سەدان هێکتار لە دارستانەکانی “داڵاهوو” سووتێنران

- ئاگربەردانی بەئەنقەست لە دارستانەکانی زاگرۆس بەردەوامە و لە دوایین نموونەدا، سەدان هێکتار لە دارستانەکانی “داڵاهوو” سووتێنران.

-  بە پێی ڕاپۆرتی گەیشتوو، ڕۆژی شەممە ڕێکەوتی ٤ی خەرمانان، زیاتر لە ٢٠٠ هێکتار لە دارستان و لەوەڕگەکانی ناوچەی داڵاهوو سەر بە پارێزگای کرماشان لە ئاگرێکی بەئەنقەستدا سووتێنران و خەسارێکی قەرەبوونەکراو بەر ژینگە و ئێکۆسیستەمی ئەو ناوچەیە گەیشتووە.

- ئەم ئاگرەش هاوشێوەی ئاگرەکانی تری ئەو ناوچەیە، بە هەوڵ و تێکۆشانی ژینگەپارێزانی ئەنجومەنی “سەرووی سەوزی داڵاهوو” و خەڵکی خۆبەخشی ناوچەکە، بە کەمترین ئیمکانات کۆنترۆڵ کراوە. هەروەها ژنان و کچانی ناوچەکە شان بە شانی پیاوان لە دامرکاندنەوەی ئاگرەکە بەشدار بوون.

-  شیاوی باسە کە لە ئەمساڵدا، زیاتر لە ١٠ هەزار هێکتار لە دارستانەکانی ڕۆژهەڵاتی کوردستان و زاگرۆس سووتێنراون که کەسانی هەلپەرست ڕاستەوخۆ لەم تاوانانەدا دەستیان هەبووە.

مهاباد پیرانشهر خراسان سردشت موکریان آژانس_خبری_موکریان 

مهاباد شنو بوکان

سنندج مریوان سقز کرمانشاه ایلام