ئاڵای کورد
Sunday, 07/05/2017, 20:43
3070 بینراوە
بۆ چیمە ئاڵا
شەکاوە بێ بە ڕووی دز و
ئەنفالچی و کورتە باڵا
-------------
بۆ چیمە ئاڵا
بە سەر کۆشكی جەردە و بکوژ
لە بەرزی بێ وەکو قەڵا
------------
بۆ چیمە ئاڵا
بەسەر بیرو تانکی نەوت
بۆ دوو گیرفانی سەوز و زەرد
هەڕاجی لیرە و ڕیالە
-------------
بۆ چیمە ئاڵا
هەژاری کورد لە سایەیدا
ڕووت و برسی و لە سواڵا
------------
بۆ چیمە ئاڵا
نەدار و هەژار لە بەریا هەڵسن
بۆ سەرۆک و بەرپرسانی
گەندەڵیش بۆتە کاڵا
---------------
بۆ چیمە ئاڵا
وەك پەرچەمی حیزبی بەعس
بۆ سوارچاك و پێنووسی مەرد
بۆتە قەسابخانە و بەڵا
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
