵای ئێران + پاسدارو بەسیج ( حەشدی شەعبی ئێرانی).

سێ: هاوکاری نیزامی دژی دەسەڵاتی کورد لەلایەن ئێران+ تورکیە و دەسەڵاتی ناوەندی بەغدا.

چوار: هاوکاری سیخۆرەکانی ئێرانی وتورکی بۆ هاندانی حیزبە ئیسلامییەکانی باشوور وەک ئۆپۆزیسیون کە کۆمەڵگا دژی دەسەڵات بهورێژێنن.

پێنج: زەخت خستنە سەر حیزبەکانی کەمپ نشینی ( کۆیەوزڕەگوێز) رۆژهەڵاتی وڵات. یان دەبێ روولە هەندەران کەن. یان کەمپەکانیان پێ چۆل دەکەن ولەناو کۆمەڵگای باشووردا ئەوەندی دیکەش بتوێنەوە.

ئەو سناریویە بە کەڵک وەرگرتن لە تایبەتمەندی عەشیرەی بارزانی ودەسەڵاتخوازی بنەماڵەی تاڵەبانی پێک دێ. بەوواتایە کە یان دەبێ گوێ لەمستی سەتالەسەتی ئێران وتورکیە بن وتەواوی پڕۆژەکانی وان بۆ داهاتووی سیاسی خۆیان دەبێ جێبەجێ بکرێ، بۆ داهاتوویەکی نزیکیش بەغداو تورکیە لەسەر کڕین وفرۆشتنی نەفت پێکەوە رێک دەکەون سەرۆکی هەرێمیش دەبێ ئاوێ بێنێ ودەستان بشوا! ئەیاغەکانی جەلال تاڵەبانیش هەرچی سامانی دزراوی ئەو خەڵکە هەژارە دەیبەنە ناو بانکەکانی تاران! رۆڵی سووریە لەو ناوەدا بە هۆی هەبونی،،پ،ی،د،، و ی،پ،گ، و، یە، پە، ژە، وهەروەها هێزی بەرگری میللی زۆر لاواز دەبێ. لەو بارودۆخەدا دەسەڵاتی شپرزەی سووریە کارێکی ئەوتۆی لە دەست نایە. ئەوەی لە ناوەدا سەرگەردان دەبێ وناتوانێ سیاسەتێکی نەتەوەیی وەئەستۆ بگرێ بزووتنەوەی،، گۆڕان ،،ە.ئەو بزووتنەوەیە کاتیك لەو هەلو مەرجەدا دەتوانێ هەنگاوی بوێرانە باوێ کە بەبێ شەڕم وکوردخوازانە رووی لە هێزەکانی خاوەن ئەزموون وجەسووری باکوی کوردستان ورۆژئاوای کوردستان بکاو ناوخۆشدا لە تەفگەری ئازادی نزیک ببێتەوە. چون لەوەها وەزعێکدا بەرپرسایەتی تەفگەری گەلێک مەزن دەبێ. بۆیە بەبێ ڕەچاو کردنی سیاسەتێکی شەففاف ،، گۆڕان،، تووشی قەیرانێکی سەردەرگومی سیاسی دەبێ ویەکەم هەنگاو ئەوە ئێرانە ئەو هەلەش بۆ خۆی دەقۆزێتەوە.شەڕی دوای داعش یان لاوازبونی مەزنی داعش دەرفەتێکی یەکجار مێژوویی دەخوڵقێنێ بۆ بەستنی،،، کۆنگەری نەتەوەیی،،، کە ساڵەهای وەپشتگوێ خراوە.ئەو کاتە کە مرۆڤ دەتوانێ بڵێ کورد بەگشتی ،هەتا رادەیەکی بەرچاو پیلانەکانی دەروبەری مایەپووچ کردۆتەوە.

" گاڵتەی رۆژگار !"

گاڵتەی رۆژگارم زۆر بیستووە، گاڵتەی سیاسیم زۆر پێ سەیرە! لەورۆژانەدا زۆر بەڕێز،،، دوران کاڵکان،،، بە زمانێکی سیاسی وشۆڕشگێڕانە رەخنەی لە دەسەڵاتی وشیوەی بەڕیوەبردنی ٢٤ساڵ تەمەنی دەسەڵاتی کورد گرتبوو. دووران کاڵكان بە رەگەز تورکە. بزانە ئەوانەی کە لە قسەکانی ئەو بەڕێزە وێانکەوتوو، چونیان جواب داوە تەوە کە بەخۆان دەڵێن کورد،لەوەش بترازێ یەکێک لە ئەندامانی بەڕێوەبەری حیزبی،د،ک،ئێران، ئاغای قادری چی گووتووە؟( ئەوانەی ناوکەمپەکان بەخۆیان دەڵێن رێبەرایەتی کوردین لە رۆژهەڵات بەڵام..........)، ئەو کابرایە لە سەدەی ١٣دا دەژی ودەڵێ: قسەکانی کاڵکان قازانج بە یەکێتی نەتەوەیی ناگەیەنێ !!من هیچ ناڵێم بۆخۆتان وەکیل بن.

" گاڵتەی دوو"

(٢٢/٤/٢٠١٥ حەفتەنامەی ئاوێنە).قەرارە مەسعود بارزانی بچێتە ئامریکاو داوای لە کۆشکی سپی بکا بۆ دامەزراندنی ،،دەوڵەتی کوردی پشتیوانیان لێ بکەن! چون هەموو شتێک ئامادەیە بۆ دامەزراندنی دەوڵەتی کوردی!١٤مانگە پێشمەرگە فلسێکی وەرنەگرتووە، شەڕی داعش هەر بەردەوامە،ماوەی سەرۆکایەتیەکەی خەریکە تەواو دەبێ،هەڕەشەی شەڕی ناوخۆیی لە کورد دەکا،تۆبڵێی ئەو کابرایە شەوانە خەون بە چییە دەبینێ؟ ئامریکا بە چراسەوزێکی ئێران وەچەقڵەسەما دەکەوێ ،تەواوی وڵاتانی عەڕەبی بۆ خاتری کا مەسعود لەخۆی دەڕەنجێنێ؟ هاوپەیمانەکانیش وەلا دەنێ؟ لەبەر خاتری عەشیرەی بارزانی. گاڵەتەکە لەوەدایە دەخوازێ بڵێ: من دەمتوانی دەوڵەتی کوردی دامەزرێنم بەڵام ئامریکا ناهێڵێ! لەسەفەر ئامریکای کا مەسعودا باسی خاجەحافزی شیرازی بکەن، باسی دەوڵەتی کوردی ناکەن.! کوردستانی ئازاد، جودایە لەگەڵ دروستکردنی دەوڵەتی کوردی. کوردستانێک کە کورد تێدا خاوەنی دەسەڵات بێ ودێمۆکڕاسی وئازادی تێدا نەبێ،من نامهەوێ. کوردستانێک کە کاوەگەرمیانی( شەهید) بەرۆژی رووناک ئەیاغەکانی تاڵەبانی لە باوەشی دایکیدا مێشکی سەری بچڕژێنن، کەس دەنگی لێ نەیە کوا بە دروستکردنی خەونێکی خەیاڵی بە دەستی دەسەڵاتێکی هەیی رزگار دەبێ.؟ لەوەتی عەشیرەی بارزانی وتاڵەبانی لەسەرناوی رزگاری کوردستان دەستیان داوەتە چەک قەت بۆ یەک رۆژیش نەیانتوانیوە وەک سیستمێکی سەربە خۆو پشتبەستن بەگەل بژین. داییم چاویان لە دونیای دەرەوە بووە تا یارمەتیان بدەن بۆ بژیوی سیاسی خۆیان. هەولێرو سلێمانی پڕن لە کونسوڵخانەی بیانی، شەڕیکەی بیانی، کارسازی بیانی، هاتووچووی دیپڵۆماسی لەڕەدەی سەروو،،،،،،،. سەرەڕآی وانەش  نێچیروان بارزانی لەسەر خاکی کورد خەریکە قەراردادی ساڵی ١٩٧٥یان بۆ زیندووکەنەوە، بە بیانووی پاراستنی سنوورەکانی نێوان ئێران وعێڕاق! ئەگەر ئێوە دەسەڵاتن،بۆ کۆبونەوەی ئاوا گرینگ لەسەر ناوی عێڕاق وئێران قسەی لەسەر دەکرێ؟ ئەویش لەسەر خاکی ئازادی کوردستان.

جەعفەر کەریمی

٢٧/٤/٢٠١٥