خۆپیشاندان بۆ بارزانی ناکەین ئەچین بۆ دیسکۆ

مەسعود بارزانی هەرگیرز بڕوای بەخۆپیشاندان و گردبونەوەی جەماوەری نەبووە ، لەوەتەی ئەم پیاوە سەر شێتە هەیە تەنها بڕوای بەشەڕ و کوشتار و داپڵۆسین بووە ئەویش بەپاڵپشتی سوپای بێگانە .

لەوکاتەوەی هاوڵاتیانی کوردستان گرد بونەوە و خۆپیشاندانیان بۆ داواکردنی مافە سەرە تاییەکانیان کردوە ، لەلایەن حکومەتۆکەکەی خێڵی بارزانەوە بەگرتن و لێدان و  کوشتن وەڵامی هاو نیشتیمانی یانیان داوە تەوە ، خۆپیشاندانەکانی  17 ی شوبات و ڕۆژانی دوای حیزبەکەی مەسعود وەڵامی بەردی بەبیکەیسی دایەوە ، لەوماوەیەدا چەندین خەڵکی سڤیل و  گەنج و منداڵیان شەهید کرد .

لەماوەی حکومڕانی یەکێتی و پارتیدا چەندین جار هاوڵاتیان خۆپیشاندانیان ئەنجام داوە بەڵام هەمیشە بە تێهەڵدان و کوشتن و ڕاونان و بەزەبری هێز بڵاوەیان  پێکراوە 

کاتێک خەڵکی کوردستان و بەتایبەت لەشاری سلێمانی کاتێک هاوڵاتیان هاتونەتە سەرشەقەمام خۆپیشاندانیان کردوە و داوای موچەو کارەبا و ئاویان کرد لەجیاتی مەسعود گوێیان بۆبگرێت و بەدەم داواکاریەکانیانەوە بچێت لەتیڤیەکانیەوە گاڵتەی بەو خەڵکە دەکردو دەی گوت  هەڵپەڕن خەبەرا بێژن چدەکەن بیکەن هیچ حسابا لۆ هێوە نایەتاکرن !

لەوکاتەشەوەی بەزمی ڕیفراندۆمی گەرمکردوە جگەلەوەی تەوای وڵاتانی جیهان و ناوچەکە و زۆر ێک لە ئێمەی خەڵکی کوردستان  تکامان لێکردوە کە ڕیفراندۆم نەکات چونکە ئەنجامەکەی باش نابێت و خەڵکی هەژار و کوڕی فەقیر تێدا زەرەر مەند دەبێت .

بەڵام مەسعود سواری سەری خۆی بوو ڕیفراندۆمی کرد و لەبەرامبەریشدا هەموومان ئەنجامەکەیمان بەچاوی خۆمان بینی .

دوای ئەوەی فڕۆکە خانە و سنورەکان و لایەک لەخاکی کوردستانی لەدەست دا و بوە هۆی ئاوارە بونی خەڵکی ناوچەدابڕاوەکان و شەهید بوونی چەندین پێشمەرگە ، دوای ئەوەی حیزبەهاوپەیمانەکانی خۆی و تەواوی وڵاتانی جیهان پشتیان تێکرد و لەسەری نەهاتنەجواب 

 لەتازەترین بەیان نامەیدا کە پڕێتی لەکوڕوزانەوە تێیدا داوای کردوە کوردانی تاراوگە خۆپیشاندان و مانگرتن ئەنجام بدەن لە ئەمریکا و ئەو روپا ،

بۆیە ئێمەش باش دەزانین کە بارزانی دەیەوێت ئێمە بەکار بهێنێت بۆ مانەوەی خۆی و داپۆشینی شکستەکانی و مانەوەی  لەدەسەڵاتدا چونکە خۆری تەمەنی سیاسی بارزانی لەئاوا بوندایە .

بۆیەپێی دەڵێن  ئێمەش ئێستا خۆپیشاندان ناکەین چونکە خۆت ئامۆژگاریت کردوین کەلەجایاتی خۆپیشاندان هەڵپەڕین 

لەتاراوگەش ئەگەر بمانەوێت هەڵپەڕین پێویستە بچین بۆ دیسکۆ