دروشمی خۆپیشاندانه‌كانی مامۆستایانی سلێمانی 2016
Tuesday, 13/12/2016, 1:52
2286 بینراوە
ئاماده‌كردنی : مه‌ریوان سه‌لاح حیلمی
خوێنه‌ری به‌ڕێز ئه‌م دروشمانه‌ی خواره‌وه، دروشمی مامۆستایانی خۆپیشانده‌ری شاری سلێمانی و ده‌وروبه‌ریه‌تی له‌مانگی 9 بۆ 12 ی 2016 ، بۆیه حه‌زم كرد بڵاوی بكه‌مه‌وه چونكه ده‌شێت دێڕی تیا بێت كه ببێته سه‌رچاوه بۆ لێكۆڵینه‌وه.
1ـ ئه‌م ده‌سه‌ڵاته دزه / وه‌ك نه‌خۆشی ئایدزه
2ـ ئه‌وه‌ی نایه‌ت له‌گه‌ڵمان / رازییه به تێهه‌ڵدان
3ـ به‌باران و به ته‌رزه / مامۆستا وره‌ی به‌رزه / حكومه‌ت دێنینه له‌رزه
4ـ پێنج حیزبه‌كه‌ی كوردستان / واز بێنن له دیوه‌خان
5ـ ئه‌م حكومه‌تی دیوه‌خانه / نه‌خۆشی سه‌ره‌تانه
6ـ یه‌كێتی نیشتمانی / كوا داهاتی سلێمانی؟
7ـ چیتان ئه‌وێ مامۆستا / موچه‌ی ساڵێك پێش ئێستا
8ـ مامۆستاو فه‌رمانبه‌ران / عه‌رشی ده‌سه‌ڵاتیان به‌زان
9ـ پارتی به‌ته‌نها نیه / شه‌ریكی یه‌كێتیه
10ـ مامۆستا داعش نیه / ئه‌و هێزانه‌ی بۆچیه؟
11ـ به‌كێتی و به گۆڕان / سلێمانیان دۆڕان
12ـ بڕوخێ دز ، شه‌ریكه دز
13ـ له‌دێگه‌ڵه به‌م لاوه / وه‌زیر تڕۆ كراوه
14ـ نه‌داعشین نه‌جاشین / مامۆستای بێ مه‌عاشین
15ـ دز دز ده‌سه‌ڵات / كوانێ داهاتی وڵات؟
16ـ به‌تۆپ و به ته‌یاره / بایكۆت ناشكێ له‌م شاره
17ـ كۆیله وا له‌ده‌وامه / بوێر له‌سه‌ر شه‌قامه
18ـ ئه‌ی حكومه‌تی كه‌ڕوكوێر / ئێره نابێ به هه‌ولێر
19ـ به‌رپرسی دز و گه‌نده‌ڵ / ده‌رناچیت له سزای گه‌ل
20ـ خه‌ڵك له‌سه‌ر جاده‌یه / بۆ شۆڕش ئاماده‌یه
21ـ كێ كوردستانی فه‌وتان / پێنج حیزبه‌كه‌ی كوردستان
22ـ به كۆمه‌ڵ و یه‌كگرتوو / سلێمانیتان دا به‌شوو
23ـ ئێره سلێمانیه / كۆیله‌ی هیچ كه‌سێ نیه
24ـ حكومه‌تی پینه‌و په‌ڕۆ / ملت بشكێنه‌و بڕۆ
25ـ چیتان ئه‌وێ مامۆستا / موچه‌و نه‌وت و كاره‌با
26ـ ماڵمان ناچێ بۆ هه‌ولێر / لێره ئه‌ژین وه‌كو شێر
27ـ ئه‌م شۆڕشی سپیه / موڵكی هیچ حیزبێ نیه
28ـ زستان هات و پایز چوو/ حكومه‌ته‌كه‌ش دز ده‌رچوو
29ـ ئه‌ی كه‌ناڵی نه‌وته‌كه / كوا داهاتی نه‌وته‌كه؟
30 ئه‌ی حكومه‌تی قومارچی / پاره‌ی نه‌وتت دا به‌چی؟
31ـ نه‌وته‌كه‌مان براوه / بۆ كوردسات و رووداوه
32ـ بودجه له به‌غدا نیه / لای یه‌كێتی و پارتیه
33ـ بوێر له‌سه‌ر جاده‌یه / بۆ شۆڕش ئاماده‌یه
34ـ دایكی شه‌هید برسیه / حكومه‌تیش قاچاخچیه
35ـ پێشمه‌رگه كاری چیه؟ / پاسه‌وانی بۆریه
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
